Search

Eelamaravar

Eelamaravar

Category

சுத்துமாத்துக்கள்

சாதித்த கனடிய இளையோர் !

கனடிய அரசியல் களம் சமீப காலங்களாக தமிழர் பிரவேசங்களால் சூடு பிடித்தாலும் தமிழ் இளையவர்கள் இதில் இருந்து தள்ளி நிற்கின்றார்களோ என்ற கவலை பலரிடம் இருந்ததை காண முடிந்தது. இல்லை நாங்களும் களத்திற்கு வந்துவிட்டோம் எனக்கூறிக்கொண்டு கனடிய தமிழ் சமூகத்திற்கு நன்கு அறிமுகமான விஜய் தனிகாசலம் களத்தில் குதித்துள்ளார்.

கனடிய பட்டதாரியான இவர் தமிழ் இளையோர் செயற்பாடுகளின் ஒருங்கமைப்பாளராக தொழிற்பட்டு தமிழ் மக்களுக்கு நன்கு அறிமுகமானவர். தற்போது புதிதாக உருவாகியுள்ள ஸ்காபுரோ ரூச் பார்க் தொகுதியில் 2018 ஆம் ஆண்டு நடைபெறவுள்ள ஒன்ராரியோ மாநிலங்களவைக்கான தேர்தலில் போட்டியிடுவதற்கான வேட்பாளர் தெரிவுத் தேர்தல் நடந்து முடிந்து விஜய் தனிகாசலம் வெற்றியீட்டியுள்ளார்.

இவற்றை எல்லாம் தாண்டி இளையோர் வேட்பாளர் தேர்தலில் வெற்றி சூடியது பாராட்டப்பட வேண்டியதே ! வாழ்த்துக்கள் !

புலம்பெயர் இளைய சமுதாயத்துக்கு பாராட்டு!

இந்த வரலாற்றுச் சூழமைவில், தமிழர் உலகின் எந்த மூலையில் வாழ்ந்தாலும் எந்தக் கோடியில் வளர்ந்தாலும் எமது தேச விடுதலைக்கு உறுதியாகக் குரலெழுப்பி, எமது சுதந்திர இயக்கத்தின் கரங்களைப் பலப்படுத்துமாறு அன்போடு வேண்டுகிறேன்.

அத்துடன், தங்களது தாராள உதவிகளை வழங்கித் தொடர்ந்தும் பங்களிக்குமாறும் உரிமையோடு கேட்டுக்கொள்கிறேன். இந்த சந்தர்ப்பத்திலே தேச விடுதலைப் பணியைத் தீவிரமாக முன்னெடுத்து வருகின்ற புலம்பெயர்ந்து வாழும் எமது இளைய சமுதாயத்தினருக்கும் எனது அன்பையும் பாராட்டுதல்களையும் தெரிவித்துக்கொள்கிறேன்.

தமிழீழ தேசியத்தலைவரின் மாவீரர் நாள் உரை (2008)

Statement from Ontario PC Leader Patrick Brown on the nomination of Vijay Thanigasalam
April 23, 2017

“I congratulate Vijay on his nomination as the Ontario PC candidate for Scarborough-Rouge Park.

“Vijay brings a wealth of experience to our modern, inclusive and pragmatic Ontario PC team. A young professional who has been an active community volunteer for the past decade, I know Vijay will work tirelessly on behalf of the residents of Scarborough.

“After 14 years in power, life is harder with the Liberals. Ontario families are working hard, paying more, and getting less. Ontario deserves better. It’s time for a change in Ontario.

“In Scarborough and across the province, the Ontario PC Party will continue to work hard for a better future. I look forward to working with Vijay as part of our Ontario PC team as we share our positive message of change.”

கட்டுரையை தற்போது முழுமையாக பிரசுரிக்கவில்லை ஆனால்  பின்னர் பிரசுரிக்கப்படும் !

இருப்பினும் எம்மால் பலருடைய பல மாத உழைப்பு வீணாகி விடக்கூடாது என்பதால் தற்போது அமைதி காக்கின்றோம் ,  அதே நேரத்தில் மக்களிடத்தில் உண்மைகளை  உரைக்காமல் மக்கள் எல்லாவற்றையும் பார்த்துக்கொள்வார்கள் என்பதும், சுட்டு விரல் காட்டும் இடத்தில் ஓட்டுப்போடுவார்கள் என்று எதிர்பார்ப்பதும் முட்டாள்தனம் ஆகும்  !

கூலிக்கு மாரடிக்கும் ஊடங்களில் வரும் பொய்கள் தான் இப்போது செய்திகளாகி விட்டது !

அமைப்புக்களும் ஊடகங்களும் உண்மைகளை உரைக்க வேண்டும் !

நன்றி

Advertisements

நல்லாட்சிக்கு அழுத்தம் கொடுப்பது கூடத் தவறா?

இந்த அரசாங்கத்திற்கு நாங்கள் அதிகம் அழுத்தம் கொடுத்தால் அது மோசமான ஆட்சியாளர்கள் வருவதற்கு இடம் வைத்துவிடும் என பாராளுமன்ற உறுப்பினரும் இலங்கை தமிழரசுக் கட்சியின் தலைவருமாகிய மாவை. சேனாதிராசா அவர்கள் கூறியுள்ளார்.

அதேவேளை இந்த அரசாங்கம் எமது பிரச்சினைக்கு தீர்வு காணத்தவறினால் எங்களுக்கு சர்வதேசம் உதவி செய்யும் என்பதும் அவரின் உரையில் வெளிப்படுத்தப்பட்டுள்ளது.

நல்லாட்சிக்கு அழுத்தம் கொடுத்தால் அது பொல்லாத ஆட்சியினர் வருவதற்கு வழிவகுக்கும் என்பது மாவை.சேனாதிராசாவின் கருத்து. இக் கருத்து எந்தவகையிலும் அவரது தனிப்பட்ட கருத்தாக இருக்கமுடியாது. மாறாக தமிழ்த் தேசியக் கூட்டமைப்பின் கருத்தாகவே இதனைக் கொள்ளவேண்டும்.

அப்படியானால் நல்லாட்சி நிலைக்க வேண்டும் என்ற ஒரே காரணத்திற்காக நாங்கள் எந்த அழுத்தத்தையும் கொடுக்கக்கூடாது என்பது அவரின் கருத்தெனப் பொருள் கொள்ள முடியும்.

இந்த அரசாங்கத்தை நல்லாட்சி என்று நாம் கூறுவது என்பது எந்த வகையிலும் ஏற்புடையதன்று. இந்த அரசாங்கம் நல்லாட்சியா இல்லையா என்பதை அதன் ஆட்சிக்கால நிறைவிலேயே சொல்ல முடியும்.

எனினும் நல்லாட்சி என்ற சொற்பதம் வழக்கத்திற்கு வந்து விட்டது. அதிலும் நல்லாட்சி என்பது யுத்தத்தால் பாதிக்கப்படாதவர்கள் சொல்லமுடியுமேயன்றி யுத்தத்தால் பாதிப்புக் குள்ளானவர்கள் இதனை நல்லாட்சி என்று சொல்வார்களா? என்பதை பொறுத்தும் நல்லாட்சி என்ற பதம் பயன்படுத்தக்கூடியது.

எது எவ்வாறாயினும் தங்கள் சொந்த நிலங்களை படையினரிடம் பறிகொடுத்து விட்டு இரவல் இடங்களில் தங்கள் வாழ்க்கையை கழிப்போர், காணாமல்போன தங்கள் உறவுக ளைத் தேடுவோர், சிறைகளில் வாடும் தமிழ் அரசியல் கைதிகள் அவர்களின் உறவுகள் என யாரும் இவ் அரசை நல்லாட்சி என்று கூற மறுப்பர்.

இதற்கு காரணமும் உண்டு. அதாவது போரி னால் தமக்கு ஏற்பட்ட பாதிப்பை நிவர்த்திக்காத அரசை நல்லாட்சி என்று சொல்வதற்கு அவர் கள் ஒருபோது உடன்படமாட்டார்கள் என்பது நியாயமானதே.

எனவே ஜனாதிபதி மைத்திரி, பிரதமர் ரணில் ஆகியோரின் அரசாட்சி நல்லாட்சியா என்பதை பொறுத்திருந்து தான் பார்க்கவேண்டும். இது ஒருபுறம் இருக்க நல்லாட்சிக்கு இது வரையில் தமிழ்த் தேசிய கூட்டமைப்பு அழுத்தம் கொடுத் ததான தகவல்கள் எதுவும் இல்லை.

அழுத்தம் கொடுத்தால் நல்லாட்சி போய்விடும் என்றால் அழுத்தம் கொடுக்காமல் தமிழ் மக்கள் தாம் அனுபவிக்கின்ற அவலங்களோடு தொடர்ந்தும் வாழவேண்டும் என்று பொருள் கொள்வதிலும் தவறிருப்பதாக தெரியவில்லை.

எங்களை ஏமாற்ற நினைத்தால் மகிந்த ராஜபக்ச­விற்கு நேர்ந்த கதிதான் இந்த அரசுக்கும் ஏற்படும் என்பது கூட்டமைப்பின் தலைவர் இரா.சம்பந்தரின் கருத்து.

அதேவேளை இலங்கை அரசு ஏமாற்ற நினைத்தால் சர்வதேசத்துடன் ஒரு உடன்பாட்டிற்கு நாம் வர நேரிடும் என்று மாவை.சேனாதிராசா அவர்கள் புங்குடுதீவில் ஆற்றிய உரை நல்லாட்சிக்கான எச்சரிக்கை.

இவையெல்லாம் சரி. இப்போது நமக்கு ஏற் படுகின்ற சந்தேகம், நாம் அழுத்தம் கொடுத்து பொல்லாத ஆட்சி வந்தால் அவர்களை சர்வதேசம் பார்த்துக்கொள்ளாதா? அவர்கள் ஆட்சிக்கு வந்தால் நீங்கள் சர்வதேசத்துடன் உடன்பாட்டிற்கு வரமுடியாதா? என்பது தான்.

அட, நல்லாட்சிக்கான அழுத்தம் என்பது தமிழ் மக்கள் இப்போது நடத்துகின்ற தொடர் போராட்டங்கள் மட்டுமே. இந்தப் போராட்டங்கள் எங்கள் அரசியல் தலைமைக்கு இடைஞ்சலாக இருக்கிறதோ என்று கூட எண்ணத்தோன்றுகிறது.

*

மக்களின் தொடர் போராட்டமே காணி விடுவிப்புக்கு காரணம்

காணி விடுவிப்புத் தொடர்பில் எவரும் அரசியல் இலாபம் தேடுவதை முற்றுமுழுதாகக் கைவிட வேண்டும்.

போர் முடிந்து எட்டு ஆண்டுகளாகிவிட்ட போதிலும் காணி விடுவிப்புத் தொடர்பில் அரசாங்கங்கள் எந்த நடவடிக்கையும் எடுக்கவில்லை.

இந்நிலையில் மக்கள் தங்கள் காணிகளை எப்படியும் விடுவிப்புச் செய்வதென முடிவு செய்தனர்.
அதற்காக இரவு பகல் என்று பாராது வெயில் குளிர் என்று நோவாது தொடர் போராட்டம் நடத்தினர்.

மக்களின் தொடர் போராட்டம் காரணமாக அவர்களின் காணிகளை விடுவிக்க வேண் டிய கட்டாயம் அரசுக்கு ஏற்பட்டது.

எனினும் தமிழ் அரசியல்வாதிகள் சிலர் தாம் அரசுடன் நடத்திய பேச்சுவார்த்தையாலும் ஜனாதிபதித் தேர்தலின் போது செய்து கொண்ட ஒப்பந்தம் காரணமாகவுமே நில விடுவிப்பு நடப்பதாக பச்சைப் பொய் கூறுகின்றனர்.

இவ்வாறு கூறுவது மிக மோசமான ஒரு செயலாகும். எல்லாவற்றிலும் அரசியல் இலாபம் தேட நினைப்பது அவ்வளவு நல்லதல்ல.

உண்மையில் காணி விடுவிப்பு என்ற விடயம் ஓரளவு வெற்றி அடைவதற்கு தமிழ் மக்கள் நடத்திய தொடர் போராட்டமே மூல காரணமாகும்.

தாமாக உணர்ந்து இனியும் பொறுக்க முடியாது என்ற கட்டத்தில் பாதிக்கப்பட்ட மக்கள் தங்கள் நிலத்தை மீட்பதென முடிவு செய்தனர்.

இம்மக்களின் நியாயமான போராட்டத்துக்கு மனிதநேயமுள்ளவர்கள் தமது ஆதரவை வழங்கினர்.
தமிழ் அரசியல் தலைவர்கள் சிலர் மக்கள் நடத்திய போராட்ட பக்கமே தலைவைக்கவில்லை.
இதுவே நிலைமையாக இருக்கையில்,

தங்களால்தான் காணி விடுவிப்பு நடந்தது என உரிமை கோருவது மிகப்பெரும் துரோகத்தனமாகும்.
மக்கள் போராட்டம் நடத்தி நிலத்தை மீட்டெடுத்தனர் என்றால் அதை அப்படியே ஏற்றுக் கொண்டு அந்த மக்களைப் பாராட்டுவதே நியாயமானதாகும்.

இதைவிடுத்து ஜனாதிபதித் தேர்தலின் போது எந்தவித நிபந்தனையும் இன்றி மைத்திரிபால சிறிசேனவுக்கு ஆதரவை வழங்கி விட்டு நில மீட்புத் தொடர்பில் ஏலவே உடன்பாடு உண்டு எனக் கூறுவது முழுப் பூசணிக்காயை சோற்றில் புதைப்பதற்கு ஒப்பானதாகும்.

