Search

Eelamaravar

Eelamaravar

Tag

இனப் படுகொலை

காணாமல் போன சகோதரனை தேடி போராடிய சகோதரி இனப்படுகொலை!

சகோதரனை தேடி போராடிய சகோதரி பலியான பரிதாபம்!

காணாமல் போன தமது உறவுகள் தொடர்பான தகவல்களை வெளிப்படுத்தக் கோரி போராட்டத்தில் ஈடுபட்டு வந்த பெண் ஒருவர் வவுனியாவில் மரணமடைந்துள்ளார்.

போராட்டத்தில் ஈடுபட்டு வந்த 24 வயதான இராசநாயகம் நிலா என்ற யுவதியே உடல்நலப் பாதிப்பினால் மரணமடைந்துள்ளார்.

வவுனியாவில் காணாமல் ஆக்கப்பட்ட தமது உறவுகளின் தகவல்களை வெளிப்படுத்தக் கோரி 500 நாட்களையும் தாண்டி போராட்டம் முன்னெடுக்கப்பட்டு வருகின்றது.

இந்தப் போராட்டத்தில் தனது சகோதரனைக் காணவில்லை எனத் தெரிவித்து குறித்த பெண் போராட்டத்தில் ஈடுபட்டு வந்துள்ளதுடன், தொடர்ச்சியான போராட்டத்தில் ஈடுபட்டு வந்தமையால் மன அழுத்தத்தினால் பாதிப்படைந்திருந்ததாக அவரது உறவினர்கள் குறிப்பிட்டுள்ளனர்.

Advertisements

இணைய-காகிதப் புலிகள், அமைப்புக்களுக்கும் ஓர் எச்சரிக்கை !

ஏற்கனவே இணையத்தில் திருடி ஈழ விபச்சாரம் !  இது பற்றி முழுமையாக எழுதியிருந்தோம்.  யார் துரோகிகள் தமிழ்மீடியா கவுஸ் ,களத்தில், ஈழப்பறவைகள் ?

தமிழ்மீடியா, ஈழப்பறவைகள் பதிலளித்திருந்தார்கள் , களத்தில் பதிலளிக்கவில்லை மாறாக திருட்டைத் தொடர்ந்து வருகின்றார்கள் .  நாம் தற்போது யாரையும் சுட்டிக்காட்ட முற்படவில்லை .

யுத்தம் தீவிரமான காலத்திலிருந்து   எமது யூரியூப் காணொளிகள் , முகநூல் , வலைப்பூ கணக்குகள்  தொடர்ச்சியாக முடக்கப்பட்டு வந்தன.  பின்னர் சிறு இடைவெளிக்கு பின்னர்  மீண்டும்  அதை விட தீவிரமாக ஆரம்பிக்கப்பட்டிருக்கின்றது.    அதுவும் யூரியூப்  நிர்வாகம் வேண்டுமென்றே செய்கின்றது . எமது தரப்பு  நியாயத்தை எடுத்துரைக்க சந்தர்ப்பம் கொடுக்காமலேயே விதிமுறைகளை மீறி கணக்கையே மூடுகின்றது.

நாம் தமிழர் போன்ற கட்சிகளின் எழுச்சியின் பின்னால் தமிழகம் சற்று இப்போது தான் விழித்துக் கொண்டிருக்கின்றது சீமான் ஈழவிஜயம் : கொளத்தூர்மணி -வைகோ பொய்பிரச்சாரம் நேரடி சாட்சி விளக்கம் !  நாம் பதிவிட்ட பின்னர் எமது எல்லாளன் முகநூல் கணக்கையும் முடக்கி விட்டார்கள்.

கடந்த 6 மாதத்தில் ஈழவர்குரல், ஈழம்வியூ யூரியூப் கணக்குகளை மூடிவிட்டது. எல்லாளன் முகநூல் கணக்கையும் மூடியிருக்கின்றார்கள் இவை தற்செயலான சம்பவங்களாக படவில்லை .

இதுவரை காலமும் இந்த இணைய- காகிதப்புலிகள்  அமைப்புக்கள் எம்மீதுள்ள போட்டி , பொறாமை, எதிர்மறை விமர்சனங்களால் என்னுடைய தனிப்பட்ட பிரச்சனையாக்கி யாரும் அலட்டிக்கொள்ளவில்லை.

நாமும் தொடர்ச்சியாக போராடிக் காப்பாற்றி வந்தோம் ஆனால் இம்முறை எமக்கு எந்த சந்தர்ப்பமும் கொடுக்கப்படாமல் எமது கணக்குகள் மூடப்படுகின்றன.  அதுவும்  தேசியத்தலைவரின் மாவீரர் நாள் உரை கூட பயங்கரவாத உரை என்னும் போர்வையில் நீக்கப்படுகின்றது  .

அதற்கு ஒரு படி மேல் சென்று தேசியத்தலைவரின் 50 வது அகவை தலைநிமிர்வு காணொளித் தொகுப்பை  (IWPL )Mumbai based company also known as Isha Webhosting Pvt Ltd   மும்பை கம்பனி உரிமை கோருகின்றது. அதனால் இந்தக் காணொளி தற்போது யூரியூபிலிருந்து அகற்றப்பட்டுக்கொண்டிருக்கின்றது . இதன் மூலம் எமது கணக்கையும் மூடிவிட்டார்கள். எமக்கு எந்தச் சந்தர்ப்பமும் கொடுக்கப்படவில்லை.

இவை எல்லாம் திட்டமிட்டு நடாத்தப்படுகின்றனவா ?

புலிகளை பயங்கரவாதிகள் என்று முத்திரை குத்தி ஒரு புறம் எமது காணொளியை நீக்கி கணக்கை முடும் யூரியூப் நிறுவனம்,  புலிகளால் தயாரிக்கப்பட்ட காணொளியை மும்பைக் கம்பனி உரிமை கோருவதைக் கண்டு கொள்ளவில்லை .

அப்படியானால்  யூரியூப்பில் புலிகளின் போராட்டக் காணொளிகள் இனி தொடர்ச்சியாக அகற்றப்படப்போகின்றது என்றே எமக்கு தோன்றுகின்றது.  எம்மால் தயாரிக்கப்பட்ட காணொளிகளை வெட்டி ஒட்டி பதிவேற்றியவர்களுக்கும் இது பொருந்தும்.

போட்டி போட்டு காணொளிகளை வெட்டி ஒட்டி பதிவேற்றுபவர்கள் அந்தக் காணொளிகளை தக்கவைத்துக் கொள்ள போராடவில்லை. அதற்கு வலுசேர்க்கவும் இல்லை மாறாக இது எனது தனிப்பட்ட பிரச்சனை என்று விட்டுவிட்டார்கள் .

