Search

Eelamaravar

Eelamaravar

Category

தமிழீழ கட்டமைப்புகள்

தமிழ் மொழிக்காப்புக்காவும் போராடிய விடுதலைப் புலிகள் !

விடுதலைப் புலிகள் உருவாக்கிய தூய தமிழ்ச் சொற்கள்! காலத்தால் மறக்கமுடியாதவை!!

தமிழீழ விடுதலைப் புலிகள் போராட்ட காலத்தில் தமிழ் மொழிக்கு கொடுத்த முக்கியத்துவம் என்பது அளப்பரிய ஒன்றாகும்.

எந்த மொழியின் பெயரால் இலங்கையில் தமிழர்கள் ஒடுக்கப்பட்டார்களோ, எந்த மொழியின் பெயரால் அதே தமிழர்கள் எழுச்சியடைந்தர்களோ அந்த மொழியின் பெயரைக் காப்பாற்ற வேண்டும் என்பதில் விடுதலைப் புலிகள் மூர்க்கத்தனமான ஓர்மத்தினைக் கொண்டிருந்தார்கள்.

போர்க்களமும் பங்கர் வாழ்க்கையும் மட்டும் தமது குறிக்கோளை எட்டிவிடுவதற்கு துணை நிற்கப்போவதில்லை என்பதை விடுதலைப் புலிகள் நன்குணர்ந்திருக்கவேண்டும். அதனால்தான் அவற்றிற்கும் மேலாக நீதி நிர்வாகக் கட்டமைப்புக்களோடு மொழிக்காப்பு நடவடிக்கையிலும் சமபங்கு அளவுக்கு இறங்கினார்கள்.

விடுதலைப் புலிகளின் தமிழ் மொழி முக்கியத்துவம் எங்கு ஆரம்பிக்கின்றதெனில், அவர்கள் தமது அமைப்பிற்கு சூட்டிய பெயரிலும் உறுப்பினர்களுக்கு சூட்டிய இயக்கப் பெயர்களுமே. தூய தமிழ்ச் சொற்களைத் தேடிப்பிடித்து போராளிகளுக்கு சூட்டுவதில் முன்னின்று செயற்பட்டார்கள்.

தமிழை வளர்ப்பதற்கென்று தனியான ஒரு துறையினை தமிழ் வளர்ச்சிக் கழகம் என்ற பெயரில் நிறுவினார்கள். தமிழ் வளர்ச்சிக் கழகத்தினூடாக தமிழர்களுக்கு வைக்கப்பட்ட வேற்றுமொழிப் பெயர்கள் சுட்டிக்காட்டப்பட்டன. அத்துடன் தூய தமிழ் பெயர்கள் பல்லாயிரக்கணக்கில் பரிந்துரைக்கப்பட்டன.

விடுதலைப் புலிகளின் தமிழ் வளர்ச்சிக் கழகம் தமிழில் புதிய கலைச் சொற்களை ஆக்குவதில் முன்னின்று பாடுபட்டது. இன்று இந்தியா, மலேசியா சிங்கப்பூர் போன்ற நாடுகளில் தமிழ் அறிஞர்களால் உருவாக்கப்படும் கலைச் சொல் உருவாக்க ஆர்வத்துக்கு முன்னோடிகளாய் வித்திட்டவர்கள் விடுதலைப் புலிகள்தான்.

தமிழீழ விடுதலைப் புலிகள் உருவாக்கிய கலைச் சொற்களின் சில பட்டியலை இங்கு காரணத்துடன் இணைக்கின்றோம். 

காவல்துறை-பொலிஸ்

பொலிஸார் சட்டம் ஒழுங்கு என்பவற்றின் காவலர்களாக இருப்பதனால் முதலில் காவலர்கள் என்றும் காவல்காரர் என்றும் அழைக்கப்பட்டனர். ஆனால் அரசாங்கத்தின்கீழ் அவர்கள் ஒரு தனித் துறையினாராக இருப்பதனால் ஏனைய காவல்காரர்களிடமிருந்து வகைபிரிக்கவேண்டிய தேவை இருந்தது. இதனால் காவல்துறை என்று தூய தமிழில் கலைச் சொல் இடப்பட்டது.

வெதுப்பகம்-பேக்கரி

பாண் முதலான பேக்கரி உற்பத்திகள் நெருப்பு வெக்கையில் வெதுப்பப்படுவதனால் அதற்கு வெதுப்பகம் என்றே தூய தமிழில் கலைச் சொல் இட்டனர்.

வெதுப்பி-பாண்

வெக்கையில் வெதுப்பப்படுவதனால் வெதுப்பி என தூய தமிழில் கலைச்சொல் இட்டார்கள்.

குதப்பி-கேக்

கேக் உற்பத்திச் செய்முறையானது குதப்பிக் குதப்பி செய்யப்படுவதனால் குதப்பி என தூய தமிழில் கலைச்சொல் இட்டார்கள்.

குளிர்களி-ஐஸ்கிறீம்

குளிர்சார்ந்த ஒரு களியாக காணப்படுவதால் குளிர்களி என்றே தூய தமிழில் கலைச்சொல் இட்டார்கள்.

தரையில் ஓடும் வாகனங்களுக்கு தூய தமிழ்ச் சொற்களை உருவாக்கினார்கள்.

வாகனங்கள் மோட்டார் பொறிமுறையில் இயக்கப்படுவதனால் மோட்டாருக்கு உந்து என்ற தூய தமிழ்ச் சொல்லினை சூட்டியதுடன் அந்த மோட்டாருடன் இணைந்ததாக வாகனங்களின் தன்மைக்கு ஏற்ப தரம்பிரித்து கலைச்சொல் சூட்டினார்கள்.

பேருந்து-பஸ்

சிற்றுந்து-மினிபஸ், வான்

மகிழுந்து-கார் (மகிழ்ச்சியான உணர்வைக் கொடுப்பதால் மகிழுந்து)

பாரவுந்து/கனவுந்து-லொறி

தொடருந்து-ரயில்/புகையிரதம் (புகையிரதம் தமிழ் சொல் இல்லை. இதிலுள்ள இரதம் என்பது வடமொழி)

போருந்து-டாங்கி

உந்துருளி-மோட்டார் சைக்கிள்

நீருந்து-எஞ்ஜின் படகுகள்

ஈருருளி-சைக்கிள்

இவற்றினை ஓட்டுபவர்களை சாரதி என்று வடமொழியில் கையாளாமல் ஓட்டுநர்கள் என அழைத்தார்கள்.

வானத்தில் விமானத் தொழி நுட்பத்தில் பறப்பனவற்றுக்கு ஊர்தி என பெயர் வைத்தார்கள்.

விமானம்-வானூர்தி (விமானம் வடமொழிச் சொல்லாகும்)

கெலிஹொப்டர்-உலங்கு வானுர்தி (உலங்கு என்றால் காற்றாடி என்பதற்குரிய சொல்)

விமானம் செலுத்துபவர்களை விமானிகள் என்று வடமொழியில் கூறும் வழக்கமே இருந்தது. ஆனால் அதற்கு தூய தமிழில் வானோடிகள் என்று கலைச் சொல் இட்டார்கள். அதேபோல் விமானத்தளங்களை வானூர்தித் தளம் என்று அழைத்தார்கள்.

இவற்றைவிட தொழில் நிலையங்களுக்கு பணிமனைகள் என்றும், வங்கிக்கு வைப்பகம் என்றும், பிரிவுத் தலைவர்களுக்கு பொறுப்பாளர்கள் என்றும் கையாண்டு அவற்றினைப் பாவனையில் கொண்டுவந்தார்கள் விடுதலைப் புலிகள்.