ஏலவே உடன்பாடு இருந்தால் அதை ஏலவே செய்யாதது ஏன்? ஏற்கெனவே செய்யப்பட்ட உடன்பாட்டில் மக்கள் தங்களை வருத்தி போராட்டம் நடத்தினால்தான் அவர்களின் நிலத்தை விடுவிப்போம் என்ற உடன்பாடுகளும் இருந்தனவா என்ன?

ஆக, போரில் பல்வேறு பாதிப்புக்களை சந்தித்த மக்கள் தம்மளவில் ஒன்றுபட்டு நடத்திய தொடர் போராட்டமே நில விடுவிப்புக்கு காரணமாகும்.

இதில் பலர் உரிமை கோர நினைத்தாலும் அது உரிமை கோருபவர்களுக்கு மிகப்பெரும் பாதகமாக அமையும் என்பதே உண்மை.

கூட்டமைப்புத் தலைவர்களிடம் ஒரு வித்தியாசம் தெரிகிறது

ஐ.நா மனித உரிமைகள் ஆணையத்தின் தீர்மானங்களை நிறைவேற்றுவதற்கு மேலும் இரண்டு வருட கால அவகாசம் வழங்கிய பின்னர் தமிழ்த் தேசியக் கூட்டமைப்பின் தலைவர்கள் இரா.சம்பந்தர்,

மாவை.சேனாதிராசா ஆகியோரின் உரைகளிலும் நடவடிக்கைகளிலும் ஒரு மாற்றம் தெரிவதைக் காணமுடிகிறது.

புங்குடுதீவில் நடந்த நிகழ்வு ஒன்றில் உரையாற்றிய மாவை.சேனாதிராசா அவர்கள் அரசாங்கம் ஏமாற்றினால் சர்வதேச சமூகத்துடன் இணைந்து தமிழ்த் தேசியக் கூட்டமைப்பு ஒரு தீர்மானத்தை எடுக்கும் எனக் கூறியுள்ளார்.

அட! இது நல்ல கதையாக இருக்கிறதே! அந்தத் தீர்மானம் என்னவாகவிருக்கும் என்று அறிய மனம் அவாப்பட்ட போது,

அந்தத் தீர்மானம் என்ன என்பது எங்களுக்கும் சர்வதேச சமூகத்துக்கும்தான் தெரியும் என்றும் மாவை.சேனாதிராசா அவர்கள் கூறியுள்ளார்.

குறித்த தீர்மானம் இலங்கை அரசுக்குத் தெரிய வந்தால் அது தீர்மானத்துக்குப் பாதிப்பை ஏற்படுத்தும் என்ற காரணத்தால் அவர் தீர்மானம் என்ன என்பதை தமிழ் மக்களுக்கு தெரியப்படுத்தாமல் இருந்திருக்கலாம்.

எதுவாயினும் இலங்கை அரசாங்கம் எங்களை ஏமாற்றினால் தமிழ்த் தேசியக் கூட்டமைப்பும் சர்வதேச சமூகமும் ஒரு வலுவான தீர்மானத்தை வைத்துள்ளன என்பது நம்பிக்கை தருகிறது.

இலங்கை அரசாங்கம் எங்களை ஏமாற்ற நினைத்தால், ஐயா! நீங்கள் கூறிய அந்தத் தீர்மானத்தை செய்யுங்கள் என்று பாராளுமன்ற உறுப்பினர் மாவை.சேனாதிராசாவை தமிழ் மக்கள் கேட்கக்கூடிய ஒரு வாய்ப்பு வந்திருக்கிறது.

ஆனால் அந்தத் தீர்மானம் என்ன என்பது குறித்து நாம் ஆராயாமல் விட்டாலும் அப்படியொரு தீர்மானத்துடன் இருக்கக்கூடிய நம்பிக்கையைத் தந்த மாவை.சேனாதிராசாவுக்கு நாம் நன்றி கூறிக்கொள்ள வேண்டும்.

இதேபோன்று கூட்டமைப்பின் தலைவர் இரா.சம்பந்தரும் தமிழ் மக்களின் நிலத்தை விடுவிக்கும் படி படைத்தரப்பை சந்தித்துள்ளார்.

அச்சந்திப்பில் ஜனாதிபதி உத்தரவிட்டால் தமிழ் மக்களின் நிலத்தை விடுவிப்பதில் படையினருக்கு எந்த இடைஞ்சலும் இல்லை என்று கூறியுள்ளனராம்.

அப்படியானால் தமிழ் மக்களின் நிலத்தை படையினர் விடுவிக்காமல் இருப்பதற்கு ஜனாதிபதி தான் காரணம் என்பது போல விடயம் அமைகிறது.

ஆக, படையினர் கூறியதை சம்பந்தர் ஐயா, முற்றுமுழுதாக நம்பியுள்ளார் என்றே கருத வேண்டும்.
மக்களின் நிலங்களை விடுவிக்க முடியாது என்று படை அதிகாரிகள் கூறிய செய்திகள் ஊடகங்களில் ஏற்கெனவே வெளிவந்துள்ள போதிலும் இது தொடர்பான தகவல்கள்,தரவுகள் எதுவுமின்றி படையினரைச் சந்தித்தால், அவர்கள் சொல்வதை அப்படியே ஏற்கவேண்டியதைத் தவிர வேறு வழியில்லை எனலாம்.

எதுவாயினும் படையினரைச் சந்தித்த சம்பந்தர் ஐயா, அடுத்து அவசர அவசரமாக ஜனாதிபதியைச் சந்திக்க வேண்டும்.

அவரைச் சந்தித்து தமிழ் மக்களின் நிலங்களை விடுவிக்க படையினர் தயார், நீங்கள் தான் உத்தர விடவில்லையாம் என்று கூற வேண்டும்.

அப்போது தான் ஜனாதிபதியும் படைத்தரப்பும் முறுகிக்கொள்ளும் நிலைமை வரும். இதை சம்பந்தர் ஐயா உடனடியாகச் செய்வார் என நம்பலாம்.

வலம்புரி

கூட்டமைப்பிடம் ஏற்பட்டுள்ளது ஏமாற்றமா? மனமாற்றமா?

அரசாங்கத்தை மாற்றுவதென்றால் இன்றைய அரசை வீழ்த்துவது என்று பொருள் கொள்ளலாமா? அல்லது ஜனாதிபதி தரப்பை வீட்டுக்கு அனுப்பிவிட்டு ரணில் தலைமையில் ஆட்சியமைப்பது என்று பொருள்படுமா? அல்லது மகிந்த ராஜபக்ச தலைமையில் புதிய அரசாங்கத்தை அமைக்கத் துணைபோவது என்று விளங்கிக் கொள்ளலாமா?

தமிழர்களின் சமகால செயற்பாடுகள் தொடர்பாக கொழும்புப் பத்திரிகைகளில் வெளிவரும் செய்திகள் ஆச்சரியம் தருபவைகளாக அமைந்திருப்பதை அவதானிக்க முடிகிறது.

அவற்றுள் சில செய்திகளையும் அவற்றின் பின்னணிகளையும் அவை தொடர்பான பொதுமக்களின் வியாக்கியானங்களையும் இந்தப் பத்தியில் நோக்க வேண்டிய தேவையுள்ளது.

சில வாரங்களுக்கு முன்னர் இலங்கை ஜனாதிபதி நிகழ்த்திய உரையொன்றுக்கு பல ஊடகங்களும் முக்கியத்துவமளித்து முன்பக்கத் தலைப்புச் செய்தியாக அதனை வெளியிட்டிருந்தன.

அவரது உரை பின்வருமாறு இருந்தது “பொதுமக்களின் காணிகளை அவர்களிடம் மீளளிக்குமாறு நான் உத்தரவிட்டும், படைத்தரப்பினர் அதனை செயற்படுத்தாது இருப்பது எனக்கு அதிர்ச்சியைத் தருகிறது” என்று ஜனாதிபதியின் உரை இடம்பெற்றுள்ளது.

ஜனாதிபதியானவர் அப்பதவி வழியாக சகல அதிகாரங்களையும் கொண்டவராக விளங்குவார். 1978ல் ஜே.ஆர்.ஜெயவர்த்தன அரசு நிறைவேற்றிய புதிய அரசியல் யாப்பே இத்தனை அதிகாரங்களையும் கொண்டதாக உருவாக்கப்பட்டது.

இதனை ஜே.ஆர்.ஜெயவர்த்தன தனது பாணியில் விபரிக்கையில், ஆணைப் பெண்ணாகவும், பெண்ணை ஆணாகவும் மாற்றுவதைத் தவிர மற்றெல்லா அதிகாரங்களையும் ஜனாதிபதியாகிய தாம் கொண்டுள்ளதாக மிடுக்கு வீரத்துடன் தெரிவித்திருந்தார்.

அதே அரசியல் யாப்பின் அதிகாரங்களைக் கொண்ட ஜனாதிபதியாகவே மைத்திரிபால சிறிசேனவும் இருக்கின்றார். அப்படியானால் தமது உத்தரவுகளை படையினர் செயற்படுத்தவில்லையென்று இவர் கூறினால் அதனை யார் நம்புவர்? அதனை யாரால் ஏற்றுக் கொள்ள முடியும்? பொய்யோ உண்மையோ ஓரளவுக்காவது நம்பக்கூடியதாக இருக்க வேண்டுமல்லவா?

இது ஒருபுறமிருக்கட்டும்! தொடர்ந்து இடம்பெறும் தமிழ் மக்களின் பலவேறு வடிவங்களிலான தொடர்ச்சியான போராட்டங்களுக்கு முகம் கொடுக்க முடியாத அவலம் கூட்டமைப்புக்கு இப்போது ஏற்பட்டுள்ளது.

இதனால் தமிழர் வாழும் பிரதேசங்கள் எங்கும் அரசாங்க அதிகாரிகளுடனும் படைத்தரப்பினருடனும் காணிகள் விடுவிப்புத் தொடர்பான பேச்சுவார்த்தைகளை இவர்கள் ஆரம்பித்துள்ளனர்.

தமிழ் ஊடகங்கள் இச்சந்திப்புகளுக்கு கணிசமான முக்கியத்துவம் கொடுத்து வருகின்றன. இச்சந்திப்பொன்று தொடர்பாக வெளியான ஒரு செய்தி பின்வருமாறு அமைந்திருந்தது. “ஜனாதிபதி கூறினால் பொதுமக்கள் காணிகளிலிருந்து உடனடியாக இராணுவ முகாம்களை நீக்கி அங்கிருந்து வெளியேறுவோம் என படைத்துறை அதிகாரி ஒருவர் கூட்டமைப்பினரிடம் தெரிவித்தார்” என்று அந்தச் செய்தி அமைந்திருந்தது.

இந்தத் தகவலை கூட்டமைப்பினரே ஊடகங்களுக்குத் தெரியப்படுத்தியிருந்தனர் என்பதையும் அந்த ஊடகங்கள் குறிப்பிடத் தவறவில்லை.

படைத்தரப்பு இப்படிக் கூறுவது உண்மையானால், தாம்; உத்தரவிட்டும் படையினர் அதனைச் செயற்படுத்தவில்லையென்று ஜனாதிபதி முன்னர் தெரிவித்தது அப்பட்டமான பொய்யா என்ற கேள்வி எழுகிறது.

அல்லது, ஜனாதிபதி சொன்னதுதான் உண்மையென்றால், படைத்தரப்பினர் கூட்டமைப்பினரிடம் சொன்னது பொய்யா என்று கேட்கத் தோன்றுகிறது.

இரு தரப்புடனும் பேச்சு வார்த்தை நடத்திவரும் கூட்டமைப்பினர் நினைத்தால் இதனைக் கண்டுபிடிக்க முடியும். ஆனால் அவர்கள் இதனை விரும்ப மாட்டார்கள்.

கொழும்பிலிருந்து வெளிவரும் ஷசன்டே லீடர்| பத்திரிகை இந்த மாதம் 16ம் திகதிய இதழில் தமிழ் தேசிய கூட்டமைப்பு அரசாங்கத்தை எச்சரிக்கிறது. (TNA warns government) என்ற தலைப்பில் ஒரு செய்தி வெளியிட்டது .

கூட்டமைப்பினால் அரசாங்கத்தை மாற்றியமைக்க முடியும் என்ற நேரடி எச்சரிக்கைப்பாங்கில் இது எழுதப்பட்டிருந்தது. “வடக்கிலுள்ள தமிழர்களின் முக்கிய விடயங்களில் சிலவற்றையாவது உடனடியாக இந்த அரசு கவனிக்கத் தவறினால், அரசாங்கத்தை மாற்றும் விடயத்துக்கு கூட்டமைப்பு ஆதரவு வழங்கும்” என்பது இந்த ஆங்கிலச் செய்தியின் முதற்பந்திக்கான தமிழாக்கம்.

வவனியாவில் தனியார் நிறுவனம் ஒன்று அன்பளிப்பாக வழங்கிய 150 வீடுகளைக் கையளிக்கும் நிகழ்வில் உரையாற்றுகையில் கூட்;டமைப்பின் தலைவரும் எதிர்க்கட்சித் தலைவருமான ஆர்.சம்பந்தன் இவ்வாறு எச்சரிக்கை விடுத்துள்ளார் என்று இச்செய்தி கூறுகின்றது.

அரசாங்கத்தை மாற்றுவதென்றால் இன்றைய அரசை வீழ்த்துவது என்று பொருள் கொள்ளலாமா? அல்லது ஜனாதிபதி தரப்பை வீட்டுக்கு அனுப்பிவிட்டு ரணில் தலைமையில் ஆட்சியமைப்பது என்று பொருள்படுமா? அல்லது மகிந்த ராஜபக்ச தலைமையில் புதிய அரசாங்கத்தை அமைக்கத் துணைபோவது என்று விளங்கிக் கொள்ளலாமா?