கடந்த 10 வருடங்களாக நாம் தொடர்ச்சியாக பல காணொளிகளை உருவாக்கி பதிவேற்றியிருந்தோம்,  அதை தக்க வைக்க அதற்கு மேல் போராடியிருக்கின்றோம்

ஆனால் இம்முறை நாம் போராடப் போவதில்லை அப்படியே விட்டு விடப்போகின்றோம் அதன் தொடர்ச்சியாக இவர்களது காணொளிகளும் நீக்கப்படும் அப்போது இவர்களாகவே போராடுவார்கள் !

தமிழின விரோதிகளும் , துரோகிகளும் யுத்தத்திற்கு முன்பு போல் இன்னும்  அதே வேகத்தில் இயங்கிக் கொண்டிருக்கின்றார்கள். ஆனால் பாதிக்கப்பட்ட ஈழத்தமிழினம் நீண்ட தூக்கத்திற்கு சென்றுவிட்டது . மாவீரர், முள்ளிவாய்க்கால் தினங்களில் மட்டும் ஒரு சிலர் முகம் காட்டுவதோடு சரி.

 இது குறித்து உண்மையில் யாருக்காவது , எந்த அமைப்புக்காவது அக்கறை இருந்தால் யூரியூப் நிர்வாகத்திற்கு(  petition ) புகார் மனு எழுதுவதன் மூலம் அல்லது ஆவண செய்யவும் அல்லது புலிகளின் போராட்ட வரலாற்றுக் காணொளிப் பதிவுகள் இல்லாமல் போய்விடும்.

அல்லது

நாம் இந்த இலவச யூரியூப் தளங்களை நம்பியிருக்காமல் எமக்கென்று காணொளிகளை பதிவேற்றும் ஒரு தளத்தை உருவாக்கவேண்டும் ஏற்கனவே இருக்கும் மாவீரர் தளங்களுக்கு இத்தனை போட்டி இணையங்கள், அமைப்புக்கள் இருந்தும் யாரும் இல்லாததைச்  செய்ய முன்வரவில்லை

புலிகளின் போராட்ட வரலாற்றைக் காணொளிகளை பாதுகாத்து ஆவணப்படுத்த எந்த அமைப்பும் இதுவரை முயற்சிக்கவில்லை அப்படி செய்யும் தனிநபர்களையும் ஊக்குவித்து ஆதரவளிக்கவில்லை

ஒரு காணொளியை தயாரிப்பதற்கு பல மணித்தியாலங்கள் தேவைப்படும் , நாம் பல எம்மிடமிருந்த ஒளிவீச்சுக்களை ஒளிநாடாவிலிருந்து உருமாற்றம் செய்து பதிவேற்றியிருக்கின்றோம் அவற்றை திருடி வெளியிடுபவர்கள் உண்மையில் மாவீரர்களை நேசிப்பவர்களாக இருந்தால் எம்மிடம் இல்லாத ஒளிவீச்சு நாடாக்களை உருமாற்றம் செய்து வெளியிட்டிருக்க வேண்டும் ஆனால் அப்படி யாரும் செய்யவில்லையே !

நிதிப்பற்றாக்குறை காரணமாக எம்மால் அப்படி ஒரு தளத்தை உருவாக்க முடியவில்லை

புலிகளின் போராட்ட வரலாற்றுக் காணொளிகளை பதிவேற்றும்  ஒரு இணையத்தை ஆரம்பிக்கவேண்டும்  அதற்கு யாரவது முன்வருவார்களா ?

+++++

புதிய பூதத்தை வெளியே கொண்டுவந்துள்ள விஜயகலா! தந்திர நரியின் எந்திர விளையாட்டு இது!

“கிணறு வெட்ட பூதம் வெளிவந்தது என்பது பழமொழி” பூதம் வெளிவர வேண்டும் என்பதற்காகவே கிணறு வெட்டப்பட்டது என்பது இன்றைய ஐக்கிய தேசியக் கட்சியின் புது மொழியாக இருக்கிறது.

கடந்த முற்பது ஆண்டுகளுக்கும் மேலாக இலங்கை அரசியலை தீர்மானிக்கும் சக்தியாக, தமிழீழ விடுதலைப் புலிகள் விளங்கிக் கொண்டிருக்கிறார்கள். கடந்த 2009ம் ஆண்டு தமிழ்த் தேசிய அரசியல் அரங்கிலிருந்து புலிகள் ஆயுத ரீதியாக அகற்றப்பட்டிருந்தாலும், அவர்களுக்குப் பின்னரான ஒரு பெரு வெளி தமிழ்த் தேசிய அரசியலில் காணப்படுகின்றது என்பதை ஏற்றுத்தானாக வேண்டும்.

விரும்பியோ விரும்பாமலோ புலிகளின் வளர்ச்சியில் ஆரம்ப காலங்களில் இந்தியாவின் பங்கிருந்தது. அது இந்திய அரசின் பூகோள நலனை மையமாகக் கொண்டது. புலிகளை வைத்து ஆசிய அரங்கில் காய் நகர்த்தல்களை அன்றைய மத்திய அரசாங்கம் செய்தது.

எனினும் பின்னர் ஏற்பட்ட கசப்பான அனுபவங்கள் எல்லாவற்றையும் தலைகீழாக மாற்றியது. புலிகள் அழிக்கப்பட வேண்டியவர்கள் என்ற மனநிலைக்கு இந்திய அரசாங்கம் வந்தாலும், புலிகளின் தேவை இந்தியாவிற்கு இன்றளவும் இருக்கிறது என்பது, யுத்த முடிவிற்குப் பின்னரான சீனாவின் ஆதிக்கம் இலங்கையில் அதிகரித்ததன் பின்னர் உணரப்பட்டது.

இன்று புலிகள் ஆயுத ரீதியாக அழிக்கப்பட்டு, ஒன்பது ஆண்டுகள் கடந்தும், புலி என்ற வார்த்தையை மகிந்த ராஜபக்ச தரப்பும் சரி, ரணில் விக்ரமசிங்க தரப்பினரும் சரி கைவிடுவதாக தெரியவில்லை.

மீண்டும் புலிகள் வருவார்கள், நாட்டின் இறையான்மைக்கு ஆபத்து வருகிறது, புலிகளின் தலைமை அழிக்கப்பட்டதே தவிர, சர்வதேச நாடுகளில் புலிகள் இயங்கிக் கொண்டிருக்கிறார் என்று தன்னுடைய பிரசாரத்தை மேற்கொண்டிருக்கும் ராஜபக்ச தரப்பு, அதிகாரத்தைக் கைப்பற்ற புலிகளை நினைவுபடுத்துகிறது.