தூய தமிழில் கலைச் சொற்களை மேலும் அறியவேண்டுமெனில் தமிழ் வளர்ச்சிக் கழகம் வெளியிட்ட கலைச்சொற்கள் பட்டியலில் காணலாம்.

நடைமுறைத்தமிழ் வழிகாட்டி: அகர வரிசை: PDF விடுதலைப் புலிகளின் தமிழ் வளர்ச்சிக் கழகம்‎‎‎


http://online.anyflip.com/xaxc/pwhu/

http://online.anyflip.com/xaxc/pwhu/

தமிழ் பெயர்கள்

தமிழீழம் என்ற ஒரு தேசம் இருந்ததற்கான மிக எளிமையான வரலாற்று சாட்சியம் !

“எழுந்து பறந்த காடு”

தமிழீழம் என்பது ஏதோ கற்பனையான ஒன்று என்றும்/ சிறீலங்கா எமது அண்டை நாடென்று நாம் விளிப்பதையும் இன்றைய நாளில் நக்கலடித்துத் திரிபவர்களுக்கு சின்ன கதை ஒன்று..

சரியாகப் பத்து வருடங்களுக்கு முன்பு, இதே பெப்ரவரி மாதத்தில் ஒரு நாள் ‘சிறீலங்கா’ என்று பெயர் பொறிக்கப்பட்ட இரு யுத்த விமானங்கள் கொழும்பிலிருந்து புறப்பட்டு வந்து வன்னியின் கடலோர தமிழர் குடியிருப்புக்கள் மீது குண்டுகளை வீசி விட்டுச் செல்கின்றன..

சில மணி நேரங்களில் கேப்பாப்புலவு விமானத் தளத்திலிருந்து ‘தமிழீழம்’ என்று பெயர் பொறிக்கப்பட்ட இரு வான் கலங்கள் சிறீலங்கா தலைநகர் கொழும்பு வான்பரப்பை ஊடறுத்து பறந்து ‘சிறீலங்கா’ அரசுக்கு சொந்தமான இராணுவ – பொருண்மிய நிலைகள் மீது குண்டுகளை வீசுகின்றன.

தெரியாமல் கேட்கிறேன்..

இது என்ன நமது மக்கள் கண்ட கனவா? இல்லை அம்புலிமாமா கதையா?

இந்த இரண்டு சம்பவத்திற்கும் என்ன பெயர்? ஐக்கிய இலங்கையா? ஒருமித்த நாடா?

போங்கடா போய் புள்ள குட்டியளைப் படிக்க வைக்கிற வேலையைப் பாருங்க..

தமிழீழம் என்ற ஒரு தேசம் இருந்ததற்கான மிக எளிமையான வரலாற்று சாட்சியம் இது.

இன்றைய கேப்பாப்புலவு போராட்டத்தில் மக்கள் கையில் வைத்திருக்கும் இந்தப் பதாகை சொல்லும் வரலாற்றுச் செய்தி இதுதான்..
Parani Krishnarajani

—-
கட்டுநாயக்கவைத் தாக்க புறப்படுவதற்கு முன்னர் வான்புலிகளுக்கு தலைவர் கண்டிப்போடு கூறிய விடயம்!

தமிழீழ விடுதலைப் புலிகளால் உத்தியோகபூர்வமாக உரிமை கோரப்பட்ட முதலாவது வான்புலிகள் அணியின் தாக்குதலிற்கு முன்னர் நடந்த சம்பவம் தொடர்பில் இன்றைய தினம் சமூக வலைத்தளங்களில் பலராலும் பகிரப்பட்டு வருகின்றது.

அதாவது கடந்த 2007ஆம் ஆண்டு மார்ச்சு மாதம் 26ஆம் நாள் கொழும்பிலுள்ள கட்டுநாயக்க வான்படைத் தளத்தின்மீது தாக்குதல் நடத்துவதற்காக இரணைமடு வானூர்தி ஓடுதளத்திலிருந்து விடுதலைப் புலிகளின் விமானம் புறப்படுவதற்கு முன்னர் அதனை இயக்கிச் சென்ற இரண்டு வானோடிகளிடமும் தலைவர் பிரபாகரன் கண்டிப்பாக கூறிய விடயமே இவ்வாறு பகிரப்பட்டு வருகிறது.

கேணல் ரூபன் மற்றும் லெப்.கேணல் சிரித்திரன் ஆகிய இரண்டு வானோடிகளும் (பின்னாளில் வான் கரும்புலிகளாக மாறியவர்கள்) இரணைமடுவிலிருந்து கட்டுநாயக்க வான்படைத் தளத்தின்மீது தாக்குதலை மேற்கொள்வதற்காக புறப்படுவதற்கு முன்னர் தலைவர் பிரபாகரனைச் சந்திக்கின்றனர்.

இரவு உணவு வேளை முடிந்ததும் குண்டுகள் பொருத்தப்பட்டு தாக்குதலுக்கு தயாரான விமானத்தை செலுத்துவதற்கான கட்டளைக்காக இரண்டு வானோடிகளும் காத்திருந்தவேளை, இருவரையும் மிக அருகில் அழைத்த தலைவர் பிரபாகரன், பின்வருமாறு அறிவுறுத்தினார்.

“நீங்கள் செல்வது சாதாரண களமுனை அல்ல. பொதுமக்களையும் பல்வேறு வழிபாட்டுத் தலங்களையும் கடந்துசெல்லப்போகிறீர்கள். உங்கள் இலக்கு சிலவேளைகளில் தவறவிடப்படலாம். அந்த இலக்கை அடையமுடியாவிட்டாலும் பரவாயில்லை, அவசரத்தில் பொதுமக்கள்மீதோ வழிபாட்டுத் தலங்கள்மீதோ தாக்குதல்களை நடத்திவிடாதீர்கள். நமது இலக்கு எது என்று உங்களுக்கு தெரியும். அதைத் தொடமுடியவில்லையெனில் மீண்டு வந்துவிடுங்கள்” என்று கண்டிப்பாக கூறி, வெற்றியோடு வாருங்கள் என வாழ்த்தி வழியனுப்பிவைக்கிறார்.

இந்த சம்பவம் முன்னாள் போராளிகளால் வெளியிடப்பட்டு தற்போது தமிழ் மக்கள் மத்தியில் ஆழமான ஒரு உணர்வலையைத் தோற்றுவித்துள்ளமையை அறியக்கூடியதாக உள்ளது.

விடுதலைப் புலிகளின் வான்புலிகள் குறித்து உலக வல்லரசு நாடுகளிடம் ஒருவித ஆச்சரியமான நிலைமை காணப்பட்டதாக சர்வதேச பத்தி எழுத்தாளர் ஒருவர் சுட்டிக்காட்டியிருந்தார்.

குறிப்பாக இரவு நேரத்தில் தாக்குதலுக்குச் செல்வதுடன் சிறிலங்காவுக்கு இந்தியாவால் வழங்கப்பட்ட அதி சக்திவாய்ந்த இந்திரா ராடார்களின் கண்ணிலேயே மண்ணைத் தூவும் அளவுக்கு அவர்களின் வானோடித் திறமை காணப்பட்டதாக முதன்மைப் படுத்திக் கூறப்படுகிறது.

மேற்குறித்த விடயம் உண்மையும்கூட. குறிப்பாக விடுதலைப் புலிகளால் இதுவரை நிகழ்த்தப்பட்ட வான் தாக்குதல்களின்போது ஒரு சொற்ப நேரத்திற்கு முன்னரே அவர்களின் விமானம் ராடார்களில் பதிவாகியது. தாக்குதல் நடத்தச் செல்லும்போது கடலுக்கு மேலே குறைந்த உயரத்தில் பறந்தமையே இதற்கான காரணமாக சொல்லப்பட்டது.