இது எதனையுமே குறிப்பிட்டுச் சொல்லாது மொட்டையாக நிகழ்த்தப்பட்ட இந்த உரைக்கான மூலவிளக்கத்தை கூட்டமைப்பிடமிருந்து அறிந்து கொள்ள முடியவில்லை.

தமிழ் மக்கள் மத்தியில் சரிந்து செல்லும் தங்கள் செல்வாக்கைத் தூக்கி நிறுத்த, இப்படியான வெடிகுண்டுகளைத் தேவைப்படும் வேளைகளில் வீசுவது கூட்டமைப்புக்குக் கைவந்த கலை. இத்தொடரில் இறுதியாக வெளிவந்த இராணுவத்தரப்புச் செய்தியொன்று மிக முக்கியமானது.

கேப்பாப்பிலவு மக்களின் காணிகள் தொடர்பாக அங்குள்ள இராணுவத்துடன் கூட்டமைப்பினர் பேச்சு நடத்தியபோது, எக்காரணம் கொண்டும் முழுக் காணிகளையும் மக்களிடம் மீளளிக்க முடியாதென்று படைத்தரப்பு கூறியுள்ளது.
இதனை ஏற்றுக் கொள்ள மறுத்துள்ள போராட்ட மக்கள், முழுக்காணிகளையும் ஒப்படைக்காதவரை தங்கள் போராட்டம் தொடருமென அறிவித்ததுடன், அறுபது நாட்களுக்கும் மேலாக அதனைத் தொடர்கின்றனர்.

பொதுமக்கள் காணிகள் மீளளிப்புத் தொடர்பாக கடந்த இரண்டு வாரங்களுக்குள் மூன்று விதமான, முன்னுக்குப்பின் முரணான செய்திகள் வெளிவந்துள்ளதை இதுவரை பார்க்க முடிந்தது.

அரசாங்கம் இவ்விடயத்தில் எதனையுமே செய்வதற்குத் தயாரில்லையென்பதையே இதனூடாகப் பகுத்துப் பார்க்கலாம்.

ஜெனிவாவில் இலங்கை அரசுக்கு மேலும் இரண்டு வருட அவகாசம் வழங்கப்பட்டு ஒரு மாதம் முடிந்துள்ளதாயினும், எந்தவொரு மாற்றத்தையும் காணமுடியவில்லை.

ஆனால், கூட்டமைப்பினரின் பேச்சுகளும் அறிக்கைகளும் ஏதோவொரு மாற்றத்தைக் காட்டுவதை சில ஊடகங்கள் சுட்டியுள்ளன.

எதற்கெடுத்தாலும், மீண்டும் போராட்டம் வெடிக்கும் என உச்சத்தில் குரலெழுப்பும் தமிழரசுக் கட்சித் தலைவர் மாவை சேனாதிராஜா, போராடும் மக்களுடன் இணைந்து நாமும் போராடுவோம் என்று அண்மையில் கூறியதை இரு வாரங்களுக்கு முன்னர் இங்கு எழுதியிருந்தோம்.

இப்போது, அந்த ஏணியில் ஒருபடி மேலே ஏறி நின்று மற்றொரு கருத்தை இவர் வாய்மொழிந்துள்ளார்.
இந்த அரசு எம்மை ஏமாற்றுமானால், சர்வதேச சமூகத்துடன் சேர்ந்து கூட்டமைப்பு ஒரு தீர்மானத்தை எடுக்குமென்பது மாவையரின் வாய்மொழி. அது என்ன தீர்மானமோ?

சர்வதேச சமூகத்துடன் சேர்ந்துதானே இலங்கைக்கு இரண்டு வருட காலநீடிப்பை கூட்டமைப்பு பெற்றுக் கொடுத்தது.
இப்போது அதே சமூகத்துடன் சேர்ந்து இன்னொரு தீர்மானமா? தமிழரின் காதுகளில் இனியும் பூ வைப்பதற்கு இடமில்லையென்பதை கூட்டமைப்பினருக்கு யார் எடுத்துக் கூறுவது?

இவைகள்தான் கூட்டமைப்பினரிடம் ஏற்பட்டிருக்கும் மாற்றங்கள் என்றால், இதற்குக் காரணம் ஏமாற்றமா? அல்லது மனமாற்றமா?
பனங்காட்டான்

லங்காசிறி-தமிழ்வின் :புலத்தில் புலிகளின் தளபதிகளை காட்டிக்கொடுக்கும் ஊடகத் துரோகி !

புலத்தில் புகளிடம்பெற்ற போராளிகளும், தளபதிகளும் தாமிருக்கும் நாடுகளின் பாதுகாப்பு பிரிவினரிடம் தமக்கான பாதுகாப்பு அச்சுறுத்தல் தொடர்பாக ஆதாரங்களுடன் முறையிட முடிவு!

புலத்திலிருக்கும் புலிகளின் முன்னாள் தளபதிகளை இலங்கை அரசிற்கு காட்டிக்கொடுக்கும் கயவர்களாக மாற்றம்பெற்றுள்ள பிரபல தமிழ் ஊடகங்களில், அண்மைக் காலமாக “தமிழ்வின்” இணையதளமே முன்னணியில் இருந்துவருவதை நாம் நன்கு அவதானிக்க முடிகின்றது.

மேலும் கருணாவையும்,டக்கிளசையும் ஏனைய துரோக அமைப்புக்களையும் நாம் இதுவரை காலமும் துரோகிகளென்று கூறிவரும் நிலையில்,கடந்த 2009ம் ஆண்டிற்குப் பின்னர் இலங்கை இராணுவத்தின் கொலைக்கரத்திலிருந்து அவர்களின் கண்களுக்கு மண்ணைத்தூவிவிட்டு புலம்நோக்கி தப்பிவந்த எமது தளபதிகளை இலங்கைப் புலனாய்வாளர்களுக்கு காட்டிக்கொடுக்கும் நயவஞ்சகர்களாக இன்று புலம்பெயர் இணையங்களில் மிகவும் முதன்மையாகக் கருதப்படும் “தமிழ்வின்” இணையமே எமது போராளிகளுக்கு பகிரங்கமாக தாம் துரோகமிழைத்துவருவதை நாம் அவதானிக்கமுடிகின்றது.

உண்மையில் எமது போராளிகளைப்பற்றியோ அன்றி எமது தளபதிகளைப்பற்றியோ இந்த இணையங்களை நடத்துபவர்களுக்கு அவர்கள்மீது அக்கறை இருந்திருந்தால்?அவர்களைப்பற்றிய தகவல்கள் ஏதும் தமக்குக் கிடைத்தால் அதை சம்மந்தப்பட்ட போராளிகளிற்கு தெரியப்படுத்தி எமது போராளிகளையும்,தளபதிகளையும் எதிரியிடமிருந்து தாம் பாதுகாப்பதைவிடுத்து, அவர்களை எதிரிகள் இலகுவாக பிடிப்பதற்கான அவர்கள் தொடர்பான போக்குவரத்துக்களையும், இருப்பிடங்களையும் குறிப்பிட்டு பாரிய துரோகத்தை தமது ஊடகங்கள் வாயிலாக செய்துவருவதை சிறப்பான விடையமாக நாம் கருதமுடியுமா?

மேலும் எமது முன்னாள் தளபதிகளும், போராளிகளும் எமது மண்ணிற்காக கடந்தகாலங்களில் தாம்செய்த தியாகங்களை கடுகளவும் சிந்திக்காத இந்த ஊடகத் துரோகிகள், அவர்களை தமது ஊடகங்கள்வாயிலாக காட்டிக்கொடுப்பதை வெறுமனே எமது கைகளைக் கட்டிக்கொண்டு நாம் தமிழராக இருந்து அதைத் தட்டிக்கேட்பதைவிடுத்து வேடிக்கை பார்க்கமுடியுமா?

மேலும் கடந்தசில தினங்களிற்குமுன்பு “திவயின” எனும் சிங்கள இணையத்தை மேற்கோள்காட்டி அதில்வராத செய்தியொன்றை “தமிழ்வின்” இணையம் சோடித்து “திவயினவில் வந்ததாகக்கூறி” எமது முக்கிய தளபதி ஒருவரை எதிரிகளுக்கு பகிரங்கமாக காட்டிக்கொடுத்துள்ளார்கள்.

உண்மையில் தமிழ்வின் இணையத்தில் பதிவேற்றப்பட்ட செய்திகூட முற்றிலும் உண்மைக்கு புறம்பானதொரு செய்தியென்பதை நாம் சம்மந்தப்பட்ட தரப்புக்களுடன் தொடர்புகொண்டு அதை உறுதிசெய்துவிட்டோம்.

http://www.tamilwin.com/security/01/143011?ref=home-imp-flag

இருப்பினும் தமிழ்வின் தான் தயாரித்த ஊகமான தகவல்கள் ஒருவேளை புலிகளின் எதிர்கால திட்டங்களாகவும் இருப்பதற்கு சந்தர்ப்பம் இருப்பதனால்’ அதை முன்கூட்டியே எதிரிகளுக்கு காட்டிக்கொடுத்து அழிக்கவேண்டும் என்பதில் நயவஞ்சக தமிழ்வின் இணையம் செயற்பட்டுவருகின்றதா? என்ற சந்தேகங்களும் தற்போது எமது போராளிகள் மத்தியில் எழுந்திருக்கின்றது.

இதைவிட கடந்த சில வராங்களிற்கு முன்பும்கூட விடுதலைப் புலிகள் வெளியிட்டதாகக்கூறி இரண்டு பொய்யான அறிக்கையை தமிழ்வின் இணையம் வெளியிட்டு விடுதலைப் புலிகளை கொச்சைப்படுத்தியதையும் நீங்கள் அறிந்திருப்பீர்கள்.

தற்போதைய தமிழ்வின்னின் துரோகச் செயற்பாடுகள் சம்மந்தமாக புலத்தில் புலிகளின் தளபதிகளிற்கு அடைக்கலம் கொடுத்திருக்கின்ற அந்தந்த நாடுகளின் பாதுகாப்பு தரப்பினரிடம் எமது தளபதிகளும், போராளிகளும் முறையிட்டு மேற்குறிப்பிட்ட “தமிழ்வின்” உள்ளடங்கலான அனைத்து ஊடகங்களிற்கெதிராகவும் முறையிடுவதற்கு தயாராகிவருகின்றார்கள் என்ற செய்தியினையும் இந்த ஊடகங்களுக்கு இங்கே எச்சரிக்கையுடன் நான் பதிவுசெய்கின்றேன்.

நன்றி

முகநூல் பதிவு

கூட்டமைப்பு :அரசாங்கத்துக்கும் ,சர்வதேசத்துக்கும் பச்சைக் கொடி !

கடந்த மாதம் நடந்து முடிவுற்ற ஐ.நா மனித உரிமைப் பேரவையில் 2015 ஆம் ஆண்டு தீர்மானத்தை நிறைவேற்ற இரண்டு வருட கால அவகாசம் வழங்கும் தீர்மானம் வாக்கெடுப்பின்றி முழுமையாக நிறைவேறி உள்ளது.இரண்டு வருட கால அவகாசத்துக்கு பேரவை கூடுமுன்பே, தமிழ்த் தேசியக் கூட்டமைப்பு இலங்கை அரசாங்கத்துக்கும் சர்வ தேச சமூகத்துக்கும் தமது பச்சைக் கொடியை காட்டி விட்டது.

ஐ. நாவின் முகமும் தமிழ் மக்களின் மீட்சியும்

இலங்கை உள்நாட்டுப் போரினால் பாதிக்கப்பட்ட மக்கள் தொடர்பாக 2015 ஆம் ஆண்டு ஐ. நா மனித உரிமைப் பேரவையில் 30/1 இல் ‘போரின் போது சர்வதேச மனித உரிமைச் சட்டமீறல்கள், துஸ்பிரயோகங்கள், போர்க்குற்றங்கள் தொடர்பான குற்றச்சாட்டுகளை விசாரணை செய்து குற்றவாளிகளை நீதியின் முன் நிறுத்தி பாதிக்கப்பட்டோருக்கு நீதியை வழங்குவதற்கு இலங்கையுடன் இணைந்து சர்வதேச நீதிபதிகள், பிரதிவாத தரப்பு சட்டத்தரணிகள் விசாரணையாளர்களை உள்ளடக்கிய கலப்பு நீதிமன்றம் ஒன்றை உருவாக்குதல் வேண்டும்’ எனும் பிரேரணை இலங்கையின் அனுசரணையோடு ஏற்றுக் கொள்ளப்பட்டது.

இவ்வாண்டு, கடந்த மாதம் நடந்து முடிவுற்ற ஐ.நா மனித உரிமைப் பேரவையில் 2015 ஆம் ஆண்டு தீர்மானத்தை நிறைவேற்ற இரண்டு வருட கால அவகாசம் வழங்கும் தீர்மானம் வாக்கெடுப்பின்றி முழுமையாக நிறைவேறி உள்ளது.

இரண்டு வருட கால அவகாசத்துக்கு பேரவை கூடுமுன்பே, தமிழ்த் தேசியக் கூட்டமைப்பு இலங்கை அரசாங்கத்துக்கும் சர்வ தேச சமூகத்துக்கும் தமது பச்சைக் கொடியை காட்டி விட்டது.

சர்வதேச நாடுகளும் இலங்கைக்கு இரண்டு வருட கால அவகாசம் கொடுப்பதற்கு ஆயத்தமாகவே, மனித உரிமைப் பேரவையில் காலடி வைத்தன.

இத்தகைய பின்புலத்தில் இலங்கை அரசாங்கம் கால அவகாசம் கிடைக்கும் எனும் மிகுந்த நம்பிக்கையோடு பேரவையில் பங்கு பற்றி வெற்றியோடு திரும்பி உள்ளது. வெற்றி யாருக்கு? ஒடுக்கப்பட்ட மக்களுக்கா? ஒடுக்குபவர்களுக்கா?