மறுபுறத்தில், ஆட்சியேற்று மூன்றாண்டுகள் கடந்தாலும், பெருமளவிலான வாக்குறுதிகளை நிறைவேற்றாமல் அரசாங்கம் காலத்தை வீணடிக்கிறது என்ற குற்றச்சாட்டுக்கு இலக்காகியிருக்கிறது. இன்னொரு புறத்தில் ஊழல் பிரச்சினை அரசாங்கத்திற்கு தலையிடியாக மாறியிருக்கிறது.

இவையொருபுறமிருக்க, கூட்டமைப்பினருக்கு கொடுக்கப்பட்ட வாக்குறுதிகளை நிறைவேற்ற வேண்டும் என்னும் அழுத்தமும் அதிகரித்துக் கொண்டிருக்கிறது.

எதிர்க் கட்சித் தலைவர் இரா. சம்பந்தனும், தமிழ்த் தேசியக் கூட்டமைப்பின் ஊடகப் பேச்சாளருமான எம்.ஏ.சுமந்திரன் அரசாங்கத்திற்கு கொடுத்த ஆதரவினை நீக்க வேண்டிய நிலைவரும் என்றும் எச்சரித்திருக்கிறார்.

குறிப்பாக வடக்கில் இருந்து இராணுவ வீரர்களை வெளியேற்றுவது என்பது கூட்டமைப்பின் முக்கிய கோரிக்கைகளில் ஒன்று. ஆனால், அரசாங்கம் இராணுவத்தினை வெளியேற்றினால், மகிந்த ராஜபக்சவின் வலைக்குள் வீழ்ந்துவிடுவோம் என்பதில் தெளிவாக இருக்கிறது.

எப்பாடு பாட்டேனும் வடக்கிலிருந்து இராணுவத்தினை வெளியேற்றும் முடிவினை அராசாங்கம் நிறைவேற்றாமல் காலத்தை இழுத்தடிக்க வேண்டும் என்பதில் தெளிவாக இருக்கிறது.

வடக்கில், தொடர்ந்தும் வாள் வெட்டுக்களும், குழுச் சண்டைகளும் நடந்து கொண்டிருக்கின்றன. இவ்வளவு இராணுவம், காவல்துறையினர் இருந்தும் அவர்களை இனம் கண்டு கட்டுப்படுத்த முடியவில்லை என்பது வேடிக்கையானது.

முற்பது ஆண்டுகளாக போராடிய பெரும் படை பலம் கொண்ட புலிகளை தேடியழிக்கத் தெரிந்த இராணுவ வீரர்களுக்கு, ஏன் வாள் வெட்டுக் குழுவினரை கட்டுப்படுத்த முடியவில்லை என்கிற யதார்த்தமான கேள்வி எழுவதில் தவறில்லை.

ஆனால், இராணுவம் வெளியேறாமல் இருக்க வேண்டுமானால், வடக்கில் வன்முறைகள் நடந்தேற வேண்டும் என்பது மேலிடத்தின் கணிப்பாக இருக்கிறது.

மறுபுறத்தில், வடக்கில் வன்முறைகள் நிகழ்கின்றது. ஆனால் அரசாங்கம் கட்டுப்படுத்த முடியாமல் இருக்கிறது என்று கூட்டு எதிர்க்கட்சி குழப்பத்தை ஏற்படுத்துகிறது. இன்னொருபுறத்தில் இராணுவக் குறைப்புக் குறித்து கூட்டமைப்பும் வடமாகாண சபையும் தொடர்ச்சியாக குரல் கொடுத்துக் கொண்டிருக்கின்றன.

இவர்கள் எல்லோரினதும் வாயை அடைத்து, இராணுவத்தினரை நிலை நிறுத்துவதற்கு அரசாங்கம் இறக்கிய நபர் விஜயகலா மகேஸ்வரனாக இருக்கிறார்.

”மீண்டும் புலிகள் உருவாக்கப்பட வேண்டும்.” அவர்கள் காலத்தில் குற்றச்செயல்கள் நடைபெறவில்லை” என்று மேடையில் பேச, அது தெற்கில் பூதாகரமாக மாறியிருக்கிறது.

அமைச்சரின் பதவியைப் பறிக்க வேண்டும் என்று ஒரு தரப்பும், சட்ட நடவடிக்கை எடுக்க வேண்டும் என்று இன்னொரு தரப்பும் துள்ளிக் குதிக்கிறது.

ஆனால், பிரதமர் ரணில் விக்ரமசிங்க இது தொடர்பாக மௌனம் காத்துக் கொண்டிருக்கிறார். விஜயகலா மகேஸ்வரன் பேசிய வார்த்தைகளில் குற்றம் காண முடியாது. அவர் தெரிந்தோ தெரியாமலோ புலிகளின் ஆட்சி குறித்ததான உண்மை நிலையினை வெளியிட்டிருக்கலாம்.

ஆனால், இப்பொழுது எதற்காக வெளியிட்டார் என்பது தான் கேள்வி. ஏனெனில், இப்பொழுது, புலிகளின் மீள் எழுச்சி சாத்தியப்படக்கூடிய ஒன்று எனவே இராணுவத்தினரை வடக்கில் இருந்து வெளியேற்ற முடியாது என்று ஆணித்தரமாக அரசாங்கத்தினால் சொல்ல முடியும். அதைத்தான் சொல்லப் போகிறது.

இன்னொருபுறத்தில், அடுத்த தேர்தலில் ஐக்கிய தேசியக் கட்சியில் போட்டியிடும் விஜயகலா மகேஸ்வரனுக்கு கண்டிப்பாக வாக்குகள் குவியும் என்பதில் மாற்றுக் கருத்துக்கு இடமில்லை.

மறுபுறத்திலோ, மகிந்த ராஜக்ச எப்படி புலிகள் வருகின்றார்கள் என்று வாக்குச் சேகரித்தாறோ அதேபோன்று ரணில் விக்ரமசிங்க தரப்பினரும் வாக்குகளை சேகரிக்க புலிவேஷத்தைப் பயன்படுத்துவார்கள்.

ஆக, ஒரு கல்லில் பல மாங்காய்களை வீழ்த்தியிருக்கிறார் பிரதமர். வடக்கில் இராணுவக் குறைப்பு சாத்தியமற்ற ஒன்று என்பதை தெள்ளத் தெளிவாக இன்று விஜயகலாவின் பேச்சோடு நிரூபித்திருக்கிறது அரசு.

இலங்கை அரசியலில் ரணில் விக்ரமசிங்க தந்திர நரி என்று முன்னர் விடுதலைப் புலிகளின் தலைவர் வே.பிரபாகரன் குறிப்பிட்டதாகவும், அது தற்போது தான் தமக்கு நன்றாக புரிந்திருப்பதாகவும், அண்மையில் பொதுபல சேனாவின் பொதுச் செயலாளர் கலகொட அத்தே ஞானசார தேரர் குறிப்பிட்டார்.