அதி வேகத்தில் பயணிக்கும் விமானம் ஒன்றை கடல்/தரை மடத்திலிருந்து குறைவான உயரத்தில் செலுத்துவதென்பது மிகவும் கடினமான காரியமாகும். வளிமண்டலத்தின் மேலுதைப்பு மற்றும் கீழுதைப்பு விசைகளை சம நேரத்தில் கிழித்தபடி ஒரு விமானப் பறப்பு நிகழ்வதென்பது வானோடிகளின் அதிவிசேட திறமையிலேயே தங்கியுள்ளதாக விமானப் பொறியியல் கூறுகின்றது.

இந்த நிலையிலும் இலக்கு தவறாது தாக்குதல் நடத்திவிட்டு மீளவும் தரையிறங்கியமை குறித்து சமூக வலைத்தளங்களில் இன்று சிலாகிக்கப்பட்டு வருகின்றமை குறிப்பிடத்தக்கதாகும்.

கடற்புலிகளின் நகர்திறன் ஆற்றலை வெளிப்படுத்திய கடற்சண்டை !

புலிகளுடான போரில் சிங்களப் கடற்ப்படை ஆற்றும் மிக முக்கியா பணியாக இப்போது குடா நாட்டிற்கான இராணுவ விநியோகம் உள்ளது .இந்த இராணுவப் பணியையும் தனித்த ஒரு விநியோகக் கப்பல் என்றில்லாமல் பல் சண்டைகளங்கள் உள்ளிட்ட ஒரு கப்பல் அணியாக செயற்பட்டே கடற்போக்குவரத்தை நடாத்தவேண்டிய நிர்பந்தத்தில் அது உள்ளது !

செலவு அதிகம் என்றாலும் கப்பல் அணிப் போக்குவரத்து உபாயம் பாதுகாப்பிற்கு உத்தரவாதமானது என்று கருதப்பட்டது. இந்தக் கணிப்பில் 22.02.98 அன்று மண் விழுந்து விட்டது.  அன்றே கடற் சண்டையில் பருத்தித்துறைக் கடலில் ஒரு சரக்குக் கப்பலும் – காங்கேசன்துறைக் கடலில் ஒரு தரை இறங்கு கலமும் மூழ்கடிக்கப்பட்டன. இதன் மூலம் கப்பலணிப்போக்குவரத்துக்கு இருந்த பாதுகாப்பு உத்தரவாதம் கேள்விக்குறியாகிவிட்டது.

“கடற்புலிகளின் நகர்திறன் ஆற்றலை இந்த கடற் சண்டை எதிரிக்குப் புலப்படுத்தியிருக்கும்”

சிங்களக் கடற்படைக்கும் கடற்புலிகளுக்குமிடையே நடைபெறுகின்ற கடற்சண்டைகள் இப்போது பெரும்பாலும் ஆழ்கடல் சமர்ப்பரிமாணத்திலேயே நடைபெறுகின்றன.

1994-இல் இந்த புதிய சமர்ப் பரிமாணம் ஆரம்பமாகிவிட்டது மன்னார்கடலில் 19.01.94 அன்று இடம் பெற்ற சாகரவர்த்தனா மூழ்கடிப்புடன் ஆழ்கடல் சமர்ப்ப ரிமாணம்
உறுதியாக வெளிப்படுத்தப்பட்டது. அவை எறியும் ஆழ்கடலில் அதற்கென்று விஷேடமாகத் தயாரிக்கப்பட்ட கடற்கலஙங்களை வைத்தே சண்டைகள் நடாத்த முடியும்.இந்த வகை கடற்கலங்களையே சிங்கள கடற்படைவைத்திருக்கின்றது. இந்த வசதியை கடற்புலிகள் இதுவரை பெறவில்லை . ஆயினும்
இருக்கக்கூடிய சாதாரண சண்டைப்படகுகளை பயன்படுத்தி, கடற்புலி திறமையான வகையில் ஆழ்கடல சண்டைகளையும் அண்மைக் காலமாக நடாத்தி வருகின்றனர் கடற்சண்டையுடன் கூடிய கரும்புலித் தாக்குதலகளை, கடற்புலிகளது முக்கிய ஆயுதமாக விளங்குகின்றன

வெடிமருந்தேற்றப்பட்ட கரும்புலிப்படகுகள் எதிரியின் கடற்கலங்களுக்கு தொடர்ந்தும் அசசுறுத்தலைக் கொடுத்து வருகின்றன எனினும் 22.02.98 அன்று குடாநாட்டின் கடற்பரப்பில் பலமனி நேரம் நடைபெற்ற கடற்சண்டை ஆழ்கடற்சமரில் ஒரு வளர்ச்சிக்கட்டத்தைப் புலப்படுத்திவிட்டது இந்த கடற்சண்டை பிரத்தியேகமான சில இராணுவ அம்சங்களையும் கொண்டுள்ளது.

எதிரியின் ஆக்கிரமிப்பிற்குள் உள்ள தரைப்பகுதியை கரையாகக் கொண்ட கடல் வலயத்தில் இந்தகடற் சண்டை பலமணி நேரம்நடந்துள்ளது என்பது ஒரு இராணுவ அம்சம்.

அத்துடன், கடற்புலிகள் தங்களது கட்டுப்பாட்டிலுள்ள களப்பிரதேசத்திலிருந்து மிக நீண்ட தூரத்திற்கு எதிரி வலயத்திற் கூடா ஊடுருவி “சமநேரத்தில் தரைப்படையையும் இக் கட்டுக்குள் சிக்கச்செய்வித்து- வான் படையையும் முடக்குவித்து கடற்படையையும் கட்டிவைக்க முற்படும் வகையில் தலைவர் பிரபாகரனின் போர்ச்செயற்பாடுகள் அமைந்துள்ளன”

துணிகரமான ஒரு கடற் சண்டையைவெற்றிகரமாக நடாத்திவிட்டு பாதுகாப்பாக தளம் மீண்டர் என்பதுசண்டையின் மிக முக்கிய இராணுவஅம்சமாகும் இதேவேளை , கடற்புலிகளின் நகர்திறன் ஆற்றலை இந்த கடற்சண்டை எதிரிக்குப் புலப்படுத்தியிருக்கும் இந்த வகையில், சில ராங்குகள் மற்றும் இராணுவ உபகரணங்களூடன் சென்ற ஒரு கொள்கலன் கப்பலையும் ஒரு தரையிறங்கும்கலத்தையும என, இரண்டு கடற்கலங்களை மூழ்கடித்தும் 50-ற்கும்மேற்பட்ட படையினரைக் கொன்றும கடற்புலிகள் ஒரு ஆழ்கடல் சண்டையை வென்றுள்ளார். 400படையினரை ஏற்றிச்சென்ற இன்னொரு தரையிறங்கு கலம் தாக்குதலிலிருந்து தப்பியது படையினருக்கு கிடைத்த அதிஷ்டமாகப் போய் விட்டது.

இரண்டாம் ஈழப்போர்க்காலத்தில் சிறீலங்கா அரசுக்குச் சொந்தமான சுமார் 8000 தொன் எடையுள்ள கடற்கலன்களை புலிகள்கடலடிக்கு அனுப்பி வைத்தனர்
இதே வேளை 3-வது ஈழப்போரில்இதுவரை சுமார் 7000 தொன்எடையுடைய சிங்களத்து கடற்கலன்கள் மூழ்கடிக்கப்பட்டுவிட்டன.மொத்தத்தில் 15000 தொன்களுக்கும் மேற்பட்ட நிறையுடைய சிங்களத்துக் கடற்கலன்கள் தமிழீழக்கடற் பரப்பில் புதைக்கப்பட்டுள்ளன.