ஐ. நா சபையில் அங்கம் வகிக்கும் நாடுகள், இலங்கை அரசாங்கம், தமிழ்த் தேசியக் கூட்டமைப்பு எனும் முத்தரப்பும் தத்தமது அரசியல் நிலைப்பாட்டிலிருந்து வெற்றியை சுவிகரித்துக் கொண்டனர். இதுவே உண்மை.

மனித உரிமைப் பேரவை கூடுகின்ற கால கட்டத்திலேயே, ‘நல்லாட்சி காவலன் முகமூடி’ அணிந்த தற்போதைய ஜனாதிபதி “எந்தச் சூழ்நிலையிலும் சர்வதேச நீதிபதிகளை ஏற்க மாட்டேன். இது தொடர்பாக 24 மணி நேரத்துக்குள்ளாகவே சூட்டோடு பதிலளித்து விட்டேன்” எனப் பகிரங்க கூட்டமொன்றில் அறிவித்து விட்டார்.

கடந்த வாரத்தில் யாழ்ப்பாணத்துக்கு விஜயம் செய்த முன்னாள் ஜனாதிபதி சந்திரிகா குமாரதுங்க “காணாமல் போனோரின் உறவுகள், தமது உறவுகளை மீட்டுத் தருமாறே கேட்கின்றனர். தமது உறவுகள் காணாமல் போனதற்குக் காரணமாயிருந்த இராணுவம் மற்றும் பொலிசாரைத் தண்டிக்குமாறு கோரவில்லை. எனவே, இந்த அரசாங்கம் இராணுவத்தைப் பாதுகாக்கும்” எனக் கூறியுள்ளார்.

பாதிக்கப்பட்ட மக்கள் வலிந்து காணாமல் ஆக்கப்பட்டோரை மீட்டுத் தருமாறும் நீதியை நிலைநாட்டுமாறும் அரசாங்கத்துக்கு வேண்டுகோள் விடுத்து, உணவு தவிர்ப்புப் போராட்டம் நடாத்திக் கொண்டிருக்கின்ற மண்ணில் நின்றுக் கொண்டே முன்னாள் ஜனாதிபதி “இராணுவத்தை பாதுகாப்பேன்” எனக் கூறுவது எந்த வகையில் நியாயம்.

நீதி என்பது காணாமல் ஆக்கப்பட்டோருக்கு என்ன நடந்தது என்பது மட்டுமல்ல, அதற்குக் காரணமாக இருந்தவர்களை நீதியின் முன் நிறுத்துவதுமாகும்.

பிரதமர் ரணில் விக்கிரமசிங்க, “கடந்த காலத்தில், ஐ. நாவுக்கு நமது நாட்டு நீதி மன்றங்களில் நம்பிக்கை இருக்கவில்லை. அதனாலேயே வெளிநாட்டு நீதிபதிகள் தலையிடும் பொறிமுறை தொடர்பில் கூறினர்.

நல்லாட்சியில் சுயாதீனம் பேணப்படுகின்றது. ஆதலால் வெளிநாட்டு நீதிபதிகள் தேவையில்லை. அதற்கு அரசியல் யாப்பிலும் இடமில்லை” எனக் கூறி வருகின்றார்.

நீதி அமைச்சர் விஜயதாஸ ராஜபக்ஷ, “நல்லிணக்கமும் யுத்தக் குற்றமும் இரண்டு தண்டவாளங்களைப் போன்றவை. இரண்டும் சந்திக்க முடியாது; சந்தித்தால் விபத்து. ஆதலால் யுத்தக் குற்றம் தொடர்பில் கதைத்தால் மீண்டும் யுத்தம் வரும்” என மிரட்டும் பாணியில் கருத்துகளைத் தெரிவித்து வருகின்றார்.

மஹிந்த ராஜபக்ஷவோ, “யுத்தக் குற்றம் தொடர்பாகக் கதைத்தால், தமிழ் மக்களில் பெரும்பாலானோர் தண்டிக்கப்படுவார்கள்” என்கின்றார். அரசியல் யாப்புக்கு உட்பட்ட முப்படைகளுக்கு மட்டுமே உரித்தான ஒழுக்கக் கோவைகளை தமதாக்கி இராணுவத்தைப் பயன்படுத்தி, நீண்ட காலமாகத் தமிழ் மக்கள் மீது மேற்கொண்ட வன்முறைசார்ந்த செயற்பாடுகளையும் தற்காப்பு நிலையெடுத்த பொது மக்களையும் சமமாக்குவது இந்த நிலைபாடு ஏற்றுக்கொள்ளக் கூடியதல்ல.

முன்னாள், இன்னாள் தலைவர்கள் தம்முடைய இனவாத, கட்சிசார் நிலையிலிருந்து தமிழ் மக்களுக்கு எத்தகைய நீதியும் கிடைக்கக் கூடாது என்பதில் தெளிவாக உள்ளனர். தாம்சார் இனத்தினதும் மதத்தினதும் காவல்கள் என்ற நிலையில் இருந்து மனித நீதிக்கு அப்பாற்பட்டுச் செயற்பட்டனர் எனக் குற்றம்சாட்டப்படும் படையினரைப் பாதுகாக்கத் தயங்காது முன்னிற்கின்றனர்.

இனவாதமும், மதவாதமும் முதலாளித்துவத்தோடு இணைந்து ஆட்சி செலுத்துகின்ற நாட்டில், சமாளிக்கும் தன்மையிலான அரசியலைக் கூட்டமைப்பு செய்வது ஒன்றும் புதுமையல்ல; புதியதுமல்ல. ஆதலால் தான் தாம்சார் ஒடுக்கப்பட்ட மக்களுக்கு ஒரு முகமும், தெற்குக்கு இன்னொரு முகமும், சர்வதேசத்துக்கு ஆட்சியாளர்களோடு சேர்ந்து கூட்டு முகத்தையும் காட்டிக் கொண்டிருக்கின்றது.

கால அவகாசம் தொடர்பில் ஆட்சியாளர்களுக்கு தமிழ்த் தேசியக் கூட்டமைப்பு ஆதரவு வழங்கியதன் மூலம், தாம் எதிர்கட்சியல்ல; எதிர்கட்சி வரிசையில் அமர்ந்திருக்கும் அரசாங்கத்தின் தோழமைக் கட்சி என்பதையே சர்வதேசத்துக்கு வெளிப்படுத்தியுள்ளது. தற்போதைய அரசாங்கத்தைப் பாதுகாக்கக் கண்ணும் கருத்துமாக செயற்படும் நாடுகளுக்கு தமிழ்த் தேசிய கூட்டமைப்பின் முன்னுதாரண நிலைபாடே போதுமானதாகும்.

தற்போதைய அரசாங்கத்தைப் பாதுகாக்கும் காவலர்களாக உள்ள வெளியக சக்திகள் இரண்டு வருட கால அவகாசத்தைப் பெற்றுக் கொடுத்ததன் மூலம் ஒத்தி வைக்கப்பட்டிருக்கின்ற உள்ளூராட்சி தேர்தல்களையும் மாகாண சபைத் தேர்தல்களையும் சந்திப்பதற்கான தற்றுணிவை அரசாங்கத்துக்கு ஏற்படுத்திக் கொடுத்திருக்கின்றன.

அத்தோடு 2020 ஆம் ஆண்டு நடைபெற இருக்கும் பொதுத் தேர்தலின் போதும் தம்முடைய ஆறுதல் கிடைக்குமென அரசாங்கத்துக்கு சமிக்ஞை காட்டியிருக்கின்றன.

மஹிந்த ராஜபக்ஷ மீண்டும் வருவதை வெளிநாட்டு சக்திகள் விரும்பவில்லை. மஹிந்தவுக்கு கால அவகாசத்தின் இறுதி நிலை, சுருக்கு கயிராக அமையலாம். மைத்திரி அணியினருக்கு கரைசேரும் கயிராக அமையலாம்.

ஓடுக்கப்படும் தமிழ் மக்கள், முதலாளித்துவ பிரபுத்துவ கட்சி அரசியல்வாதிகளிடம் தமது அரசியல் பிரச்சினைகளுக்கான தீர்வை எதிர்பார்த்து பயணிப்பது என்பது இன்னுமொரு முள்ளிவாய்க்காலுக்கே இட்டுச் செல்வதாக அமையும்.

ஐ.நா மனித உரிமைகள் அமைப்பு அரசாங்கத்துக்கு கொடுத்திருக்கின்ற கால அவகாசத்தை, மக்கள் சக்தியின் மூலம் கட்டியெழுப்பப்படுகின்ற சிவில் சமூக அமைப்பு தமதாக்க வேண்டும்.

தமிழ் மக்களின் பல்வேறு பிரச்சினைகள் தொடர்பில் அரசாங்கத்தின் செயற்பாடுகளை அவதானிக்கும் கண்காணிப்பு குழுக்களை அமைத்து மூன்று அல்லது நான்கு மாதங்களுக்கு ஒரு தடவை அறிக்கைகள் பெற்றுக் கொள்வதோடு அதன் தொகுப்பறிக்கை ஊடகங்கள் மூலம் பொது மக்களுக்கும், உள்ளக வெளியக ஆதரவு சக்திகளுக்கும் ஐ. நா மனித உரிமை பேரவைக்கும் கிடைக்க வழி செய்தல் வேண்டும்.

அத்தோடு தொடர்ச்சியாக வரவிருக்கின்ற உள்ளூராட்சி மன்றம் மற்றும் மாகாண சபைத் தேர்தல்களை சிவில் அமைப்புகளாலான மக்கள் சக்தி உரிய முறையில் பயன்படுத்த வேண்டும்.

அரசியல் கட்சிகளின் மேடைகளுக்கு முன்னால் நின்று கரகோஷம் செய்வது என்பது, ‘யானை தன் தும்பிக்கையால் தன் தலையில் மண்ணை அள்ளிக் கொட்டிக் கொள்வதற்கு சமமாகும்’.

சிவில் அமைப்புகளாலான மக்கள் சக்திக்கு மணிக்கட்டுவது யார்? அல்லது தமிழ் மக்கள் பேரவை காத்திரமான பங்களிப்பைச் செய்வதற்கு தம்மை மறுசீரமைத்துக் கொள்ள சடுதியாக சுயபரிசோதனையில் ஈடுபடல் வேண்டும்.

– அருட்தந்தை மா. சத்திவேல்

சிங்கள மக்களுக்கு புத்தாண்டு- தமிழர்களுக்கு கரி நாள் !

இன்றை தினமான புதுவருடத்தை கறுப்பு கொடிகள் ஏற்றி துக்கதினமாக அனுஸ்டிக்கவுள்ளதாக வடக்கில் நிலவிடுவிப்பிற்காகவும் ,காணாமல் போனோருக்கு நீதி கோரியும் போராடிவரும் மக்கள் அறிவித்திருந்ததுடன் அதனை அமுல்படுத்தியுமுள்ளனர்.மக்களின் போராட்டங்கள் மாதக்கணக்கில் முன்னெடுக்கப்பட்டுவருகின்ற நிலையில் தெருவோரங்களில் அநாதைகளாக விடப்பட்டுள்ள தாம் சித்திரை வருடப்பிற ப்பை கறுப்பு தினமாக அனுஸ்டிக்கவுள்ளதாக அறிவித்திருந்தனர்.

அவ்வகையினில் தமது பூர்வீகக் காணிகளை விடுவிக்குமாறு வலியுறுத்தி கேப்பாபுலவில் அமைக்கப்பட்டுள்ள முல்லைத்தீவு இராணுவத் தலைமையகம் முன்பாக போராட்டத்தில் ஈடுபடும் மக்கள் இன்றைய தினம் கறுப்பு சித்திரைப் புத்தாண்டு தினமாக அனுஸ்டித்துள்ளனர்.

கறுப்பு உடைகள் அணிந்து, இராணுவ தலைமையகத்தை நோக்கி தமது காணிகளை விடுவிக்குமாறு வலியுறுத்தி கோசங்களை எழுப்பினர். சிறுவர்கள், குழந்தைகள், பெண்கள் எனப் பலதரப்பட்டவர்களும் கறுப்புடை அணிந்தும் கைகளினில் கறுப்பு கொடிகளை தாங்கியவாறும் கறுப்பு சித்திரைப் புத்தாண்டை அனுஸ்டித்துள்ளனர். அத்துடன் மரணகிரியைகளை நினைவுபடுத்தும் தோரணங்களும் தொங்கவிடப்பட்டிருந்தது.

இதனிடையே சிவில் உடையினில் போராட்டத்தில் ஈடுபட்டுள்ள மக்களை படையினர் வருகை தந்து சந்தித்து புத்தாண்டுவாழ்த்து தெரிவித்தனர்.அப்போதும் தமது காணிகளை விட்டு வெளியேறினால் மட்டுமே புத்தாண்டென அவர்கள் படையினரிடம் தெரிவித்தனர். இதனிடையே காணாமல் போன தமது உறவுகளை தேடிபோராட்டத்தினில் ஈடுபட்டுள்ளோரும் கறுப்பு ஆடைகளை அணிந்து புத்தாண்டை கரிநாளாக அனுஸ்டித்துக்கொண்டிருக்கின்றனர்.

தமிழ் புத்தாண்டை புறக்கணித்த தாயக மக்கள்! கிளியில் கருப்புக்கொடி போராட்டம்

கிளிநொச்சி கந்தசுவாமி ஆலய முன்றலில் ஆரம்பிக்கப்பட்டு இன்று வெள்ளிக்கிழமை 54 வது நாளாக கவனயீர்ப்பு போராட்டத்தில் ஈடுப்பட்டு வரும் காணாமல் ஆக்கப்பட்டவர்களின் உறவினர்கள் இன்று சித்திரை புதுவருடத்தில் கறுப்பு ஆடை அணிந்தும் கறுப்பு கொடிகளை ஏந்தியவாறு தங்களது கவனயீர்ப்பு போராட்டத்தை மேற்கொண்டு வருகின்றனர்.