அது ஒவ்வொரு இடத்திலும் தெள்ளத் தெளிவாக புலப்பட்டு நிற்பதை தமிழர் தரப்பு சிந்தித்துக் கொண்டால், தமிழருக்கு எதிராக இறுக்கப்படும் முடிச்சுக்களை இனம் காண முடியும்.

இல்லையேல், 2009ம் ஆண்டு சம பலத்தை இழந்த தரப்பு, அதற்கு கீழான அனைத்து பலங்களையும் இழக்க வேண்டிய நிலைக்குத் தள்ளப்படும் என்பதில் இருவேறு கருத்துக்கள் இருக்க வாய்ப்பில்லை.

S.P. Thas

நவீன விஞ்ஞானத்திற்கு சவால் விடும் சிங்கள இனத்தின் வரலாறு !

தமிழ் மக்களுக்காக குரல் கொடுத்த மாநகர சபை உறுப்பினர் கொலை !

  காணாமல் ஆக்கப்பட்டோரின் உறவுகளுக்காக வீதியில் தவிக்கும் மக்களின் விடிவுக்காக அண்மைக்காலமாக போராடிவந்த கொழும்பு மாநகர சபை உறுப்பினரும் நவோதயா மக்கள் முன்னணியின் தலைவருமான கிருஷ்ணபிள்ளை கிருபாநந்தன் துப்பாக்கிச்சூட்டில் உயிரிழந்துள்ளார்.

கொழும்பு செட்டியார் தெருவில் வைத்து இன்று (திங்கட்கிழமை) காலை இவர் சுட்டுக்கொல்லப்பட்டுள்ளதாக பொலிஸார் தெரிவித்துள்ளனர்.

ஆண்டிவேல் தெருவிலுள்ள அவரது கடையில் இருந்த மாநகர சபை உறுப்பினர் மீது மோட்டார் சைக்கிளில் பயணித்த இனந்தெரியாத நபர்கள் இருவர் துப்பாக்கிச்சூடு நடத்தியுள்ளனர். அவர் மீது நான்கு முதல் ஐந்து துப்பாக்கிச்சூடு நடத்தப்பட்டுள்ளது.

துப்பாக்கிச்சூட்டில் படுகாயமடைந்த ஒரு பிள்ளையின் தந்தையான 39 வயதுடைய மாநகர சபை உறுப்பினர், வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

இவர் அரசியல் கைதியான ஆனந்த சுதாகரனின் விடுதலைக்காக குரல் கொடுத்து வந்ததுடன், ஆனந்தசுதாகரனின் பிள்ளைகளுக்கும் ஆதரவு கரம் நீட்டியிருந்தமை சுட்டிக்காட்டத்தக்கது.

அது மாத்திரமின்றி இறுதி யுத்தத்தின் போதும், யுத்தத்தின் பின்னரும் காணாமல் ஆக்கப்பட்டோரது உறவுகளுக்கு உதவி செய்யும் வகையில் அமைப்பொன்றை நிறுவி, அதன் மூலம் காணாமல் ஆக்கப்பட்டோர் குறித்து விபரங்களை திரட்டும் பணியில் அண்மைக்காலமாக ஈடுபட்டுவந்தமையும் குறிப்பிடத்தக்கது.

https://www.facebook.com/

யாழ் நல்லூர் கந்தசாமி ஆலய நிர்வாகம் சிங்களத்தின் கைக்கூலி !

 

தமிழ் மக்களின் சொத்தான யாழ் நல்லூர் கந்தசாமி ஆலயம் தனிப்பட்ட ஒரு அரச குடும்பத்தின் வாரிசுகளினால் நிர்வகிக்கப் பட்டுவருகிறது. இந்த வருமானத்தில் அந்த குடும்பம் சுகபோகவாழ்வில் வாழ்ந்து வருவது மட்டுமல்லாமல் சிங்கள இனவாத அரசுடன் கை கோர்த்து தமிழர்களின் மீதும் இனவாதம் காட்டுகின்றது .

ஒரு இனத்தின் சொத்தை எப்படி ஒரு குடும்பம் அனுபவித்து வருகின்றது. இதை வட மாகாண அமைச்சு ஏன் இது வரை கண்டு கொள்ளவில்லை ? அல்லது இவர்களும் இந்தக் கூலிகளின் பங்காளிகளா ?

இனி

உலகெங்கும் புலம் பெயர்ந்து வாழும் தமிழர்கள் சொந்த மண் விட்டு பிரிந்த ஏக்கம் தீர்க்க தாயகம் செல்லும் பொழுது நல்லூர் திருவிழா பார்க்க என்றே ஊருக்கு போகும் பழக்கத்தை வழக்கமாக கொண்டிருக்கின்றனர்.

உலக தமிழ் மக்களின் கொட்டி கொடுக்கும் நிதியில் கோடீஸ்வரர்களாக இருக்கும் நல்லூர் கந்தன் ஆலய உரிமையாளர்கள் காலம் காலமாக தமிழ் மக்களின் நிதியை கொள்ளை கொள்ளையாக ஆலய வியாபாரத்தில் பெற்று மக்கள் சொத்தாக ஆக்காமல் தனியுடமை சொத்துக்களாக பேணி அதி உச்ச இலாபம் ஈட்டும் வியாபார ஸ்தாபனமாக வைத்திருக்கின்றனர்.

கடவுள் என்றால் எல்லோருக்கும் எளியராக இருக்க வேண்டும். எல்லோரையும் காக்கும் தெய்வமாக இருக்க வேண்டும். இன்னமும் சொன்னால் துன்பத்தில் இடிந்து போன உறவுகள் நாடி வந்தால் ஆறுதல் கொடுக்கும் தலமாக ஆலயம் இருக்க வேண்டும்.

மாறாக கண்ணீரோடு சென்ற மக்களை அவமதித்து மிதித்து விரட்டியிருக்கிறது நல்லூர் கந்தன் ஆலய நிர்வாகம்..

நல்லூர் கோவிலுக்குள் இராணுவம் போகலாம். சிங்கள காவல்துறை போகலாம், அரசியல்வாதிகளும் போகலாம் ஆனால்
போராடும் தமிழ் மக்கள் உள்ளே நுழைய கூடாது என்றும் மதிலுக்கு வெளியே கூட நிற்க கூடாது என்றும் முன்பே தடுத்து விமர்சனத்திற்கு உள்ளானவர்கள் இந்த ஆலய நிர்வாகத்தினர்.

இன்றும் மீண்டும் அவர்கள் 500 நாட்களுக்கும் மேலாக வலிந்து காணாமல் ஆக்கப்பட்ட தமிழ் உறவுகள் நினைவில் போராடும் அம்மாமார் சிலர் இறைவனை வேண்டி நல்லூர் கந்தசாமி கோவிலுக்குள் சென்று அமைதி வழியில் தேங்காய் உடைத்து வணங்க சென்ற பொழுது அவமதித்து விரட்டி இருக்கின்றார்கள் கோவில் நிர்வாகத்தினர்.