ஒரு விடுதலைப் போரில் இந்தகடற் சமர்ப் பரிமாணம் ஒரு உலக அதிசயமாகவே இராணு வரலாற்றில் பொறிக்கப்படும் குடாநாட்டிற்க்கான இராணுவ
விநியோகத்திற்காக ஒரு தரைபபாதை திறந்துவிட் டால், விநியோகப்பனி என்ற சுமையிலிருந்து கடற்படை தன்னை விடுவித்து கடற் சமரில் தீவிர கவனம் செலுத்தும்என்று படைத்தலைமை நம்பியிருந்தது. ஆனால் தரைபாதை அமைப்புபடுமோசமான நெருக்கடியைச் சந்தித்து- தடம்புரண்டு நிற்கின்றது.

இதேவேளை, பாதுகாப்பானதுஎன்று கருதப்பட்ட – ஆழ்கடல் வழியே நடைபெற்ற கப்பல் அணி விநியோகமும் பாதுகாப்பற்றதாகமாறிவிட்டதால் முன்னைப்போதையும் விட இப்போது, குடாநாட்டிற்காண இராணுவ விநியோகம் பாரிய நெருக்கடியை எதிர்கொண்டுள்ளது.

சம நேரத்தில் தரைப்படையையும கட்டுக்குள் சிக்கச்செய்வித்து படையையும முடக்குவித்து கடற்படையையும் கட்டிவைக்க முற்படும் வகையில் தலைவர் பிரபாகரனின் போர்ச்செயற்பாடுகள் அமைந்துள்ளன.

எரிமலை-மீள் வெளியீடு

http://www.eelamview.com/2016/02/29/sea-tigers-6/

அன்புச்சோலை மூதாளர் பேணலகம் !


எங்கட பிள்ளைகள் தேசத்தைக் காத்தார்கள் தேசம் இப்ப எங்களைக் காக்கிறது.

எழுபது எழுபத்தைஞ்சு வயசிலயும் இப்படி நாங்கள் இருக்கிறம். எங்கட வீடுகளிலையெண்டாலும் இவ்வளவு அன்பா ஆதரவா நாங்க இருப்பமே?

கிளிநொச்சியில் டிப்போ சந்தியிலிருந்து கோணாவில் நோக்கிய வீதியில், ||அன்புச்சோலை|| என எல்லோராலும் அழைக்கப்படும், முதியோர் பேணலகத்தில் நான் நின்றுகொண்டிருந்தேன்.

கடந்த மூன்று தசாப்தங்களாக, எம்மீது திணிக்கப்பட்ட போரின் வடுக்களை எம்தேசம் இன்னும் ஆற்றிக்கொள்ளாது தவிக்கின்றது. எம்மீது திணிக்கப்பட்ட கொடிய போரின் வடுக்களை இன்றும் சுமப்பவர்கள் எங்கள் முதியவர்கள். தொடர்ச்சியான இடப்பெயர்வின் அவலங்களினாலும், போர் சிதைத்த அவர்களின் பொருளாதாரத்தினாலும், தமது குடும்பங்களை இழந்து, உறவுகளைக் கைவிட்டு, ஏதிலிகளாக, யாருமற்றவர்களாக எம் சமூகத்தில் கைவிடப்பட்ட முதியோர் தொகை ஏராளம்.

திக்குக்கொன்றாய் சிதறிவிட்ட தம் உறவுகளைத் தேடியலைந்து, களைப்படைந்து, கைவிடப்பட்டு, தமது ஊரிழந்து, வீடிழந்து, தொழிலிழந்து. யாருமற்று கொடிய முதுமையிலும், தீராத நோய்களினாலும் யாருமற்றுவிட்டோம் என்ற மன உளைச்சலாலும் நொந்து அலைந்த எம் முதியவர்கள் யாருமற்று வாழ்ந்த வாழ்வு அவலமானது.

” நாங்க யாழ்ப்பாணத்தில இருக்கேக்க ஆமியால என்ர ஒரு மகள் சுட்டுக் கொல்லப்பட்டுட்டாள் ”

” மற்ற மகள் நாட்டை காக்க போராடப் போயிட்டாள் ”

” இடம்பெயர்வில் என்ர கணவனும் செத்திட்டார். உறவுகள் எல்லாம் திக்குக்கு ஒண்டாய் திசைக்கொண்டாய் பிரிஞ்சு போச்சுதுகள். நான் தனிமரமா ஆகிட்டன் ”

அவர்தான் யுத்தம் மிகக் கொடுமையானதாக இருந்த 2001ஆம் ஆண்டுகளில், அன்புச்சோலை உள்வாங்கிய முதலாவது தாய்.

2001 ஏப்பிரல் 19 வன்னி மண்ணில் யுத்த மேகங்கள் கருமை சூழ்ந்து தன் உச்ச தாண்டவத்தை ஆடிய நேரம், போரினால் கைவிடப்பட்டு, யாருமற்று அனாதைகளாகப்போன எம் தேசத்து முதியவர்களுக்கான பராமரிப்பு இல்லம் ஒன்றை ஆரம்பிக்குமாறு தேசியத் தலைவர் அவர்கள் பணித்தபோது, தமிழீழ விடுதலைப் புலிகளின் போராளிகள் மாவீரர் குடும்பநலன் காப்பகத்தினால், முல்லைத்தீவின் முள்ளியவளைப் பகுதியில்|| அன்புச்சோலை மூதாளர் பேணலகம் || உதயமாகியது.

அன்றைய போர்ச் சூழலில், மிகுந்த கஸ்ரங்களின் மத்தியில் ஆரம்பிக்கப்பட்ட அந்த இல்லத்தின் நிலைபற்றி அப்போது அங்கிருந்த தாயொருவர் சொன்னார்,

” அப்ப சரியான சண்டை சூழ்நிலை தம்பி, எல்லாரையும் போலதான் நாங்களும் சரியாக் கஸ்ரப்பட்டம். ஆனா, எங்களையும் எல்லோரும் கைவிட்டு விடேல்ல, எங்களையும் பார்க்க தம்பியவை இருக்கினம் எண்ட நிம்மதியிலிருந்தம்.”

ஆரம்பத்தில், தேச விடுதலைக்காய் தம் குழந்தைகளை இழந்து, போரின் கோரத்தினால் தம் உறவுகளையும் இழந்து தனித்துப்போன ஆறு பெற்றோர் இனங்காணப்பட்டு அவர்களுடன் அன்புச்சோலை உதயமானது.

2002ஆம் ஆண்டளவில் முல்லைத்தீவில் இருந்து கிளிநொச்சி உருத்திரபுரம் பகுதிக்கு இடம் மாற்றப்பட்டு, தற்போது கிளிநொச்சி நகரிற்கு அண்மித்த சூழலில், கனகபுரத்தில் அமைதியான ஒரு வளாகத்தில் அன்புச்சோலை தன் உறவுகளை அணைத்துக் கொண்டிருக்கின்றது.

அன்றைய பகற்பொழுது, நான் அன்புச்சோலை மூதாளர் பேணலகத்தின் வரவேற்பறையில், மாவீரர் போராளிகள் குடும்பநலன் காப்பகப் பொறுப்பாளருடன் அன்புச்சோலை பற்றிக் கதைத்துக்கொண்டிருந்தேன்.

அன்புச்சோலை இல்லத்தின் செயற்பாடுகள் மூன்று கட்டங்களாக மேற்கொள்ளப்பட்டு வருவதாகச் சொன்னார்கள்.