சித்திரை புதுவருட பிறப்போடு தங்களுக்கு நல்தொரு செய்தி கிடைக்க வேண்டும் என்றும். அடுத்த வருடத்திலாவது தங்களின் உறவுகளோடு புதுவருட நிகழ்வை கொண்டாடுவதற்கு வழிசமைக்க வேண்டும் என்றும் தெரிவிக்கும் காணாமல் ஆக்கப்பட்டவர்களின் உறவினர்கள் ஜனாதிபதி மற்றும் பிரதமர் உள்ளிட்ட எங்களுடை அரசியல்வாதிகள் அனைவரும் ஒன்றிணைந்து எங்களுக்கு நல்லதொரு தீர்வை வழங்கவேண்டும்.

எங்களுடைய தமிழ் பாராளுமன்ற உறுப்பினர்கள் மற்றும் மாகாண சபையினர் எங்களோடு வந்து இணைந்து போராட்டத்தில் கலந்துகொள்ள வேண்டும் என்றும் தெரிவிக்கும் காணாமல் ஆக்கப்பட்டவர்களின் உறவினர்கள்.

இன்று சித்திரைபுதுவருட பிறப்பில் அனைவரும் தங்கள் தங்கள் குடும்பங்களோடு வருடப் பிறப்பு நிகழ்வை கொண்டாடிக்கொண்டிருக்க நாங்கள் எங்களின் உறவினர்களுக்காக வீதியில் போராடிக்கொண்டிருகின்றோம் இந்த நிலைமை மாறவேண்டும் எனவும் அவர்கள் தெரிவித்துள்ளனர்.

‘லைக்கா-ரஜினி’ என்கிற நச்சு வட்டத்தின் சுழலில் சிக்கிய ஈழத்தமிழர் வாழ்வு!

சொந்த இனத்தவரின் இரண்டகத்தினால் தொடர்ந்தும் வீழ்த்தப்பட்டுக் கொண்டிருக்கும் பரிதாபத்திற்குரியதாக ஈழத் தமிழ் மக்களின் வாழ்வு துரோகத்தின் நிழலில் ஊசலாடிக்கொண்டிருக்கிறது. அதன் அண்மித்த சாட்சியாகவே, திரைப்பட நடிகர் ரஜினியை வைத்து நடத்தப்பட்டுக்கொண்டிருக்கும் திருவிளையாடல் அமைந்துள்ளது.

ஆட்சி மாறினாலும் காட்சி மாறுதலின்றித் தொடரும் மோசடி!

முள்ளிவாய்க்கால் பேரவலத்தின் பின்னணியில் நிகழ்த்தப்பட்ட இனப்படுகொலை குற்றங்களை மூடி மறைப்பதுடன், அது குறித்தான கேள்விகள் கேட்கப்படும் சூழலை இல்லது செய்வதுமே சிங்கள ஆட்சியாளர்களின் தலையாய கடமையாக இருந்துவருகிறது.

இலங்கைத் தீவின் கேந்திர முக்கியத்துவத்தை தனக்கு சாதகமாக்கி இனப்படுகொலை குற்றங்கள் குறித்த சகல முன்னெடுப்புகளையும் வெற்றிகரமாக தடுத்தாண்டுவரும் சிங்களம் தமிழர்கள் மகிழ்ச்சியாகவே இருக்கிறார்கள் என்பதை உலகிற்கு காட்டுவதற்காக கேளிக்கை, கொண்டாட்ட நிகழ்வுகளை தமிழர் தாயகத்தில் குறிப்பாக யாழ்ப்பாணத்தில் திட்டமிட்டு ஊக்குவித்து வருகிறது.

ஆட்சி மாறினாலும் காட்சி மாறுதலின்றி இச்செயற்பாடு இந்திய அரசின் பரிபூரண ஒத்துழைப்புடன் முன்னெடுக்கப்பட்டு வருகிறது. யாழ்ப்பாணத்தில் உள்ள இந்தியத் துணைத்தூதரகம் இந்த வேலையை செவ்வனே செய்து வருகிறது. கொழும்பு விமான நிலையத்திற்கு நேரில் சென்று ரஜினியை வரவேற்க இந்தியத் துணைத் தூதர் தயாராக இருந்தமை அதன் சாட்சியாகும். இந்தியாவில் இருந்து எத்தனையோ பிரதிநிதிகள் வந்து செல்கிறார்கள் அவர்களை நேரில் சென்று அழைக்காத துணைத்தூதர் ரஜினியை அழைக்கச் செல்ல இருந்தமை எதனால்…?

ரஜினியின் வருகை மூலம் உடனடியாக அவர்கள் அடைய நினைத்த விடயமாக ஜெனீவாவில் நடந்தேறிய அநீதி குறித்து உலகத் தமிழர் பெருவெளியில் வாதப்பிரதி வாதங்கள் இடம்பெறாது தடுப்பதுடன் தாயகத்தில் தன்னெழுச்சியாக மேற்கொள்ளப்பட்டுவரும் மக்கள் போராட்டங்களை வலுவிழக்கச் செய்தல் அல்லது இருட்டடிப்புச் செய்வதற்கே ஆகும்.

முடிவின்றித் தொடரும் பிரச்சினைகளும், தமிழ் அரசியல் தலைமையின் பாராமுகமும் மக்களை போராட்டக் களத்தில் நிறுத்தியுள்ளது!

அறுபத்தைந்தாயிரம் ஏக்கருக்கு மேற்பட்ட தமிழர்களின் காணிகள் சிங்கள பௌத்த பேரினவாத இனப்படுகொலை இராணுவத்தால் வல்வளைபு செய்யப்பட்டுள்ளது. மேலும் மேலும் தமிழர்களின் நிலங்கள் இராணுவ முகாம் விரிவாக்கம், சிங்களக் குடியேற்றம் என்ற பெயரில் தொடர்ந்தும் அபகரிக்கப்பட்டு வருகிறது.

சிங்கள இராணுவம் மற்றும் காவல்துறையினரால் கைது செய்யப்பட்டு காணாமல் ஆக்கப்பட்டவர்கள், கடத்தப்பட்டு காணாமல் ஆக்கப்பட்டவர்கள், நேரடியாக சிங்கள இராணுவத்திடம் உறவினர்களால் கையளிக்கப்பட்டு காணாமல் ஆக்கப்பட்டவர்கள் என பல்லாயிரம் தமிழ் இளைஞர், யுவதிகள் நிலை குறித்து எந்த உறுதியான தகவல்களும் இதுவரை இல்லை.

வழக்கு விசாரணைகள் ஏதுமற்ற நிலையில் சிறைக்கூடங்களில் பலியாடுகளாய் மரணத்தின் நிழலில் வாழும் அரசியல் கைதிகளின் எதிர்காலம் தொடர்ந்தும் கேள்விக்குறியாகவே இருந்து வருகிறது.

மீள்குடியேற அனுமதிக்கப்பட்ட மக்களுக்கு எதுவித அடிப்படை கட்டுமான உதவிகளோ வாழ்வாதார உதவிகளோ அரசு சார்பில் செய்யப்படவில்லை. தன்னார்வ தொண்டு நிறுவனங்கள், தன்னார்வலர்கள் மூலம் இவ்வாறான உதவிகளைப் பெற்றுக்கொள்ளும் கையறு நிலையே இதற்கு சாட்சி.

ஐந்து பேருக்கு ஒரு இராணுவம் என்ற விகிதத்தில் தமிழர் தாயகத்தை இனவழிப்பு இராணுவம் ஆக்கிரமித்து நிற்கும் சூழலில் தங்குதடையின்றி கேரளாவில் இருந்து கொண்டுவரப்படும் கஞ்சா மூலம் வட மாகாணப்பரப்பெங்கும் போதை சாம்ராச்சியம் கொடிகட்டிப் பறக்கிறது. இது மட்டுமன்றி மதுப் பயன்பாடும் தாராளமயப்படுத்தப்பட்டு இளைய தலைமுறையை சமூகவிரோதிகளாக்கிக் கொண்டிருக்கிறது.

இதுப்போன்ற எண்ணற்ற பிரச்சினைகள் தமிழர்களின் தலைமீது சுமத்தப்பட்டுள்ள நிலையில் நம்பி நின்ற அரசியல் தலைமைகளின் பாராமுகத்தினால் தொடர்ந்தும் தாம் ஏமாற்றப்பட்டு வருவதை உணர்ந்து தாமே போராட முன்வந்துள்ளார்கள். இதனை பிழைப்புவாத தமிழ் அரசியல் தலைவர்களும் பேரினவாத சிங்கள அரசும் கொஞ்சம் கூட எதிர்பார்த்திருக்கவில்லை.

ஒருபக்கம் அடிப்படை உரிமைகளுக்கான போராட்டங்களை தொடர்ந்து வரும் மக்கள் மறுபுறம் அரசியல் அபிலாசைகளை முன்னிறுத்தியதான ‘எழுக தமிழ்’ எழுச்சிப் பேரணிகளிலும் அணியமாகி தமிழர் தாயகத்தின் உண்மை நிலையை வெளிச்சம்போட்டு காட்டிநிற்கின்றனர்.

நல்லாட்சி அரசை காப்பாற்றவே வீடு வழங்கும் விழா திட்டமிடப்பட்டது!

சம்பந்தன், சுமந்திரன் மற்றும் புலம்பெயர் புல்லுருவிகள் சிலரின் ஒத்துழைப்புடன் ஏற்படுத்தபட்டிருக்கும் நல்லாட்சி முகத்திரையை கிழித்துத் தொங்கவிட்டுக் கொண்டிருக்கும் மக்கள் போராட்டங்களை வலுவிழக்கச்செய்து தாயக மக்களை திசைதிருப்பும் சதித்திட்டத்தின் அடிப்படையிலேயே ஞானம் அறக்கட்டளை சார்பில் வீடுகள் வழங்கும் நிகழ்வு திட்டமிடப்பட்டது.

ஞானம் அறக்கட்டளை சார்பில் ஏற்கனவே நலத்திட்ட உதவிகள் வழங்கப்பட்டு வரும் நிலையில் 150 வீடுகள் கட்டி அதை பயனாளிகள் கையில் ஒப்படைக்கும் நிகழ்வு வரும் 09, 10 ஆம் திகதிகளில் நடத்த திட்டமிடப்பட்டது. வழக்கம் போன்று ஞானம் அறக்கட்டளை நிர்வாகிகள், அரசதரப்பு பிரதிநிதிகள் மற்றும் வால்பிடிக்கும் தமிழ் அரசியல் தலைவர்கள் ஆகியோரை வைத்து இந்த நிகழ்வை நடத்தியிருந்தால் இவ்வளவு பிரச்சினைகள் வந்திருக்காதே!

ஞானம் அறக்கட்டளை மற்றும் லைக்கா நிறுவனத்தின் மூலவரான சுபாசுகரன் தயாரிப்பில் உருவாக்கப்பட்டிருக்கும் 2.0 திரைப்படத்தில் நடிக்கும் ரஜினியை முன்னிறுத்தி இந்த நிகழ்வை நடத்த முற்பட்டமையானது, தமிழர் தாயகத்தின் எழுச்சியை மடைமாற்றுவதற்கே. இந்த சதித்திட்டத்தின் பின்னணியில் இயங்கியவர்கள் ரஜினி தனது ஈழப்பயணத்தை கைவிடுவதாக விடுத்த அறிவிப்பின் மூலம் அம்பலப்பட்டார்கள்.

சிங்கள பௌத்த பேரினவாத அரசின் அடக்குமுறைக்குள் வதைபட்டுவரும் தமிழர்களுக்காக குரல்கொடுக்காதவர்கள், ஐ.நா மனித உரிமைகள் பேரவையில் கால நீடிப்பின் பெயரால் தமிழர்களுக்கு அநீதி இழைக்கப்பட்டதை எதிர்த்து கேள்வி எழுப்பாதவர்கள் நடிகரின் பயணத்தை தடுத்துவிட்டார்கள் என்பதற்காக பொங்கியெழுந்ததை வேறு எப்படி செல்வது…?

நாம் போராடுவது உரிமைக்காகவே தவிர, சலுகைகளுக்காகவோ, அனுதாபத்திற்காகவோ, ஆறுதலுக்காவோ கிடையாது!

ரஜினியின் வருகை மூலம் எமது மக்களுக்கு ஆறுதல் கிடைத்திருக்கும் என்று ஆருடம் கூறுபவர்கள் முதலில் ஒன்றைத் தெரிந்து கொள்ளவேண்டும். சிங்களத்தின் கொலை நிழலில் நின்றுகொண்டே எமது உரிமைகளுக்காகவே நாம் போராடி வருகின்றோமே தவிர சலுகைகளுக்காகவும், ஆறுதலுக்காகவும், அனுதாபத்திற்காகவும் இல்லை.

ரஜினி வந்து எம்மை பார்ப்பதால் எமது துன்பங்கள், துயரங்கள் நீங்குமென்றால், அப்பேற்பட்ட அற்புத ஆற்றல் பெற்ற இறைதூதரை தமிழ்நாட்டில் வைத்தே ஜெபக்கூட்டங்களை நடத்தி தமிழக மக்களுக்கு ஆறுதலைக் கொடுக்கலாமே! இல்லையென்றால் கமலாலயத்தின் பிரதான சுவாமியாக்கி அருள்பாலிக்க வேண்டியதுதானே!