கண்ணீர் விட்டு அழும் மக்களுக்கு இரங்காத கடவுள் மக்களுக்கு எதற்கு? அப்படி ஒரு பயனில்லா கோவிலுக்கு மக்கள் வாரி வாரி கொட்டி கொடுப்பது எதற்கு?

மக்களுக்கு பயன் தராத கோவில் எங்கள் மண்ணில் எதற்கு?

இதற்காகவா இந்த கோவிலுக்கு கொட்டி கொட்டி கொடுத்தீர்கள் உறவுகளே?

பதில் சொல்லுங்கள்!

கடவுளை வைத்து வியாபாரம் செய்து கொண்டு மக்களை மிதித்து ஏமாற்றிக்கொண்டு அரச கைக்கூலியாக செயல்படும் ஆலயத்தை இனியும் நீங்கள் மதிப்பீர்களா?

Sivavathani Prabaharan

யசுமின் சூக்கா வெளியிட்ட படையினரிடம் ஒப்படைக்கப்பட்டு காணாமல் போனோர் !

ஐ.நா. சபையால் விசாரணை அதிகாரியாக நியமிக்கப்பட்ட யசுமின் சூக்கா அம்மையார் கடந்த மே-18 2018 அன்று, சிறிலங்காப் படைகளிடம் சரணடைந்து காணாமலாக்கப்பட்டுள்ள 280 பேரிற்கும் மேற்பட்ட விபரங்களை வெளியிட்டுள்ளார். அவ்வாறு அவர் வெளியிட்ட விபரங்கள் கீழே இணைக்கப் பட்டுள்ளன:

PDF ltte disappearance list

PDF https://www.scribd.com/document/383304288/ltte-disappearance-white-flag-killings-srilanka

ltte disappearance white flag killings srilanka by eelamview on Scribd

https://www.scribd.com/embeds/383304288/content?start_page=1&view_mode=scroll&access_key=key-OoYqOzORuO3B53EX8BOU&show_recommendations=true

http://online.anyflip.com/xaxc/uvcu/

வெள்ளைக்கொடி விடயத்தில் மேலும் புதிய ஆதாரங்கள்!

இப்போது சிங்கள தேசம் உலக அரங்கில் அவமானப்பட்டு நிற்கும் ‘வெள்ளைக்கொடி’ விவகாரத்தில் கொல்லப்பட்டவர்களில் முதன்மையானவராகப் பேசப்பட்ட அரசியல்துறைப் பொறுப்பாளர் திரு.பா.நடேசன் அவர்களின் துணைவியார் திருமதி நடேசன் வினித்தா அவர்களின் புகைப்படத்தோடு மேலும் கொல்லப்பட்ட ஆறுபேரின் புகைப்படங்களை வெளியிட்டுள்ளார் தமிழீழ போர்க்கால ஊடகவியலாளர் திரு.நரேன் கார்த்திகேசு அவர்கள்.

இதில் சிறுவன் ஒருவரின் புகைப்படமும் அடங்கியுள்ளது. இந்த ஆறு பேரும் இன்னும் அடையாளம் காணப்படாத நிலையில், அவர்களை அடையாளம் காட்டக்கூடியவர்கள் இருந்தால்அவர் தம் உறவுகளுக்குப் பயனுடையதாக அமையும்.

வெள்ளைக்கொடியை ஏந்தியவாறு சரணடைந்தவர்களை உலக நீதிக்குப் புறம்பாக நரவேட்டையாடிய சிங்களதேசம் திருமதி நடேசன் அவர்களின் கொலைக்கும் என்ன நியாயத்தைச் சொல்லப்போகின்றது?

பதிவு:- திரு.சுரேன் கார்த்திகேசு.
குறிப்பு:- முகநூலில் இருந்து எடுத்துத் தொகுக்கப்பட்டது.

ltte Disappearances – http___www.disappearance.itjpsl.com_english

ltte Disappearances – http___www.disappearance.itjpsl.com_tamil

தமிழ் மக்கள் மீது சிறிலங்கா படைகள் இரசாயன ஆயுதங்களைப் பாவித்தார்கள் !

விடுதலைப் புலிகளுடனான சண்டைகளின் போது சிறிலங்காப் படைகள் இரசாயன ஆயுதங்களைப் பாவித்து வருகின்றது என்கின்ற உண்மையை தமிழ் ஊடகங்கள் தொடர்ந்து வெளிப்படுத்திக்கொண்டே இருக்கின்றன.

குறிப்பாக இந்த விடயங்களை ஐ.பீ.சி. தமிழ் பல்வேறு சந்தர்ப்பங்களில் ஆதாரங்களுடன் வெளிப்படுத்தியிருந்தது.

சிறிலங்காவின் ஆட்சியாளர்களின் உத்தரவின் பேரில் சிறிலங்கா அரச படையினர் யுத்தக் களத்தில் இரசாயண ஆயுதங்களை பயன்படுத்தியமை தொடர்பில் பிரகீத் எக்னலிகொட என்கின்ற சிங்கள ஊடகவியலாளர் பல தளங்களில் செய்தி வெளியிட்டதுடன், அவ்வாறு அவர் செய்தி வெளியிட்ட காரணத்தினால் அவர் கடத்தப்பட்டு படுகொலை செய்யப்பட்டதும்; குறிப்பிடத்தக்கது.

தமிழ் இனத்தை ஒட்டுமொத்தமாக அழித்துவிட வேண்டும் என்ற நோக்கத்துடன், தமிழீழ விடுதலைப் புலிகளுக்கு எதிரான யுத்தத்தின் போது மிகவும் கொடிய வகை ஆயுதங்களான இரசாயண ஆயுதங்களை சிறிலங்காவின் ஆட்சியாளர்கள் பயன்படுத்தியதை கண்டுபிடித்திருந்த ஒரே காரணத்திற்காகவே ஊடகவியலாளர் பிரகீத் எக்னெலிகொட படுகொலை செய்யப்பட்டதாக அவரது மனைவி சந்தியா எக்னெலிகொட தெரிவித்துள்ளதார்.

சிறிலங்காவின் ஆட்சியாளர்களின் உத்தரவின் பேரில் சிறிலங்கா அரச படையினர் யுத்தக் களத்தில் இரசாயண ஆயுதங்களை பயன்படுத்தியமை தொடர்பில் மேற்குலகமும் நன்கு அறிந்திருந்ததாகவும் பிரகீத் எக்னலிகொட ‘இனவாத யுத்தமும் – இரசாயண ஆயுதங்களும்’ என்ற தனது புலனாய்வு ஆய்வறிக்கையில் கண்டுபிடித்திருந்ததாகவும் சந்தியா எக்னெலிகொட அதிர்ச்சித் தகவலொன்றை வெளியிட்டுள்ளார்.