வரவேற்பு மண்டபத்தைக் கடந்து நான் உள்ளே பிரவேசித்தேன். அமைதியான அந்தச் சூழலில் ஆண்களுக்கெனவும் பெண்களுக்கெனவும் தனித்தனியாக விடுதிகள் அமைக்கப்பட்டிருந்தன. மீண்டும் நம்பிக்கை கொள்ளும் அவர்களின் வாழ்வுபோல முற்றத்தில் அவர்களில் சிலர் நீரூற்றி வளர்க்கும் பூமரங்கள் துளிர்த்திருந்தன. ” வாங்கோ ராசா ” என என் கைபற்றி அழைத்துச் சென்ற முதிய தாயின் அரவணைப்புடன், என்னைச் சூழ இருந்து கதைத்துக் கொண்டிருந்தவர்களின் அன்பில் நான் லயித்துப்போனேன்.

என்னமாதிரி அம்மாக்கள்? எல்லாரும் சுகமே? நான் அவர்களுடன் கதைக்கத் தொடங்கினேன். ” இஞ்சை எங்களுக்கு என்ன கஸ்ரம் தம்பி. இப்பதான் கோயிலுக்கு(சேர்ச்) போட்டு வந்தனாங்கள் ” என அவர்கள் கதைக்கத் தொடங்கினார்கள்.

பன்னிரண்டு அம்மாக்களும், பதினொரு ஐயாக்களுமாக அப்போது இருபத்திமூன்று பெற்றோர் அங்கே இருந்தனர். ஆண்களுக்கு, பெண்களுக்கென அமைக்கப்பட்டிருந்த தனித்தனி விடுதிகளைக் காட்டி என்னுடன் இருந்த அம்மாக்கள் கதைத்தவாறிருந்தார்கள்.

” இதுதான் தம்பி இப்ப நாங்கள் தங்கிற இடம் ”

” ஒவ்வொரு அறையையும் இரண்டு ரெண்டு பேர் தங்கிறநாங்கள், இஞ்சால சாப்பிடுற இடமிருக்கு, பொதுவான குளியலறைகள் இருக்கு, கோலுக்குள்ள ரீவி டெக்கும் இருக்கு ”

” பொழுதுபோக்க ரிவியும் பாக்கிறநாங்கள் ”

முன் வராந்தாவில் போடப்பட்ட கதிரைகளில் இருந்து நாங்கள் கதைத்துக் கொண்டிருந்தோம்.

பூச்சாடிகளுடன் சுத்தமாகவிருந்த அந்த வரவேற்பு அறையில் ஒருபுறம் தொலைக்காட்சிப் பெட்டியிருந்தது. அவர்கள் தங்கும் ஒவ்வொரு அறையும் வரவேற்பு அறையின் இரு பக்கமும் இருந்தன.

” நாங்கள் இப்ப கொஞ்சம் முன்னம்தான் பால் குடிச்சனாங்கள். நீங்களும் கொஞ்சம் குடியுங்கோ தம்பி ” என அந்தத் தாய் நீட்டிய பாலை நான் வாங்கிக்கொண்டேன்.

” இஞ்ச வரமுன்னம் எனக்கு வீட்டில யாருமில்லை தம்பி ”

” என்ர மகனும் வீரச்சாவடைந்திட்டான் ”

” மற்ற உறவுகளும் என்னை சுமையாகக் கருதிச்சினம். அப்பதான் தம்பியவை என்னை இஞ்ச கூட்டியந்தவை ”

ஒரு மாவீரனின் தாய் என்னிடம் சொன்னாள்.

” என்ரை பிள்ளையள் கூட என்னைக் கைவிட்டிட்டுது அப்பன் ”

” ஆனா தலைவர் (தமிழீழ தேசியத் தலைவர்) எங்கள கைவிடேல்ல ”

என்றார் இன்னுமொரு தாய். ” ஒருத்தருக்கும் வருத்தம் துன்பம் கடுமையில்லையே? ” என கேட்டேன்.

” எல்லாம் இருக்கு தம்பி, ஆனா இப்ப நாங்கள் அதற்குக் கவலைப்படுவதில்லை ” என சிரித்தவாறே சொன்னார்கள்.

அந்தப் பேணலகத்தினுள்ளேயே தமக்குத் தனியான மருத்துவ விடுதி இருப்பதாகச் சொன்னார்கள். ஒரு மருத்துவப் பெண்போராளி – விடுதலைப்புலிகள் மருத்துவப் பிரிவுப் போராளி – தங்களை பிள்ளை மாதிரி பார்ப்பதாகச் சொன்னார்கள்.

மாதமொருமுறை, என தேவைப்படும் போதெல்லாம் மருத்துவப் பிரிவைச்சேர்ந்த தேவா டொக்ரர் அன்ரியும், வந்து பார்ப்பதாகச் சொன்னார்கள்.

டாக்டர் பொன்னம்பலம் ஞாபகார்த்த மருத்துவமனையில் மேலதிக சிகிச்சைக்காக நோயாளர்கள் அனுமதிக்கப்பட்டு சிகிச்சை பெறுவதாகவும் சொன்னார்கள்.

அவர்களுடைய ஒவ்வொரு வார்த்தையிலும் மகிழ்ச்சியிருந்தது. மீண்டும் மீண்டும், தாங்கள் அரவணைக்கப்படுகின்றோம் என்ற திருப்தியிருந்தது.

மாலைவேளையில், முடியுமானவர்கள் அவர்களுக்கு முன்னால் உள்ள பூமரங்களுக்கு நீரூற்றி அவற்றை பராமரிப்பதாகச் சொன்னார்கள். மூதாட்டியொருத்தி அவர்கள் கோழி வளர்க்கும் கோழிக்கூட்டையும் அழைத்துச்சென்று எனக்குக் காட்டி மகிழ்ந்தார்.

” இதுகள் போடுற முட்டையளக் கூட நாங்கள் எல்லோருமாத்தான் பொரிச்சு சாப்பிடற நாங்கள் ” என்றார்.

தையல், பன்னம் என அவர்கள் பொழுதுபோக்காய் தாம் செய்தவற்றை என்னிடம் காட்டினார்கள்.

” ஒன்றிரண்டு பேருக்கு கொஞ்சம் வருத்தம் கடுமைதான் தம்பி, மிச்சாக்கள் எல்லாருமாச் சேர்ந்து அவையளையும் சந்தோசமாய் வைச்சிருக்கிறம் “.

என்றார் நோய்வாய்ப்பட்ட ஒரு மூதாட்டியை என்னருகே கைத்தாங்கலாக அழைத்துவந்து இருத்திய ஒருவர்.

கரும்புலி மேஜர் கலைச்செல்வனின் தந்தை ஆறுமுகம் ஐயாவையும் அம்மாவையும் அங்கே சந்தித்தேன். அவர்கள் தம்பதியாகவே அங்கேயிருந்தனர். அந்த வளாகத்தினுள்ளேயே குடும்பமாக தாங்கள் இருப்பதற்கு ஒரு சிறிய வீடு அமைக்கப்படுவதாக அவர்கள் சொன்னார்கள்.

” நாங்கள் ஒவ்வொரு நாளும் என்ன செய்யாட்டிலும், பேப்பர் மட்டும் படிக்காம விடமாட்டம் ”

” ஏனெண்டா தம்பி, நீங்கள் எல்லாம் எப்படி இருக்கிறியள் என்று அறியத்தான் ” எனத் தொடங்கிய தந்தையொருவர், ” பின்னேரங்களில் நாங்கள் கொஞ்சப்பேர் சேர்ந்து சும்மா கொஞ்சத் தூரம் நடையாய் போய் வாறநாங்கள் ” எண்டார்.

” பிறகென்ன அம்மாக்கள், சண்டை சச்சரவொண்டும் இல்லையே? ” எனக் கேட்டபோது,

” என்னடா தம்பி, நாங்கள் போராளியளிண்ட தாய்மார். கொஞ்சம் ரோசம் வரும்தானே. ஆனா அடிபடமாட்டம். சும்மா பகிடிக்கு கதைபடுவம் ” என சொல்லிச் சிரித்தனர்.