ஈழப்பயணத்தை கைவிடுவதாக அறிவித்து ரஜினி விடுத்த அறிக்கையானது அவரை பின்னிருந்து இயக்கும் சக்திகளால் தயாரிக்கப்பட்டது என்பதற்கு அவரின் செயல்பாடுகளே சாட்சி. அவருக்கு பெயர், புகழ், கௌரவம், பணம், பொருள், சொத்து ஆகியவற்றை அள்ளிவழங்கிய தமிழ்மக்களுக்கு இதுவரை என்ன செய்துள்ளார்…? யாரோ கட்டிக்கொடுத்த வீட்டை ஒப்படைக்கும் நிகழ்வில் பங்கேற்பதுதான் தமிழர்களுக்கு நீங்கள் செய்யும் கைமாறா…?

பொய்… பொய்… அத்தனையும் பொய்!

லைக்கா நிறுவனத்தின் சார்பில் 150 வீடுகள் கட்டப்பட்டதாக சொல்லப்பட்டதே பொய்யெனும் செய்திகள் வந்துள்ளது. வெறும் 50 வீடுகள்தான் லைக்கா நிறுவனத்தின் சார்பில் கட்டப்பட்டதாகவும் மீதி 100 வீடுகள் இந்திய அரசின் நிதி உதவியில் கட்டப்பட்ட வீடுகள் என்பதாகவும் செய்திகள் வெளிவந்துள்ளமை குறிப்பிடத்தக்கது.

நிகழ்வில் வட மாகாண முதல்வர் மதிப்பிற்குரிய விக்னேசுவரன் ஐய்யாவும் பங்கேற்பதாக செய்திகள் வெளியிடப்பட்டதையடுத்து முதல்வரது வட்டாரத்தில் அது குறித்த விசாரித்த போது குறித்த நிகழ்வில் முதல்வர் கலந்துகொள்ளமாட்டார் என்ற தகவல் கிடைத்தது. 150 வீடுகள் கட்டியதாக சொன்னதும், முதல்வர் பங்கேற்பு குறித்த செய்தியும் பொய்யென்றானது.

21 நாடுகளில் தனது தொழில் சாம்ராச்சியத்தை நடத்திக் கொண்டிருக்கும் அல்லிராசா-சுபாசுகரன் ஒருவரே போதும் முழு ஈழத்தையும் புனருத்தானம் செய்வதற்கு. அப்படி இருக்கையில் இந்த ஏமாற்று நாடகத்தின் பின்னணியில் ஒழிந்துகொண்டு ஒரு நிகழ்வை நடத்தும் அவசரம் என்னவோ…?

ரெக்கை கட்டிப் பறக்கும் ரஜினியின் அறிக்கை!

இது ஒருபக்கமிருக்க, புனிதப்போர்.. மாவீரர்கள்.. என்றெல்லாம் அறிக்கை சும்மா ரெக்கை கட்டிப்பறக்குது. யாரோ எழுதிக்கொடுத்த வசனங்களைத் தான் நான் திரையில் பேசுகிறேன் என்ற உண்மையை உங்கள் வாயலேயே சொன்னதை இந்த அறிக்கை விடயத்திலும் நாம் பொருத்திப்பார்கிறோம்.

அதைவிட, மீனவர் பிரச்சினை குறித்து மைத்திரியுடன் பேசுவதாகத் திட்டமிட்டிருந்தேன் என்று கிச்சுக்கிச்சு மூட்டப்பட்டிருந்தது. ரஜினிக்காக வக்காளத்து வாங்கும் தமிழக பாரதிய சனதா கட்சி தலைவர்கள் தம்மையறியாமலே ஒன்றை ஒப்புக்கொண்டவர்கள் ஆகிவிட்டார்கள். இதுவரை தமது தலைவர் மோடி அவர்கள் எப்பாடுபட்டேனும் மீனவர் பிரச்சினைக்கு தீர்வு காண்பார் என்று கூறிவந்தவர்கள் இப்போது ரஜினியின் அறிக்கையை தூக்கிப்பிடிப்பதன் மூலம் மோடி கையாலாகாதவர் என்று ஒத்துக்கொள்கிறார்களா…?

ரஜினி எதிர்ப்பில் காட்டிய வேகத்தை இந்தியாவின் துரோக விடயத்தில் காட்டாத தமிழக உணர்வாளர்கள்!

ரஜினி ஈழத்திற்கு வரப்போகின்றார் என்றதும் நேரெதிர் திசையிலான இரண்டுவிதமான எதிர்வினைகள் கருக்கொண்டது. சினிமா மோகத்தில் ஆட்கொள்ளப்பட்டவர்கள் மனதில் தமிழ் திரையுலகின் உச்ச நட்சத்திரத்தை சந்திப்பதென்ற புள்ளியில் முன்னெடுப்புகள் முளைவிட்டது. அதை முற்றிலும் தவறென்று கூறிவிட முடியாதென்ற போதிலும் உரிமைக்கான போராட்டத்தில் ஈடுபட்டிருக்கும் தருணத்தில் கண்டிப்பாக தவிர்க்கப்பட வேண்டிய ஒன்றே.

ரஜினி ரசிகர்களின் எதிர்பார்பாக இவை ஒருபக்கம் இருந்தாலும் இந்த நிகழ்வில் ரஜினி பங்கேற்பதனை எதிர்க்கும் போராட்டங்கள் இன்னொரு பக்கம் திட்டமிடப்பட்டது. இந்த வேளையில்தான் தமிழீழ ஆதரவாளர்களான வைகோ, திருமாவளவன் மற்றும் வேல்முருகன் ஆகியோர் ஈழப்பயணத்தை கைவிடுமாறு ரஜினியை வலியுறுத்தியிருந்தார்கள். அவர்களின் வேண்டுகோளை முழுமையாக ஏற்காதுவிடினும் உணர்வுகளுக்கு மதிப்பளித்து பயணத்தை கைவிடுவதாக ரஜினியின் பெயரில் அறிக்கை விடுக்கப்பட்டிருந்தது.

இந்தப் பின்னணியில் ரஜினியின் பயணத்தை எதிர்த்தவர்கள் போட்டி போட்டு வரவேற்றும் நன்றி தெரிவித்தும் அடுத்துவரும் நாட்களை ரஜினியை மைய்யப்படுத்தியதாக ஆக்கியிருந்தார்கள். ரஜினியின் அறிக்கையில் குறிப்பிடப்பட்டதைப் போன்றே நாமும் இந்த விடயத்தை பார்க்க முடியும்.

செனீவா மனித உரிமைகள் பேரவையில் இனவழிப்பு அரசாகிய சிறிலங்காவிற்கு காலநீடிப்பு வழங்கும் தீர்மானம் கொண்டுவரப்பட்டு வாக்கெடுப்பின்றியே நிறைவேற்றப்பட்டமையானது தமிழர்களின் நீதிக்கான முன்னெடுப்புகளுக்கு பெரும் பின்னடைவாகும். இந்த அனைத்துலக அயோக்கியத் தனத்தின் பாத்திரவாளியாகத் திகழும் இந்திய அரசை சுதந்திரமாக செயற்பட அனுமதித்த கையாலாகத் தனத்தை மூடிமறைக்கும் முயற்சியாகவே இதை எம்மால் பார்க்க முடிகிறது.

புலம்பெயர்வாழ் ஈழத்தமிழர் செயற்பாட்டுத் தளத்தில் 33 ஆவது அமர்வு நிறைவுற்ற நாளில் இருந்தே 34 ஆவது அமர்வை நோக்கிய வேலைத்திட்டங்களை ஆரம்பிக்கப்படிருந்தது. இவ்வாறே புலம்பெயர்வாழ் ஈழத்தமிழர் செயற்பாட்டுத் தளம் தொடர்ச்சியாக இயங்கிவருகிறது. கால நீடிப்பை வழங்கும் தீர்மானம் கொண்டுவரப்படப் போகின்றது என்பது தெரிந்ததும் அனைத்துலக ரீதியில் அதை தடுப்பதற்கு ஈழத்தமிழர்கள் மேற்கொண்ட அத்தனை முன்னெடுப்புகளையும் விழலுக்கு இறைத்த நீராகியதற்கு இந்தியாவின் முண்டுகொடுப்புகளே காரணமாகும். அதற்கு வழியேற்படுத்தியது தமிழ்நாட்டில் உள்ள தமிழ்த்தேசியவாதிகளின் மௌனமே.

கால நீடிப்பினை வழங்கும் தீர்மானம் கொண்டுவரப்பட்டு நிறைவேற்றும் தறுவாயில்தான் தமிழ்நாட்டு தமிழ்த்தேசியத் தலைவர்கள் அறிதுயில் கலைத்தெழுந்தார்கள். தாம் வாழும் நிலப்பரப்பு வழியே தமக்கான அரசாகிய இந்திய அரசை தமிழர் விரோத செயல்பாட்டிற்கு அனுமதித்துவிட்டு தீர்மானத்தை எதிர்க்க வேண்டுமென கண்துடைப்பு போராட்டங்களை மேற்கொண்டிருந்தமையானது இந்தியாவின் தமிழினத் துரோகத்திற்கு பட்டுக்குஞ்சமாகவே அமைந்திருந்தது. இவ்வாறான பின்னணியில் தான் ரஜினியை தடுத்து நிறுத்தி தமக்குத் தாமே ஆறுதல் தேடிக்கொண்டார்கள் இவர்கள்.

நல்லூர் வீதியில் நடந்தேறிய கோமாளித்தனம்!

தமிழக காட்சிகள் இப்படியென்றால், உதவித்திட்டத்தை பணயமாக வைத்து மக்களை நிர்பந்தத்தின் பேரில் திரட்டி நல்லூர் வீதியில் நடத்திய கோமாளித்தனம் இந்த நாடகத்தின் உச்சமாகும். ரஜினியின் அறிக்கையில் இடம்பெற்றிருந்த வாக்கியங்களைப் போன்றே நல்லூர் வீதியில் நிறுத்தப்பட்டவர்களின் கைகளில் தினிக்கப்பட்ட பதாகைகள் தாங்கிய வசனங்களும் சம்பந்தமே இன்றி பல்லிளித்துக் கொண்டிருந்தது.

ஈழ மண்ணுக்கு இப்படியான மக்கள் போராட்டங்கள்(?) ஒன்றும் புதிதில்லை. மகிந்த ராசபக்சேவின் ஆட்சிக்காலத்தில் அவர் தூக்கிப்போடும் எலும்புத்துண்டிற்கு வாலாட்டித்திரிந்த டக்ளசு தேவானந்தா கூட்டத்தினரால் உதவித் திட்டங்கள் வழங்கப்பட இருப்பதாக ஏமாற்றி அழைத்துவரப்பட்டவர்களை மகிந்த ஆட்சியை ஏற்று கூடிய கூட்டமாக காட்டிய கோமாளித்தனங்கள் ஏற்கனவே அரங்கேற்றப்பட்ட நிலையில் ரஜினிக்காக லைக்காவினால் ஏற்பாடு செய்யப்பட்ட மக்கள் ஒன்று கூ(ட்)டல் ஆச்சிரியமான ஒன்றல்லவே.

ரஜினி வருகைப் படலத்தின் இரண்டாம் பாகம் நிச்சயம்!

ஒரு திரைப்படத்தின் இரண்டாம் பாகம் வெளிவருவதற்கான முன்னறிவிப்பாக முதல் படத்தின் இறுதிக்காட்சி அமைக்கப்படுவதைப் போன்று ரஜினிக்காக எழுதப்பட்ட அறிக்கையும் அதன் இரண்டாம் பாகத்திற்கு கட்டியம் கூறியுள்ளது. மீண்டும் ஒருதடவை ஈழத் தமிழர்களை நேரில் சந்திக்கும் வாய்ப்புக் கிடைத்தால் அதையும் அரசியலாக்கி தடுத்துவிடாதீர்கள் என்ற வேண்டுகோளுடன் முடிவடைகிறது அந்த அறிக்கை.

அத்துடன் நிறுத்தாது நல்லூர் போராட்டத்தை(?) அங்கீகரிப்பதாக அதற்கொரு பதில் கடிதம் எழுதப்பட்டது. காலமும் நேரமும் கைகூடி வரும் போது நிச்சயம் சந்திப்போம் என்ற பதில் கடிதத்தின் மூலம் ரஜினி வருகையின் 2 ஆம் பாகம் மீண்டும் உறுதிப்படுத்தப்பட்டுள்ளது.

தமிழீழ மண்ணையும், ஈழத் தமிழ் மக்களையும் பார்த்துவிடத் துடிப்பது உண்மையானால் ரஜினி செய்யவேண்டியது என்ன…?

வட மாகாண முதல்வர் மதிப்பிற்குரிய விக்னேசுவரன் ஐய்யா அவர்களைத் தொடர்பு கொண்டு அவரது வழிகாட்டுதலில் உங்கள் பயணத்தை திட்டமிடுங்கள். வட மாகாணத்திற்கு வருகைதரும் வெளிநாட்டுப் பிரதிநிதிகள் கடைப்பிடிக்கும் வழக்கம் இதுவே.

அண்மையில் ஈழப்பகுதிக்கு வந்திருந்த கனடா ரொரன்ரோ மேயர் கூட முதல்வரின் வழிகாட்டுதலில்தான் முள்ளிவாய்க்கால் பகுதிக்குச் சென்று இனவழிப்பு செய்யப்பட்ட தமிழ் மக்களுக்கு வணக்கம் செலுத்தியதுடன் அறவழிப் போராட்டங்களில் ஈடுபட்டுவரும் மக்களையும் சந்தித்திருந்தமை குறிப்பிடத்தக்கது.

மாவீரர்கள் உலவிய இட்டத்தை பார்க்கவும் அவர்களது மூச்சுக் காற்று கலந்திருக்கும் மண்ணை தரிசிக்கவும் விரும்பியது உண்மையாக இருந்தால் செய்ய வேண்டியது என்ன…?