சிறிலங்காவின் முன்னாள் ஜனாதிபதி மஹிந்த ராஜபக்சவின் ஆட்சிக் காலமான 2010 ஆம் ஆண்டு ஜனவரி 24 ஆம் திகதி கடத்தப்பட்டு காணாமல் ஆக்கப்பட்ட சிரேஷ்ட ஊடகவியலாளரும், கேலிச் சித்திரக் கலைஞருமான பிரகீத் எக்னெலிகொடவிற்கு நீதிகோரி கடந்த பத்து வருடங்களாக போராடிவரும் அவரது மனைவியான சந்தியா எக்னெலிகொட, தனக்கும் தனது பிள்ளைகளுக்கும் பொதுபல சேனா அமைப்பினர் உட்பட சிங்கள பௌத்த பிக்குகளால் தொடர்ச்சியாக அச்சுறுத்தல்கள் விடுக்கப்பட்டு வருவதாகத் தெரிவித்து கொழும்பில் ஊடகவியலாளர் சந்திப்பொன்றை நடத்தினார்.

இதன்போதே தமிழீழ விடுதலைப் புலிகளுக்கு எதிராக சிறிலங்கா இராணுவம் உள்ளிட்ட அரச படையினர் முன்னெடுத்திருந்த 30 வருடகால யுத்தத்தின் போது பல்வேறு கட்டங்களில் இரசாயண ஆயுதங்கள் பயன்படுத்தப்பட்டிருப்பதை பிரகீத் கண்டுபிடித்திருந்ததாகவும்இ அந்த உண்மைகள் வெளியில் வந்துவிடும் என்பதற்காகவே பிரகீத்தை முன்னாள் ராஜபக்ச ஆட்சியில் கடத்தி காணாமல் ஆக்கியிருப்பதாகவும் சந்தியா குற்றம்சாட்டினார்.

இது குறித்து மேலும் தெளிவுபடுத்திய சந்தியா எக்னெலிகொட…..

‘ பிரகீத் 2010 ஆம் ஆண்டு ஜனவரி 24 ஆம் திகதி காணாமல்போனதை அடுத்து 2015 ஆம் ஆண்டு வரை அந்த சம்பவம் மூடிமறைக்கப்பட்ட ஒன்றாகவே இருந்து வந்தது. பிரகீத்தை ஏன் காணாமல் ஆக்கினார்கள் என்பது தொடர்பில் அதுவரை எவருக்கும் தெரியாத புதிராக இருந்து வந்தது. பிரகீத் என்ன செய்தார் என்பதும் இந்த சமூகத்தில் எவரும் அறிந்தும் இருக்கவில்லை.

பிரகீத் செய்த முக்கிய பணிகள் சில இருக்கின்றன. அதில் ஒன்றுதான் ராஜபக்சவினருக்கு எதிராக கட்டுரைகளை எழுதியமை. ராஜபக்சக்களினால் இழைக்கப்பட்ட குற்றங்களை அம்பலப்படுத்தியமை. அதேபோல் சரத் பொன்சேகாவிற்காக ஐக்கிய தேசியக் கட்சியின் ஆலோசணைக் குழுவின் ஊடாக அவரது தேர்தல் நடவடிக்கைகளில் இணைந்துகொண்டமை.

அதனைவிட பிரகீத் எழுதிய இந்த ஆவணம். இன அடிப்படையிலான யுத்தமும் – இரசாயண ஆயுதங்களும் என்ற இந்த ஆவணம் தொடர்பில் இலங்கையிலுள்ள மற்றும் சர்வதேச தரப்பினருக்கும் அவர் தெளிவுபடுத்தியிருந்தார்.

இந்த ஆவணத்தின்படி இலங்கையில் யுத்தம் இடம்பெற்ற காலப்பகுதியில் பல்வேறு சந்தர்ப்பங்களில் இரசாயண ஆயுதங்கள் பயன்படுத்தப்பட்டிருக்கின்றன. அது எந்தகாலப்பகுதிகள் என்பதையும் பிரகீத்தின் புலனாய்வு அறிக்கையில் கோடிகாட்டியுள்ளார்.

யாராவது ஒரு தரப்பு இரசாயண ஆயுதங்களை பயன்படுத்துகின்றது என்றால் தெரிவுசெய்யப்பட்ட ஒரு குழுவினரை அழிப்பதற்கு அல்ல ஒட்டுமொத்த இனத்தையும் அழித்துவிடுவதற்காகவே இரசாயண ஆயுதங்களை பயன்படுத்துகின்றனர் என்பதை பிரகீத் மிகத் தெளிவாகக் குறிப்பிடுகின்றார்.

இந்த அரசுகள் செய்யும் இவ்வாறான கொடூரங்களை மேற்குலகம் அறிந்திருக்காதிருக்க வாய்ப்பில்லை என்றும் பிரகீத் குறிப்பிட்டுள்ளார்.

அதேவேளை இலங்கை போன்ற நாடுகளை பலம்வாய்ந்த நாடுகள் பரிசோதனைக் களமாக பயன்படுத்தி வருவதும் கவலைக்குறிய விடையம் என்றும் பிரகீத் தனது ஆய்வறிக்கையில் சுட்டிக்காட்டியுள்ளார்.

அதனால் இந்த ஆவணத்தை பகிரங்கப்படுத்த நான் தயாராகவே இருக்கின்றேன். ஏற்கனவே இந்த ஆவணம் பகிரங்கப்படுத்தப்பட்டும் இருக்கின்றது’ என்றும் சந்தியா எக்னெலிகொட மேலும் தெரிவித்துள்ளார்.

இதேவேளை ‘இனவாத யுத்தமும் – இரசாயண ஆயுதங்களும்’ என்ற பிரகீத்தின் இந்த புலனாய்வு அறிக்கை முதன்முறையாக கலாநிதி விக்கிரமபாகு கருணாரத்ன தலைமையிலான நவ சமசமாஜக் கட்சியின் ஒஸ்வின் தொழிலாளர் கல்விக்கூடம் என்ற நவ சமசமாஜ கட்சியின் கல்வி நிலையத்தினால் 2008 ஆம் ஆண்டு டிசெம்பர் மாதம் 22 ஆம் திகதி ஏற்பாடுசெய்திருந்த கருத்தரங்கில் பிரகீத் எக்னலிகொட வெளியிட்டு உரையாற்றியிருந்தமையும் இங்கு குறிப்பிடத்தக்கது.

சிறிலங்கா படைகள் இரசாயன ஆயுதங்களைப் பாவித்திருந்தார்கள் எப்பது தொடர்பாக ஐ.பீ.சி. தமிழில் ஜுன் 2016 இல் வெளியான ஆதாரங்கள்:

பிரபாகரன் இல்லாமையால் தாயகத்தில் கொடுமைகள் அரங்கேறுகின்றனவா?