தங்குமிடங்கள், சமையல்கூடம், தனியான மருத்துவமனை, பூந்தோட்டங்கள் தவிர தனியானதொரு வரவேற்புக் கூடமும் அங்கே இருந்தது. பெண்கள் ஆண்களென தேவையானபோது அவர்களுக்கு உதவவென பணியாளர்களும் அவர்களுடனிருந்தனர்.

வாரம் இருமுறை ” அன்னை இல்லத்தில் ” இருந்து உளவளத்துணை ஆலோசகர்களும் தம்மிடம் வந்து கதைத்துச் செல்வதாகக் கூறிய அவர்களிடம், அவர்களது எஞ்சிய உறவினர்களும், புலம்பெயர்ந்த இடங்களில் இருந்துவரும் உறவுகளும் இடைக்கிடை வருவதாகச் சொன்னார்கள்.

” அன்புச்சோலை ” யின் உள்ளகப் பயனாளர்களைவிட மேலதிகமாக ஐம்பது வரையான முதியவர்கள் அன்புச்சோலையின் குடும்பத்தில் இருந்தார்கள். இவர்கள் தமது சொந்த விடுகளிலும், உறவினர்களுடனும் தற்போது வாழ்ந்தாலும், தமக்கான முகவரியாக அன்புச்சோலையையே சொல்லிவருகின்றனர். அவர்களுக்கும் எதாவது மருத்துவஉதவியோ தனிப்பட்ட உதவியோ அல்லாதுவிடின் அவர்களுக்கான மேலதிகபராமரிப்போ தேவைப்படும்போது அன்புச்சோலையே அவர்களை பொறுப்பெடுக்கின்றது.

அன்புச்சோலையில் இவ்விரண்டு உள்ளக, வெளியேயான பயனாளர்களைவிட, மூன்றாவதாக, இன்னமும் அன்புச்சோலையில் இல்லாவிடினும் தமக்கான உதவியோ, மருத்துவ வசதியோ பராமரிப்போ தேவைப்படும் முதியவர்களை சிறிதுகாலம் அன்புச்சோலை தானே பொறுப்பெடுத்து பராமரித்து அவர்கள் மருத்துவ ரீதியில் குணப்படுததப்பட்ட பின், அவர்களை அவர்களது வீட்டில் சேர்க்கின்றது.

தமிழீழத்தின் எல்லா மாவட்டங்களில் இருந்தும் விடுதலைப் புலிகளின் அரசியல்துறையினராலும், மாவீரர் போராளிகளின் குடும்பநலன் காப்பகத்தாலும் இனங்காணப்படும் முதியவர்கள் அன்புச்சோலைக்கு அழைத்துவரப்படுகின்றனர்.

04.06.2004 அன்று அவர்களுடைய இல்லத்தில் புதிதாக கட்டப்பட்டதொரு தங்குமிடத்தின் திறப்புவிழா. அவர்கள் எல்லோருமே அன்றைய நிகழ்வில் ஆழ்ந்திருந்தனர். திடீரென அவர்கள் யாருமே எதிர்பார்க்காதொரு இனிய அதிர்ச்சி. அவர்களது வளாகத்தில் வேகமாகவந்து நின்றதொரு வாகனத்திலிருந்து தமிழீழத் தேசியத்தலைவர் அவர்கள் இறங்கினார்.

” உண்மையில தம்பி எங்களுக்கு கனவுபோல இருந்திச்சி ”

” அவரை நாங்கள் பாத்திட்டம். அவர் தன்ர கையால எங்களுக்கு பரிசும் தந்தவர்.”

” நாங்கள் அவரை கும்பிடப்போக எங்கட கையைப் பிடிச்சு நா தழுதழுக்கச் சொன்னவர் ”

” நீங்கள் இல்லையம்மா, நான் தான் உங்கள் எல்லாரையும் கும்பிடவேண்டும் ” என்று.

” எங்களுக்கு எல்லாருக்கும் அழுகையே வந்திட்டுது ”

” அவரை கண்டிட்டம், இனி நாங்கள் செத்தாலும் பறவாயில்லை ”

அன்றைய நாளை என்னிடம் சொல்லும்பொழுதே அவர்கள் எல்லோரது கண்ணிலும் ஆனந்தக் கண்ணீர்.

|| அன்புச்சோலை மூதாளர் பேணலகம் நிகழ்வில் தேசியத் தலைவர் அவர்கள்…

யாருமற்றவர்கள் தாங்கள் இல்லையென அன்புச்சோலை மூதாளர் பேணலகம் அவர்களுடன் இன்றிருக்கின்றது. தமிழீழத்தின் எங்கிருக்கும் பெற்றோரும் தம் முதுமையின்போது இனியொருபோதும் தாம் கைவிடப்பட்டவர்கள் இல்லை.

அவர்களிடம் இருந்து நான் பிரிந்துவந்த அந்த மதியப் பொழுதுகளில், அங்கே மாவீரன் ஒருவனின் தாய் கூறிய வார்த்தைகளே மீண்டும் மீண்டும் என்னுள் ஒலித்துக்கொண்டிருந்தன.

எங்கட பிள்ளைகள் தேசத்தைக் காத்தார்கள். தேசம் இப்ப எங்களைக் காக்கிறது…!

அன்புமாறன்.

விடுதலைப்புலிகள் இதழ் ( ஆனி – ஆடி 2004

****

தமிழீழ தேசிய தொலைக்காட்சி – காணொளிகள்

தமிழீழ தேசிய தொலைக்காட்சி என்பது தமிழீழ விடுதலைப் புலிகள் அமைப்பினால் நடத்தப்பட்ட செய்மதித் தொலைக்காட்சிச் சேவையாகும்.

2005 மார்ச் 26 ம் திகதி துவங்கப்பட்ட இத் தொலைக்காட்சிச் சேவையின் தலைமை நிலையம் கிளிநொச்சியில் அமைந்திருந்தது. இச்சேவையே இலங்கையில் ஆரம்பிக்கப்பட்ட முதலாவது செய்மதித் தொலைக்காட்சிச் சேவையாகும்.

தினமும் இரண்டு மணிநேரம் ஓளிபரப்பானது. இலங்கை, இந்தியா, மாலைதீவு, பாக்கிஸ்தான் போன்ற நாடுகளில் செய்மதித் தொடர்பு மூலம் இதனைப் பார்க்க முடிந்தது.

தமிழ் ,ஆங்கிலம், சிங்கள மொழிகளில் இச்சேவை ஒளிபரப்பட்டது குறிப்பிடத்தக்கது.

https://www.facebook.com/pg/NationalTamilTelevisionTamileelam/posts/

Thamil Eelam satellite TV channel launched [TamilNet, Saturday, 26 March 2005, 11:40 GMT]

A satellite TV station called National Television of Thamil Eelam (NTT) will begin beaming news to Europe from an undisclosed location in Sri Lanka’s northeast from Saturday night, an official of the NTT said. “The satellite channel will start today at 17.30 GMT time. We will beam only fifteen minutes of news everyday for the next two weeks. Thereafter our telecast time would be increased to half an hour”, he said. The NTT official added that the Paris based Tamil Television Network (TTN) will relay the broadcast to their audiences in Europe at 18.00 GMT.

NTT LogoNTT programs cannot be viewed in Asia now, according to him. The TV channel will expand its reach to other parts of the world in due course the NTT official added.

The NTT logo shows the flower, “Karthigaipoo” or Gloriosa Lily (Botanical name – Liliaceae Glory lily or Gloriosa superba), declared as national flower of Eelam Tamils in 2003.