உலகில் எந்த விடுதலைப் போராட்ட இயக்கங்கள் செய்யாத, ஏன் எந்தவொரு உலக நாடும் செய்யாத அருஞ்செயலை எங்கள் தேசியத் தலைவர் மேதகு வே.பிரபாகரன் அவர்களின் வழிகாட்டுதலில் தமிழீழ விடுதலைப் புலிகள் செய்து காட்டினார்கள். ஆம், தேச விடுதலைக்காக தமது உடல், பொருள், ஆவியை உவந்தளித்த மாவீரர்களின் தியாகத்தை போற்றும் வகையில் மாவீரர் துயிலும் இல்லங்களை அமைத்திருந்தார்கள். பழந்தமிழர் நாகரிகத்தின் தொடர்ச்சியாக தமிழீழத்தில் 27 மாவீரர் துயிலும் இல்லங்கள் அமைக்கப்பட்டிருந்தது.

சிங்கள கொலைவெறிப்படைகள் மண்ணுறங்கும் மாவீரர்களைக் கூட நிம்மதியாக தூங்கவிடாது கிண்டிக் கிழறி எறிந்தார்கள். இவ்வாறு பல துயிலுமில்லங்கள் அழிக்கப்பட்டு இராணுவ முகாம்கள் அமைக்கப்பட்டுள்ளது. எஞ்சியவை புதர்மண்டிப்போயுள்ளது. கிளிநொச்சி கனகபுரத்தில் அமைக்கப்பட்டிருந்த மாவீரர் துயிலும் இல்லம் உள்ளிட்ட சில மாவீரர் துயிலும் இல்லங்கள் கடந்த மாவீரர் நாளை முன்னிட்டு சீரமைக்கப்பட்டுள்ளது. பல்லாயிரம் மக்கள் ஒன்றுகூடி சுடரேற்றி, மாலையணிவித்ததுடன் தமது கண்ணீரால் ஆராதனை செய்து அங்கு மண்ணுறங்கும் மாவீரர்களின் ஆன்மாக்களை குளிர்வித்துள்ளார்கள்.

உங்கள் தமிழீழத்திற்கான பயணத்தின் நிகழ்ச்சி நிரலில் முதலாவது நிகழ்வாக கனகபுரம் மாவீரர் துயிலும் இல்லத்திற்குச் சென்று தமது தாய் மண் விடுதலைக்காக போராடி மடிந்த மாவீரர்களுக்கு மலர்தூவி மரியாதை செய்வதாக அறிவியுங்கள்.

அடுத்து, இந்த நூற்றாண்டின் மாபெரும் இன அழிப்பு நடந்தேறிய மண்ணான முள்ளிவாய்க்காலுக்கு செல்லவேண்டும்.

உலகம் கண்டிராத விடுதலைப் போராளியாகவும் உலகத் தமிழர்களுக்கு தலைநிமிர்வைக் கொடுத்தவராகவும் திகழும் தமிழீழத் தேசியத் தலைவர் மேதகு வே.பிரபாகரன் அவர்கள் சிறுவயதில் வாழ்ந்த வீட்டைப் பார்க்க வேண்டும்.

பரம்பரை பரம்பரையாக வாழ்ந்து வந்த மண்ணை மீட்கப் போராடிக் கொண்டிருக்கும் மக்களை நேரில் சென்று பார்க்க வேண்டும்.

காணாமல் ஆக்கப்பட்ட ஈழத் தமிழ் இளைஞர், யுவதிகளின் உறவுகள் மேற்கொண்டுவரும் போராட்டத்தில் பங்கேற்க வேண்டும்.

மக்களை ஓரிடத்தில் கூட்டும் நிகழ்வைத் தவிர்த்து எமது மக்களை நேரடியாக சந்தியுங்கள். அவர்களின் உள்ளக்கிடக்கையை நேரடியாக உங்கள் செவிவழிகாகவே கேளுங்கள். அவர்களின் கந்தலான வாழ்வை நேரிடையாகவே உங்கள் கண்களால் பாருங்கள். உள்ளதை உள்ளபடி உலகுக்கு உரையுங்கள். முதலில் உங்கள் பாரத தேசத்து மக்களிடம் நீங்கள் நேரடியாகவே அவற்றைத் தெரிவிக்க வேண்டும்.

மூடி மறைத்து சாகசப்பயணம் வந்து உலோக வல்லூறுகளில் பறந்து பறந்து திரியாது, இந்த நிகழ்ச்சித் திட்டத்தை வெளிப்படையாக அறிவித்தே நீங்கள் ஈழத்திற்கு வரவேண்டும். சிங்கள, இந்திய அரசுகள் தடுக்குமாயின் அதையும் துணிவோடு அம்பலப்படுத்த வேண்டும். உண்மையில் ஈழத் தமிழ் மக்களாகிய எங்களுக்கு நீங்கள் ஏதாவது நல்லது செய்ய நினைத்தால் இதையே செய்யுங்கள். இதை மட்டுமே செய்யுங்கள். அதுவே போதும்.

உங்கள் அறிக்கையில் இடம்பெற்ற வார்த்தைகள் உங்களுடையதாகவே இருந்தால் மேற்கூறிய நிகழ்ச்சி நிரலின் அடிபடையில் ஈழம் நோக்கிய உங்கள் பயணத்தை தாராளமாக இன்றே அறிவியுங்கள். எவரொருவரும் உங்கள் பயணத்திற்கு குறுக்கே வரப்போவதில்லை. அதை விடுத்து லைக்கா நிறுவனத்தின் முதுகில் சவாரி செய்ய நினைத்தால் இப்படித்தான் ஆகும்.

இரா.மயூதரன். (05/04/2017)
mythrn@yahoo.com

இந்தி அரசின் சதி :தமிழர்களின் தொன்மையை மறைக்க முயற்சி! மாபெரும் கண்டன ஆர்ப்பாட்டம்

பா.ச.க. அரசின் சதி : தமிழர்களின் தொன்மையை மறைக்க முயற்சி! கீழடி ஆய்வு அதிகாரிகள் அடியோடு மாற்றம்! மாபெரும் கண்டன ஆர்ப்பாட்டம் 10-4-2017 மதுரையில் தமிழர்களே திரளுக! – பழ. நெடுமாறன்

தமிழகத்தில் அண்மைக் காலமாக இலக்கியம், கல்வெட்டு, நாணயம், தொல்லியல், வெளிநாட்டார் குறிப்புகள் போன்ற சான்றுகளை முன்னிறுத்தி புதிய ஆய்வுகள் வெளிவந்துகொண்டிருக்கின்றன.

கொற்கை, முசிறி, அழகன்குளம், கொடுமணம், ஆதிச்சநல்லூர், பொருந்தல் மற்றும் பல ஊர்களில் அகழ்வாய்வுகள் நடத்தப்பட்டு பல வரலாற்று உண்மைகள்
கண்டுபிடிக்கப்பட்டுள்ளன.

கொற்கை, அழகன்குளம், முசிறி, கொடுமணம் ஆகிய நகரங்கள் கி.மு. 4ஆம் நூற்றாண்டிற்கு முன்பிருந்தே உலக நாடுகளுடன் வணிகத் தொடர்பு கொண்டிருந்தன என்பது அகழ்வாய்வுகள் மூலம் மெய்ப்பிக்கப்பட்டுள்ளது. கி.பி. முதல் நூற்றாண்டைச் சேர்ந்த ரோம் நாணயங்கள் இவ்வூர்களில் கிடைத்துள்ளன. எனவே, இந்நகரங்கள் வெளிநாடுகளுடன் வணிகத் தொடர்பு கொண்டவையாக திகழ்ந்திருக்கின்றன. ஆனால் இந்த நகரங்கள் இன்று குக்கிராமங்களாகக் காட்சி தருகின்றன. நகர்ப்புற நாகரிகத்திற்கான தடயங்கள் இவ்வூர்களில் இன்னமும் கண்டுபிடிக்கப்படவில்லை. அதற்கான முயற்சிகளும் மேற்கொள்ளப்படவில்லை.

பூம்புகார்

சங்க இலக்கியங்களிலும், சிலம்பு, மேகலை போன்ற காப்பியங் களிலும் சிறப்பாகக் குறிப்பிடப் படும் சோழர் தலைநகரமான பூம்புகார் கடல் கோளில் அழிந்துபோனது.

1991ஆம் ஆண்டில் இந்திய அரசின் கட்டுப்பாட்டில் உள்ள தேசிய ஆழ்கடல் ஆராய்ச்சிக் கழகம் புகழ்பெற்ற பூம்புகார் நகர கடல் பகுதியில் மேற்கொண்ட ஆய்வின் மூலம் ஒரு பெரிய நகரம் மூழ்கிக் கிடக்கக்கூடும் என்பதை உறுதிப்படுத்தின. ஆனால், தேசிய ஆழ்கடல் ஆராய்ச்சிக் கழகம் தனது ஆய்வினை பாதியில் நிறுத்திவிட்டது.

2001ஆம் ஆண்டில் பூம்புகார் கடல் பகுதியில் இங்கிலாந்தைச் சேர்ந்த ஆழ்கடல் ஆராய்ச்சியாளர் கிரகாம் ஹான்காக் என்பவர் தீவிரமாக ஆராய்ந்து கடலுக்கு அருகில் ஒரு பெரும் நகரம் மூழ்கிக் கிடப்பதை கண்டறிந்தார். இதனுடைய காலம் 11,500 ஆண்டுகளுக்கு முற்பட்டது என்று கூறினார். அந்நகரம் சுமார் 75 அடி ஆழத்தில் புதைந்து கிடப்பதை கண்டறிந்தார். பூம்புகார் நகர நாகரிகம், சிந்து சமவெளி நாகரிகத்தை விட மிகவும் மேம்பட்ட ஒன்று என்றும் அவர் கூறினார்.
இலக்கியச் சான்றுகளை உறுதிப்படுத்தும் தொல்லியல் ஆதாரங்களும் பூம்புகாரில் கிடைத்துள்ளன. சங்க காலப் படகுத்துறை, புத்தவிகாரை, உறைகிணறுகள், அரிய மணிகள், கட்டிடங்கள், பழங்காசுகள் ஆகியவையும் கிடைத்துள்ளன. முதுமக்கள் தாழி ஒன்றும் அதற்குள் 10க்கும் மேற்பட்ட சிறுசிறு கலயங்களும் கிடைத்துள்ளன. கருப்பு, சிவப்பு கலயத்தில் எழுத்துப்பொறிப்புடன் கிடைத்துள்ள முதல் கலயம் இதுதான். கருப்பு, சிவப்பு நிறம் என்பது கி.மு. 5ஆம் நூற்றாண்டிற்கு முற்பட்ட காலத்தைக் காட்டுகிறது.

ஆனாலும், கடலுக்குள் மூழ்கிக் கிடக்கும் பூம்புகாரைப் பற்றிய முழு மையான ஆராய்ச்சி இன்னமும் நடைபெறவில்லை. கிரகாம் ஹான்காக்கின் ஆய்விற்குப் பிறகு இந்த ஆழ்கடல் ஆய்வு தொடரப்படவில்லை.

வைகை நாகரிகம்

மதுரை நகரத்திற்குக்கருகே வைகைக் கரையில் உள்ள கீழடி என்னும் சிற்றூரில் நடைபெற்ற அகழ்வாராய்ச்சியில் 2300 ஆண்டுகளுக்கு முந்தைய தமிழ்பிராமி எழுத்துக்கள் பொறிக்கப்பட்ட மண்பாண்ட ஓடுகள், தந்தம், சுடுமண் ஆகியவற்றால் செய்யப்பட்ட காதணிகளும் வேறு அரிய வகை மணிகளும், அணிகலன்களும் கிடைத்துள்ளன.

மேலும் கட்டிடங்களின் தரைத்தளங்கள் மதில்சுவர்கள், கால்வாய்கள், பெரும் தொட்டிகளும் அவற்றின் உள்ளே தண்ணீர் செல்வதற்கும், வெளியேறுவதற்குமான அமைப்புகள், வட்டக் கிணறுகள், மூடிய மற்றும் திறந்த வடிகால்கள், சுடுமண் குழாய்கள் போன்றவை முதன்முறையாகக் கிடைத்துள்ளன. ஒரு பெரும் நகர நாகரிகம் இருந்ததற்கான அடையாளச் சின்னங்களே இவையாகும்.

கீழடியில் 110 ஏக்கர் பரப்பளவைக் கொண்டிருக்கும் தொல்லியல் மேட்டில் வெறும் 50 சென்ட் பரப்பளவிற்குத்தான் அகழ்வாய்வு நடத்தப்பட்டிருக்கிறது. இந்த ஆய்வினை மேற்கொண்டிருக்கும் இந்திய தொல்லியல் துறையின் கண்காணிப்பாளரான அமர்நாத் இராமகிருட்டிணா “கி.மு. 3ஆம் நூற்றாண்டை சேர்ந்த இடமாக இந்த இடம் அமைந்திருக்கிறது. 2013ஆம் ஆண்டில் நாங்கள் அகழ்வாய்வு பணியைத் தொடங்கியபோது, சங்கக் காலத்தைச் சேர்ந்த சுமார் 293 நகரங்கள் வைகை ஆற்றின் இருகரைகளிலும் அமைந்திருப்பதை கண்டறிந்தோம். தமிழ்நாட்டிலேயே 2000 ஆண்டுகளுக்கு முற்பட்ட நகர்ப்புற நாகரிகத்தின் முதல் தடயம் இதுவாகும்.