முற்றுப்புள்ளி வைக்கப் போவது யார்?

தமிழர் தரப்புகளை கொதி நிலைப்படுத்திய சிறுமி றெஜினாவின் படுகொலை விவகாரம் நாளுக்கு நாள் மக்கள் மத்தியில் பாரிய அதிர்வலைகளை ஏற்படுத்தி வருகின்றது.

கலைக்கும், கலாச்சாரத்திற்கும் சிறந்த எடுத்து காட்டாக இருந்த யாழ்ப்பாணம் இன்று கொலைக்கும், கொள்ளைக்கும் எடுத்து காட்டாக இருப்பது கவலைக்குரிய விடயமாக காணப்படுகின்றது.

கடந்த 25ஆம் திகதி மாலை கிணறு ஒன்றில் இருந்து சிறுமி றெஜினாவின் சடலம் மீட்கப்பட்டது.

சுழிபுரம் காட்டுப்புலம் அ.த.க பாடசாலையில் தரம் ஒன்றில் கல்வி பயிலும் குறித்த மாணவி பாடசாலைக்குச் சென்று மதியம் வீடு திரும்பியுள்ளார். மாணவி வீட்டிற்கு வந்த நேரத்தில், தாயார் சமூர்த்தி வங்கிக்குச் சென்றுள்ளார்.

தகப்பனார் கூலி வேலைக்குச் சென்றுள்ளார். மதியம் 3.00 மணியளவில் வீட்டிற்கு வந்த தாயார் மகளைக் காணவில்லை என தனது சகோதரியின் வீட்டிற்குச் சென்று தேடியுள்ளார்.

எனினும், அங்கும் இல்லை, இதனையடுத்து குறித்த சிறுமியை உறவினர்கள் ஒன்று சேர்ந்து தேடியுள்ளனர்.

விடயத்தினை அறிந்த அந்த பகுதி இளைஞர்கள் அனைவரும் சேர்ந்து கிராமம் முழுவதும் தேடியுள்ளனர். அப்போது அந்தப் பகுதியில் இருந்து 200 மீற்றர் தூரத்தில் ஆள் நடமாட்டம் அற்ற இடத்தில் உள்ள கிணற்றில் சிறுமியின் சடலம் கிடந்துள்ளது.

சிறுமியைச் சடலமாக கண்ட இளைஞர்கள் சிறுமியின் தாயாருக்கு தெரிவித்துள்ளார். அதன்பின்னர் உறவினர்கள் வட்டுக்கோட்டைப் பொலிஸாருக்கு தகவல் வழங்கியுள்ளனர்.

தகவலின் பிரகாரம் சம்பவ இடத்திற்குச் சென்ற வட்டுக்கோட்டைப் பொலிஸார் சிறுமியின் சடலத்தினை மீட்டுள்ளனர். சிறுமி சீருடைகள் அற்ற நிலையில் அரை நிர்வாணமாக கிணற்றில் இருந்து மீட்கப்பட்டுள்ளார்.

சிறுமியின் கழுத்தில் கயிற்றால் நெருக்கிய தடயம் காணப்பட்டுள்ளது. அத்துடன், சிறுமி அணிந்திருந்த தோடும் காணாமல் போயுள்ளது.

கடந்த 26ஆம் திகதி சம்பவம் தொடர்பில் விசாரணைகளை மேற்கொள்வதற்காக தந்தை உட்பட நால்வரை பொலிஸார் விசாரணைக்காக அழைத்துச் சென்றனர்.

இதன் பின்னர் தொடர்ந்தும் இருவர் கைது செய்யப்பட்டனர். இது தொடர்பில் கருத்து வெளியிட்டுள்ள பொலிஸார், சுழிபுரம் சிறுமி படுகொலை சம்பவம் தொடர்பில், சந்தேகத்தின் பேரில் ஆறு பேரை கைதுசெய்து விசாரணைகளை முன்னெடுத்திருந்தோம்.

இதன்போது பிரதான சந்தேக நபர் ஒருவரை அடையாளங்கண்டு அவரிடம் மேலதிக விசாரணைகளை மேற்கொண்டோம். அந்த விசாரணைகளின் ஊடாக, சிறுமியின் சீருடை மறைத்து வைத்திருந்த இடத்தை கண்டு பிடித்தோம். எனினும், சிறுமியின் தோடை மீட்க முடியவில்லை.

பிரதான சந்தேக நபர், தான் இந்த கொலையை தனியாகவே செய்ததாக, ஒப்புதல் வாக்குமூலம் அளித்துள்ளார்.

ஏனைய ஐந்து பேரிடமும் மேற்கொண்ட விசாரணைகளுக்கமைய, இருவர் நேரடி சாட்சியமாக உள்ளனர்.

அவர்களிடம் மேற்கொண்ட விசாரணைகளின் அடிப்படையில், பிரதான சந்தேகநபருடன் இணைந்து மற்றுமொரு நபரும் கொலைச் சம்பவம் நடந்த அன்று மாலை, குறித்த சிறுமியை அழைத்து சென்றதைக் கண்டுள்ளதாக அவர்கள் வாக்குமூலம் வழங்கியுள்ளனர்.

அவர்களின் வாக்குமூலத்தின் அடிப்படையில், பிரதான சந்தேக நபருடன் சிறுமியை அழைத்து சென்ற நபரை அடையாளம் கண்டுள்ளதாக, பொலிஸார் கூறியுள்ளனர்.

அவர் தற்போது தலைமறைவாக உள்ளார். அவரை கைது செய்வதற்கான நடவடிக்கைளை தீவிரமாக மேற்கொண்டு வருவதாக பொலிஸார் குறிப்பிட்டுள்ளனர்.

இதேவேளை, சிறுமியின் கொலை தொடர்பில் பல்வேறு சந்தேகங்கள் எழுப்பப்பட்டிருந்த நிலையில் அவர் துஸ்பிரயோகத்திற்கு உட்படுத்தப்பட்டிருக்கலாம் என்ற சந்தேகமும் பரவலாக முன்வைக்கப்பட்டது.

கடந்த 27ஆம் திகதி பிரேத பரிசோதனைகளுக்காக அனுப்பப்பட்ட சிறுமியின் மரண பரிசோதனை அறிக்கை வெளியானது இதில், குறித்த சிறுமியின் பிரேத பரிசோதனையில் சிறுமிக்கு பாலியல் துன்புறுத்தல்கள் கொடுக்கப்பட்டுள்ளதாக தெரிவிக்கப்பட்டுள்ளது.

இது குறித்த விசாரணைகளை பொலிஸார் தீவிரமாக மேற்கொண்டு வருகின்றனர்.