Info:
National Television of Tamil Eelam was launched on 26. march 2005 from Vanni, Tamil Eelam. NTT programmes could be viewed on TTN Tamil TV in Europe and Middle East and on satellite in South East Asia. Currently NTT is not existing because the Sinhalese military has occupied the Tamil homeland in the North and East of the island.


Tamileelam TV to begin broadcasts to SouthEast Asia [TamilNet, Saturday, 30 July 2005, 04:12 GMT]
“The importance given to nurturing the electronic and printed media by the Tamil Eelam leader Pirapaharan is why we are now able to extend our Television services to countries in Asia,” said K Veera of National Television of Tamileelam (NTT), speaking at an event held Friday 10 am at the Media Co-ordinating office in Kilinochchi to mark the inauguration of television broadcasts to southeast asian countries on 1st August, sources in Kilinochchi said.


Naresh Master (extreme left) and Thaya Master (extreme right)
LTTE’s Television NTT
“We faced several hurdles inform our public the factual details of events that affected them during the period of war. The ability of the State to spread false propaganda through state-controlled media taught us that building a strong media network to disseminate the Tamil point of view locally and internationally was crucial to our progress.

“Our media capability grew with our growth in military strength and now we have the capability to broadcast live news through satellite technology to most parts of the world where Tamils live. We urge all journlists to co-operate with us to make our new broadcast program to SouthEast asian countries a success,” added Mr Veera.

The new service using Eurostar at 11.5GHz will reach India, parts of Pakistan, Afghanistan, Bangladesh, Nepal, Mayanmar and China for two hours between 13.30 – 15.30 GMT, the media unit officials said.

Head of LTTE media unit, Naresh, handed over new antennas to the Chief news editor of their sister media organization Voice of Tigers (VoT), Mr T Thavapalan, during the event.

LTTE’s media co-ordinator Thaya Master and Director of NTT S Karunakaran also participated in the event.

LTTE’s Nitharsanam Television service broadcast programs in Jaffna district during 1980s. The studios were destroyed by the Indian army on 14 February 1987.

The service restarted broadcast to European countries on 26 March 2005.


Tamil Eelam TV coverage extended for Heroes Day[TamilNet, Thursday, 17 November 2005, 13:03 GMT]
National Television of Thamil Eelam (NTT) will extend coverage during Heroes day celebrations on the 27 November from 5.00 p.m. to 7.30 p.m, Tamileelam time, and will broadcast live the speech of LTTE Leader Pirapaharan, media unit of the Liberation Tigers said from Kilinochchi.

The media unit also said that the daily telecast time would be increased to 90 minutes effective 25 November, he said.

The asian broadcast will be between 7.30 p.m. and 9.00 p.m. Tamileelam time.

The NTT official added that the Paris based Tamil Television Network (TTN) will relay the daily broadcast to their audiences in Europe between 8.30 pm and 10.00 p.m.


NTT to broadcast LTTE Leader’s speech live[TamilNet, Monday, 27 November 2006, 10:22 GMT]
National Television of Tamileelam (NTT) will be broadcasting live the annual policy address delivered by the LTTE Leader Mr. Velupillai Pirapaharan at 12:00 GMT Sunday on the occassion of Heroes Day, the officials of the Television in Kilinochchi said. The broadcast, using Eurostar at frequency 11.5 GHz, is viewable in Sri Lanka and Southeast Asian countries. Meanwhile, Tamil televisions in Europe and Canada are also expected to broadcast Mr. Pirapaharan’s speech live, according to media sources in Europe.

The NTT television, launched in March 2005, expanded its coverage to southeast asian countries in August 2005.

The Television reaches India, parts of Pakistan, Afghanistan, Bangladesh, Nepal, Mayanmar and China, normally for two hours between 13.30 – 15.30 GMT.

Videos from NTT:

Articles about NTT from Tamilnet.com:

Related Articles:
14.04.04   Karthigaipoo declared as National flower of Eelam Tamils

https://www.independent.co.uk/news/world/asia/tamil-tv-presenter-begs-dont-send-me-to-sri-lanka-8570490.html

தமிழீழ வைப்பகம் – நடை முறை அரசு மீது பொறாமை கொண்ட சர்வதேசம்

          தமிழீழ வைப்பகம் புலிகளின் நடைமுறை அரசின் முக்கிய அங்கம். மற்றைய பெரும்பாலான போராளி அமைப்புகள் வெறுமனே தாக்குதல்களை நடத்துவதில் தம் முழு பலத்தை செலுத்தியது தான் உலக வரலாற்றில் இடம்பெற்றது.

ஆனால் விடுதலைப்புலிகள் ஒரு நடைமுறை அரசை உருவாக்கி அதில் முக்கிய பொருளாதார கூறாகிய வங்கியை நடத்தினர்.அதற்க்கு தமிழீழ மக்களிடம் நல்ல ஆதரவு இருந்ததோடு மட்டுமல்லாமல் உலக ஊடகங்களும் அதைப்பற்றி எழுத தொடங்கின.

தமிழீழ வைப்பகம் 1994 மே மாதம் ஆரம்பிக்கப்பட்டது.கலியுகத்தில் காவலாளிகளின் பாதுகாப்பு இன்றி ,சி சி டிவி ஏதும் இன்றி எந்த கொள்ளையும் இன்றி இயங்கிய ஒரே வங்கி தமிழீழ வைப்பகம் தான்.வங்கி ஆரம்பிக்கப்படும் போது யாழ்ப்பாணமே புலிகளின் முக்கிய நிர்வாக நகராக இருந்தது.பின்னர் வன்னி பெரு நிலப்பரப்பை நோக்கி நகரும் போது தமிழீழ வைப்பகமும் கிளிநொச்சியுக்கு நகர்ந்தது.

2005 A.F.P சர்வதேச செய்தி நிறுவனம் தமிழீழ வைப்பகம் பற்றி புகழாரம் சூட்டி இருந்தது.இது சர்வதேசம் புலிகளின் நடைமுறை அரசு மீது,குறிப்பாக புலிகள் சர்வதேச ரீதியாக இருந்த பொருளாதார சதிகளுக்குள் சிக்காமல் தம் நிதி நிருவாகங்களை வளர்த்தெடுத்து கொண்டு வந்ததை கண்டு பொறாமை பட்டது என்பதை சில சர்வதேச செய்திகள் அன்று எமக்கு உணர்த்தின.

2005 இல் கடன்களுக்கான வட்டி வீதமும் சிறிலங்காவின் வர்த்தக ரீதியான வங்கிகளின் விகிதமான 11.42 முதல் 33.6 சதவீத அளவை விட குறைவாக 9 சதவீதம் முதல் 18 சதவீதம் வரையே தமிழீழ வைப்பகம் அறவிட்டது.

அக்கால பகுதியில் வீரத்தேவன் அவர்கள் வங்கியின் பணிப்பாளராக செயற்பட்டார்.இவர் யாழ் பல்கலைக்கழகத்தில் வணிக துறை பட்டம் பெற்றவர்.தமிழீழ வைப்பகம் தமது கணக்குகளை 7 பேர் கொண்ட நிர்வாக சபையிடம் ஒப்படைப்பது வழமை.

புலிகளின் ஏனைய சில நிர்வாக செயற்பாடுகளில் போராளிகள் ஈடுபடுத்தப்பட்டு இருந்தாலும் வங்கி துறையில் எந்த போராளிகளையும் ஈடுபடுத்தவில்லை.கற்றவர்களையும் பட்டதாரிகளையும் மாத்திரமே ஈடுபட்டுத்தினர்.எந்த ஒரு கட்டத்திலும் ஆயுத முனையிலோ ,மிரட்டல் பாணியிலோ வட்டியையும் சரி நிலுவையையும் சரி வசூலித்தது இல்லை.