இது ஒரு புறம் இருக்க இந்த சிறுமியின் படுகொலை சம்பவத்தை போலவே கடந்த 2011ஆம் ஆண்டு ஓகஸ்ட் மாதம் 17ஆம் திகதி காணாமல் போயிருந்த 8 வயதுச் சிறுமி ஏழு நாட்களின் பின்னர் கிணற்றில் இருந்து சடலமாக மீட்கப்பட்டிருந்தார்.
சுழிபுரம் பாண்டாவெட்டை காட்டுப்புலம் அ.த.க பாடசாலையில் கற்ற கிருஷ்ணமூர்த்தி சாலினி என்ற சிறுமியே சடலமாக மீட்கப்பட்டிருந்தார்.

இந்த சிறுமியின் சடலம் அவரின் வீட்டில் இருந்து 2 கிலோ மீற்றர் தொலைவில் ஆள் நடமாட்டம் இல்லாத வீட்டு வளவில் உள்ள பாழடைந்த கிணற்றில் இருந்து சடலமாக மீட்கப்பட்டிருந்தது.

அதேபோல் தான் சடலமாக மீட்கப்பட்ட றெஜினா என்ற சிறுமியும், அவருடைய வீட்டிலிருந்து 200 மீற்றர் தூரத்தில் ஆள் நடமாட்டம் அற்ற பகுதியில் காணப்பட்ட கிணற்றில் இருந்து சடலமாக மீட்கப்பட்டு இருந்தார்.

இதேவேளை, மர்ம முறையில் உயிரிழந்த இரு சிறுமிகளும் அரை நிர்வாணமாக இருந்ததுடன், அவர்களது உடல்களில் காயங்களும் காணப்பட்டது.

இந்த சிறுமிகள் செய்த குற்றம் தான் என்ன? பாவைகளை வைத்து விளையாடும் வயதில் படுகொலை செய்யப்பட்டுள்ளனர்.

சிறுமியின் படுகொலை சம்பவத்தை கண்டித்து தமிழ் பகுதி எங்கும் போராட்டங்கள் மேற்கொண்டு வருகின்றனர்.

குறித்த போராட்டத்தை பாடசாலை மாணவர்களும் பொது மக்களும் இணைந்து முன்னெடுத்து வருகின்றனர். ஆரம்பத்தில் போராட்டங்களுக்கு அரசியல் வாதிகளோ கல்வித்துறை சார் அதிகாரிகளோ, சிறுவர் பாதுகாப்பு அதிகாரிகளோ குரல் கொடுக்கவும் வில்லை என குற்றம் சாட்டப்பட்டது.

அதனை தொடர்ந்து போராட்டத்திற்கு வலுச் சேர்ப்பதை போல தமிழ் அரசியல் தலைவர்களும் கலந்துகொண்டனர். தமிழரசுக்கட்சியின் தலைவரும் நாடாளுமன்ற உறுப்பினருமான மாவை சேனாதிராஜா, ஈழ மக்கள் ஜனநாயக கட்சியின் செயலாளர் நாயகமும் நாடாளுமன்ற உறுப்பினருமான டக்ளஸ் தேவானந்தா, தமிழ்த் தேசிய மக்கள் முன்னணியின் செயலாளர் செல்வராசா கஜேந்திரன் மற்றும் வடமாகாண சபை உறுப்பிர்கள் எனப் பலரும் கலந்து கொண்டனர்.

ஆர்ப்பாட்டத்தில் கலந்துகொண்டுள்ளோர் தழிழீழ விடுதலைப் புலிகளின் தலைவர் வேலுப்பிள்ளை பிரபாகரன் வருவார் என்று கோசம் எழுப்பியுள்ளனர்.

உண்மையில் விடுதலை புலிகளிகளின் காலத்தில் இவ்வாறு சிறுமிகளுக்கோ பெண்களுக்கோ மோசமான வன் கொடுமைகள் இடம்பெறவில்லை, பெண்களையும், சமூகத்தையும் சீரழிக்கும் நபர்களுக்கு அவர் கொடுக்கும் தண்டனையும் இதற்கு காரணம்.

தழிழீழ விடுதலைப் புலிகளின் தலைவர் வேலுப்பிள்ளை பிரபாகரன் தமிழன் யார் என்பதை அகிலமே திரும்பிப் பார்க்கவே வைத்தவர்.

ஒரு நாட்டின் வரலாற்றை மாத்திரமல்ல உலகின் பெரும் பகுதி வரலாற்றையே தலைகீழாக புரட்டிப் போட்ட ஈழப் போராட்டத்தின் நாயகன் உலகத் தமிழினத்தின் எண்ணம், சொல், செயல், மாற்றமடையக் காரணமானவர் என்று கூறினாலும் மிகையாகாது.

ஒரு கட்டுக் கோப்பான சமூக அமைப்பு பிரபாகரன் காலத்தில் இருந்தது என்பது உண்மை. அன்று யாழ். மண்ணில் குண்டு மழை பெய்திருந்தாலும் ஈழ மண்ணில் பெண்களுக்கு இருந்த பாதுகாப்பு இன்று இல்லை.

அன்று ஹிரிஷ்ணவி, வித்தியா என்று கொடூரர்களுக்கு இரையானது போதாது என்று இன்று றெஜினா வரை நீண்டு கொண்டு போகின்றது, இதற்கு முடிவு கட்ட வேண்டிய நிலையில் ஒவ்வொரு குடிமகனும் உள்ளனர்.

குற்றவாளிக்கு பொலிஸாரும், அரசும் தண்டனை பெற்று கொடுக்கும் என்று எண்ணுவது ஒருபுறம் இருந்தாலும், இதற்கு என்ன அடிப்படை காரணி என்பதை மக்கள் உணர வேண்டும்.

தொடர் கதையாக தொடரும் பாலியல் வன்கொடுமைகளை கட்டுப்படுத்த இலங்கையில் வலுவான சட்டம் உருவாக்கப்பட வேண்டும்.
பொலிஸார் தமது கடமைகளை சரிவர நிறைவேற்றுவதை உறுதிப்படுத்த வேண்டும். பெண் பிள்ளைகளின் பாதுகாப்பு குறித்து பெற்றோர் மட்டுமன்றி அயலவர்களும் கவனம் செலுத்த வேண்டும். இன்று அயல் வீட்டு பிள்ளைக்கு ஏற்பட்ட பரிதாப நிலை நாளை எமது வீட்டிலும் ஏற்படலாம்.
இவ்வாறான கொடுமைகள் தொடர போதைப்பொருள் பாவனையும் பிரதான காரணமாக மாறியுள்ளது. இதனை முற்றாக ஒழிக்க அரசாங்கம் உடனடி நடவடிக்கை எடுக்க வேண்டும் என சமூக ஆர்வலர்கள் பலரும் கருத்து வெளியிட்டுள்ளனர்.

Up ↑