2005 இல் 12 கிளைகள் இருந்தன.இதில் 5 கணணி மயப்படுத்தப்பட்டவை.ஆனாலும் கணணி மயப்படுத்தப் படாத கிளைகளில் கூட மக்கள் தாமத்தித்து நின்று இருக்கவில்லை.

அமுதம் சேமிப்பு கணக்கு

சிறுவர்களுக்கு என “அமுதம்” என்று சேமிப்பு கணக்கை நடத்தினர்.சில சந்தர்பங்களில் புலிகள் தாமே முதல் வைப்பு தொகையை போட்டு சிறுவர்களுக்கு சேமிப்பு கணக்கை ஆரம்பித்து வைத்தனர்.ஒரு யுத்தத்தின் அழுத்தத்தில் இருகின்ற அமைப்பு, தம் மக்களின் சிறுவர்களிடம் சேமிப்பை கூட ஊக்குவிக்கும் மன நிலையில் இருந்து இருகின்றார்கள் என்றால் அவர்கள் தூர நோக்கு இலட்சியத்துடன் போராடி இருகின்றார்கள் என்பது புலன் ஆகும்.

இறுதி யுத்த வருடத்திலும் தமிழீழ வங்கி நல்லாகவே இயங்கியது.2009 இல் தமிழீழ வைப்பகத்தின் தலைமை செயலகம் கோப்பாபுலவு வீதியில் லூதர் மாதா சந்தியில் இயங்கியது.

**
தமிழீழ வைப்பகம் திறக்கும் என காத்திருக்கும் நாகம்மா! November 27, 2017

இன்று துயிலும் இல்லத்திற்கு ஒரு வயதான அம்மா ஓடோடி வந்தார். முகம் நிறையப் புன்னகை சுருக்கமான தோல்கள் நிறைய முதுமையின் அழகு. நாகம்மா கிளிநொச்சியில் உள்ள கிராமம் ஒன்றில் வசிக்கிறாராம். அவரது சொந்த ஊர் வல்வெட்டித்துறை. “என்ரை பிள்ளைகள் இருக்கிற இடத்திலை இந்த உயிரை விடவேணும்..” என்று திமிராகச் சொன்னார்.

நாகம்மாவின் வீட்டில் இரண்டு பிள்ளைகள் மாவீரர். ஏழுபேரை போரில் பலி கொடுத்தவர். “இப்ப ஒரு பிள்ளையை வளர்க்கிறன்..” என்றார். “தம்பி, நான் ஆமியைப் பார்த்து சொன்னனான்.. நீங்களும் சண்டை பிடிச்சியள். நாங்களும் சண்டை பிடிச்சம். ஆர் வெண்டது, தோத்தது எண்டுறது இருக்கட்டும். ஆனால் இதுகள் எங்கடை பிள்ளையள் எண்டனான்..”

நாகம்மா இப்படிச் சொல்லிக் கொண்டிருக்கும்போதும் துயிலும் இல்ல வீதியில் ஒரு இராணுவ வண்டி இராணுவத்தினரை நிறைத்துக் கொண்டு போனது. தன் பிள்ளைகளுக்காக விளக்கேற்றும் விநாடிகளுக்காக காத்திருக்கும் அவரின் பேரவா தெரிய பேசிக் கொண்டிருந்தார்.

அவர் முதுமையில் வறண்டுபோன கையில் இன்னமும் பளபளக்கும் தமிழீழ வைப்பக வங்கிக் கணக்கு புத்தகம் ஒன்றை வைத்திருந்தார். தன் சட்டைப் பையிலிருந்து எடுத்துக் காட்டினார். 2009இற்கு முன்னரான காலத்தில் அவருக்கு மாதம் ஆறாயிரம் ரூபாவை வழங்கியுள்ளது தமிழீழ வைப்பகம். அந் நாட்களில் அது பெரிய பணம். மாதம் ஒன்றுக்கு தனியொருவருக்கு போதுமான நிதி.

போராட்டத்திற்கு பங்களித்தவர்களை, மாவீரர்களின் பெற்றோர் உறவுகளை அன்றைக்கு விடுதலைப் புலிகள் இயக்கம் இப்படித்தான் பொறுப்பாக தம் அரசில் நிர்வகித்து வந்தது. ஒரு விடுதலை இயக்கம் இப்படியான விடயங்களை சாத்தியப்படுத்தியிருக்கிறது. இன்று அரசோ, தமது அரச திணைக்களங்களோ, பாதிக்கப்பட்டவர்களை இப்படி ஏதும் நிர்வாகிக்கிறதா?

இறுதியாக அந்தப் புத்தகத்தில் 16ஆயிரம் ரூபா வைப்பில் இருப்பதையும் வைப்பு விபரங்கள் காட்டின. “தம்பி, தமிழீழ வைப்பகம் திரும்பவும் திறக்கும்தானே..” என்று நம்பிக்கையோடு கேட்டார். அம்மா, தனக்குள் சேகரித்து வைத்திருப்பது தமிழீழ வைப்பக புத்தகத்தையும் 16ஆயிரம் ரூபாவையும் மாத்திரமல்ல.

குளோபல் தமிழ் செய்திகளுக்காக தீபச்செல்வன்

கடற்புலிகளின் அதிசக்திவாய்ந்த ஆயுதங்கள்; சிங்கள மக்கள் வியப்போடு பார்வை !

திருகோணமலையிலுள்ள சிறிலங்கா கடற்படையின் கிழக்குப் பிராந்திய கடற்படைத் தளத்தில் தமிழீழ விடுதலைப் புலிகளின் சீருடைகள் மற்றும் ஆயுத தளபாடங்களை ஏராளமான மக்கள் ஆர்வத்தொடு பார்த்துவருவதாக தெரியவந்துள்ளது.

கிழக்குப் பிராந்திய சுற்றுலாத் தளங்களில் ஒன்றாகிவிட்ட கடற்படையின் நூதன சாலையில் விடுதலைப் புலிகளின் சீருடைகளும் ஆயுத தளபாடங்களும் காட்சிக்கு வைக்கப்பட்டுள்ளன.

அதுமட்டுமன்றி ஆங்கிலேயர் காலத்து ஆயுதக்கிடங்கு மற்றும் ஆயுதங்களும் காட்சிக்கு வைக்கப்பட்டுள்ள நிலையில் ஏராளமான சிங்கள மக்கள் இவற்றை ஆவலோடு பார்வையிட்டுவருகின்றனர்.

முக்கியமாக கடற்புலிகளின் பாரிய தாக்குதல்களுக்கு உள்ளான கடற்படைப் படகுகளின் எச்சங்கள், அவற்றைத் தாக்கியழிக்க விடுதலைப் புலிகள் பயன்படுத்திய சுய தயாரிப்பு ஆயுதங்கள், அவற்றின் புகைப்படங்கள் மற்றும் அவற்றைத் தயாரித்த போராளிகளின் பெயர்கள் என்பன காட்சிக்கு வைக்கப்பட்டுள்ளன.

அதேபோல் கேணல் கிட்டு தயாரித்த ஐங்கோண வடிவிலான பாரிய கப்பல்களை தாக்கும் குண்டும் இங்கு காட்சிக்கு வைக்கப்பட்டுள்ளது.

இவ்வாறான நிலையிலேயே இங்கு சுற்றுலாவுக்கு வரும் சிங்கள மக்கள் இவற்றினை ஆவலுடன் பார்வையிட்டு வருவதுடன் தமிழீழ விடுதலைப் புலிகளின் கடற்புலிகள் அணியினரின் அபாரத் திறமையினை வியந்து நோக்குவதாக கூறப்பட்டுள்ளது.

இதன் சில புகைப்படங்களை இங்கு இணைக்கின்றோம்…

கடல்புலிகளின் மாவீரர் நாள் நிகழ்வு காணொளி

Up ↑