அரிக்கன்மேடு, காவிரிப்பூம்பட்டினம், உறையூர் போன்ற தொன்மையான நகரங்களில் செய்யப்பட்ட அகழ்வாய்வில் கிடைத்ததைவிட கீழடியில் அதிக எண்ணிக்கையில் தொடர்ச்சியாக பல கட்டிடங்கள் கண்டறியப்பட்டு வருகின்றன. சங்க காலத்தில் கட்டிடங்களே இல்லை என்ற கூற்றை இந்த அகழ்வாய்வு மாற்றியமைத்துள்ளது. இங்கு ஒரு நகர நாகரிகம் வாழ்ந்ததற்கான அடிப்படை ஆதாரங்கள் அத்தனையும் கிடைத்துள்ளன. அரப்பா நாகரிகம் போன்று சுடுமண், கழிவு நீர்க் கால்வாய், வசதியுடைய கட்டிட அமைப்புகளும் கண்டறியப்பட்டுள்ளன. மேலும் தமிழ்நாட்டில் இதுவரை நடைபெற்ற அகழ்வாராய்ச்சியில் இப்போதுதான் முதன்முறையாக சுடுமண் முத்திரை கிடைத்துள்ளது. அக்கால மக்கள் வாணிக நோக்கத்திற்காக இந்த முத்திரைக் குறியீட்டை பயன்படுத்தியிருக்க வேண்டும்” என்று கூறியுள்ளார்.

இந்தப் பகுதியில் பத்து முதல் 15 ஆண்டுகள் வரை அகழ்வாராய்ச்சி செய்ய வேண்டியுள்ளது.

அகழ்வாராய்ச்சியில் கிடைத்த பொருட்களை, இங்கு பத்திரப்படுத்தி வைக்க கட்டிடங்கள் இல்லை. கூடாரங்களில்தான் வைக்கப்பட்டுள்ளன. இங்கு எடுக்கப்பட்ட பொருள்களை, வேதியல் முறையில் சுத்தம் செய்வதற்குரிய சோதனைச் சாலை இங்கில்லை. மைசூரில்தான் உள்ளது. அங்கு கொண்டு சென்று அனைத்தையும் சுத்தம் செய்து திரும்பக் கொண்டுவந்து இங்கு வைப்பதற்கு அருங்காட்சியகம் அமைக்கப்பட வேண்டும்.

இந்தியா எங்கும் இவ்வாறு அகழ்வாராய்ச்சிகள் நடைபெற்ற இடங்களிலேயே 45 அருங்காட்சியகங்கள் அமைக்கப்பட்டுள்ளன. அதைப்போல் இங்கும் அமைப்பதற்கு தமிழக அரசு இரண்டு ஏக்கர் நிலம் கொடுக்க வேண்டும். அப்போதுதான் மத்திய அரசு அதற்கான கட்டிடத்தைக் கட்டித் தரும்.

கீழடியில் நடைபெறும் ஆய்வுகள் முழுமையாக நிறைவேறுமானால் இந்தியாவின் வரலாற்றையே திருத்தி எழுத வேண்டியிருக்கும்.

சங்க கால நகரங்களான மதுரை, உறையூர், கரூர், முசிறி போன்ற பழம்பெரும் நகரங்கள் அழிந்துவிட்டன. கொற்கை, பூம்புகார் ஆகியவை கடலுள் ஆழ்ந்துவிட்டன.

உறையூர், திருச்சி மாநகரத்தில் ஒரு பகுதியாக ஒடுங்கிவிட்டது. இப்போதுள்ள மதுரை நாயக்கர் கால மதுரையாகும். மேலே கண்ட நகரங்களில் மூதூர் மதுரை
அமைந்திருந்த பகுதி மட்டுமே கண்டறியப்பட்டுள்ளது. தமிழ்நாட்டில் நகர்ப்புற நாகரிகம் முதன்முதலாக கண்டுபிடிக்கப்பட்ட இடம் இதுமட்டுமே. எனவே, இந்த
அகழ்வாராய்ச்சியில் ஈடுபட்டு இதை கண்டறிந்த மத்திய தொல்லியல் ஆராய்ச்சித்துறை கண்காணிப்பாளர் அமர்நாத் இராமகிருட்டிணா மற்றும் அவரது துணை
ஆராய்ச்சியாளர்கள் அனைவரும் தமிழ் மக்களின் பாராட்டிற்கும் நன்றிக்கும் உரியவர்களாவார்கள். இவர்களின் ஆய்வுப் பணிகள் தொடர்வதற்கு மத்திய அரசும், தமிழக அரசும் ஊக்கமளிக்க வேண்டும்.

ஆனால், இந்த அகழ்வாய்வை வெற்றிகரமாக நடத்தியுள்ள அதிகாரிகளைப் பாராட்டிப் பதவி உயர்வு அளிப்பதற்குப் பதில் ஒட்டுமொத்தமாக அனைத்து அதிகாரிகளையும் வெவ்வேறு மாநிலங்களுக்கு மாறுதல் செய்து மத்திய அரசு ஆணையிட்டிருக்கிறது.

இந்தியாவிலேயே தமிழர் நாகரிகம்தான் மிகத்தொன்மை வாய்ந்தது என்பது நிலைநாட்டப்பட்டுவிடக்கூடாது, அதை எப்படியாவது தடுத்து நிறுத்த வேண்டும் என பா.ச.க. அரசு கருதுகிறது. எனவேதான் வைகை நாகரிக அகழ்வாய்வுப் பணிகளைச் சீர்குலைக்கும் வகையில் அதிகாரிகள் மாற்றம் நடத்தப்பட்டுள்ளது.

இந்திய அரசின் இந்த சதியை முறியடிக்கவும், மாற்றப்பட்ட அதிகாரிகளின் மாறுதல் ஆணைகளை இரத்து செய்து அவர்களை மீண்டும் கீழடியில் பணிகளை செய்ய அனுமதிக்க வேண்டும்.

தொன்மையான தமிழர் நாகரிகத்தை உலகறியச் செய்ய தமிழர்கள் ஒன்றுபட்டு குரல் கொடுக்க வேண்டும்.

மத்திய அரசு இவ்வாறு செய்ய மறுக்குமேயானால் தமிழக அரசின் தொல்லாய்வுத் துறையே இப்பணிகளை மேற்கொள்ள வேண்டும். இக்கோரிக்கைகளை வலியுறுத்தும் வகையில் வருகிற 10-4-17 திங்கட்கிழமையன்று மதுரையில் காலை 10 மணிக்கு தமிழர்களின் மாபெரும் கண்டன ஆர்ப்பாட்டம்
நடைபெறும்.

தமிழர் தேசிய முன்னணியின் தலைவர் பழ.நெடுமாறன் அவர்கள் தலைமையில் நடைபெறும் இக்கண்டன ஆர்ப்பாட்டத்தில் கட்சி வேறுபாடின்றி அனைத்துத் தமிழர்களும், அனைத்துத் தமிழ் அமைப்புகளும், அனைத்துக்கட்சிகளும் கலந்துகொள்ளுமாறு வேண்டிக்கொள்கிறோம்

சுய பரிசோதனைக்கு கூட்டமைப்பு தயாரா?

இலங்­கைக்கு பயணம் மேற்­கொண்­டி­ருந்த சர்­வ­தேச மன்­னிப்புச் சபையின் பொதுச்­செ­யலர் சலில் ஷெட்டி கடந்த புதன்­கி­ழமை கொழும்பில் நடத்­திய செய்­தி­யாளர் சந்­திப்பின் போது, இலங்கை அர­சாங்­கத்­துக்கு காலம் கடந்து கொண்­டி­ருக்­கி­றது என்று கூறி­யி­ருந்தார்.

போரின் இறு­திக்­கட்­டத்தில் இடம்­பெற்ற மனித உரிமை மீறல்கள் தொடர்­பாக விசா­ர­ணை­களை மேற்­கொள்­வ­தாக, சர்­வ­தேச சமூ­கத்­திடம் இலங்கை அர­சாங்கம் கொடுத்­தி­ருந்த வாக்­கு­று­தியை நிறை­வேற்­று­வ­தற்கே காலம் கடந்து கொண்­டி­ருக்­கி­றது என்று அவர் குறிப்­பிட்­டி­ருந்தார்.

காலம் கடந்து கொண்­டி­ருக்­கி­றது என்ற இந்தக் கூற்று, இலங்கை அர­சாங்­கத்­துக்கு மாத்­திரம் பொருத்­த­மா­ன­தல்ல. தமிழ்த் தேசியக் கூட்­ட­மைப்­புக்கும் கூட பொருத்­த­மா­னது தான்.

இலங்கை அர­சாங்கம் நாட்டு மக்­க­ளுக் கும் சர்­வ­தேச சமூ­கத்­துக்கும் வாக்­கு­று­தி­களை அளித்­துள்­ளது போலவே, தமிழ்த் தேசியக் கூட்­ட­மைப்பும், தமிழ் மக்­க­ளிடம் வாக்­கு­று­தி­களை அளித்­தி­ருக்­கி­றது.

தமிழ்­மக்­களின் பிரச்­சி­னை­க­ளுக்குத் தீர்வைப் பெற்றுத் தரு­வ­தாக – தமிழ்த் தேசியக் கூட்­ட­மைப்பு கொடுத்­தி­ருந்த வாக்­கு­று­திகள் இன்னும் நிறை­வேற்­றப்­ப­ட­வில்லை. அதற்­குள்­ளா­கவே பாரா­ளு­மன்றத் தேர்தல் முடிந்து இரண்டு ஆண்­டுகள் ஆகிக் கொண்­டி­ருக்­கின்­றன.

அடுத்த பாரா­ளு­மன்றத் தேர்தல் இன் னும் நான்கு ஆண்­டு­களில் வரப் போகி­றது. அதற்கு முன்­ன­தாக, உள்­ளூ­ராட்சித் தேர்தல் இந்த ஆண்டில் நடத்­தப்­ப­ட­வுள்­ளது. கிழக்கு மாகா­ண­ச­பைக்­கான தேர்­தலும், வரும் செப்­டெம்­ப­ருக்குள் நடத்­தப்­பட வேண்டும். அதற்குப் பின்னர், வடக்கு மாகா­ண­ச­பைக்­கான தேர்தல் அடுத்த ஆண்டு செப்­டெம்பர் மாதத்­துக்குள் நடத்­தப்­படும்.

இவ்­வா­றாக அடுத்த ஆண்­டுக்குள் மூன்று தேர்­தல்­களை எதிர்­கொள்ள வேண்­ டிய நிலையில் உள்ள தமிழ்த் தேசியக் கூட்­ட­மைப்­புக்கு இந்தத் தடை­களைத் தாண்டிப் பயணம் செய்­வது ஒன்றும் சுல­ப­மான காரி­ய­மாக இருக்கப் போவ­தில்லை.

ஏனென்றால், ஏற்­க­னவே தமிழ் மக்­க­ளுக்கு தமிழ்த் தேசியக் கூட்­ட­மைப்­பினால் கொடுக்­கப்­பட்ட வாக்­கு­று­தி­களின் நிலை என்ன என்­பது இந்த தேர்­தல்­களில் முக்­கி­ய­மான கேள்­வி­யாக இருக்கப் போகி­றது. அதனால் தான், தமிழ்த் தேசியக் கூட்­ட­மைப்­புக்கும் மேற்­கூ­றிய கூற்று பொருத்­த­மா­னது என்று குறிப்­பி­டப்­பட்­டது.

தமிழ்த் தேசியக் கூட்­ட­மைப்­பா­னது வெறு­மனே ஓர் அர­சியல் கட்­சி­யாக இருந் தால், கடந்த தேர்­தலின் போது அளித்­தி ­ருந்த வாக்­கு­று­தி­யை­யிட்டு கவலை கொள்ள வேண்­டிய தேவை இருக்­காது. ஏனென்றால் பெரும்­பா­லான அர­சியல் கட்­சிகள், தேர்­தல்­களின் போது அளிக்கும் வாக்­கு­று­தி­களை அப்­போதே மறந்து விடு­ வது தான் வழக்கம்.

அடுத்த தேர்­தலின் போது தான், அவர்­க­ளுக்கே அந்த வாக்­கு­று­திகள் நினை­வுக்கு வரும். அவ்­வா­றான ஒரு நிலைப்­பாட்டை தமிழ்த் தேசியக் கூட்­ட­மைப்­பினால் எடுக்க முடி­யாது. ஏனென்றால், தமிழ்த் தேசியக் கூட்­ட­மைப்பு இலாப நோக்­கிற்­காக செயற்­ப­டு­கின்ற – மக்­களின் நலன்­களை மறந்து விட்டுச் செல்­லக்­கூ­டிய ஓர் அர­சியல் கட்சி அல்ல.

இது தமிழ் மக்­களின் அர­சியல் அபி­லா­சை­க­ளையும், உரி­மை­க­ளையும் பெற்றுக் கொடுப்­ப­தற்­காக உரு­வாக்­கப்­பட்ட ஒரு கூட்­ட­மைப்பு. அதனால் தான், கூட்­ட­மைப்­பினால் மக்­க­ளுக்கு அளிக்­கப்­பட்ட வாக்­கு­று­தி­களை மறந்து விட்டுச் செல்­லவோ கடந்து கொண்டு செல்­லவோ முடி­யாது.

ஆனாலும், தமிழ்த் தேசியக் கூட்­ட­மைப்பு கடந்த தேர்­தலின் போது அளித்­தி­ருந்த வாக்­கு­று­தி­களை எந்­த­ள­வுக்கு நிறை­வேற்­றி­யுள்­ளது என்­பது குறித்து தமிழ் மக்­க­ளுக்கு விளக்­க­ம­ளிக்க வேண்­டிய கடப்­பாடு அடுத்து வரும் தேர்­தல்­களின் போது, ஏற்­படும்.

அடுத்து வரப் போகின்ற தேர்­தல்­களை எதிர்­கொள்­வ­தற்கு தமிழ்த் தேசியக் கூட்­ட­மைப்பு எந்­த­ள­வுக்குத் தயார்­ப­டுத்­தல்­களை மேற்­கொள்­கின்­றது என்ற கேள்­விகள் நிறை­யவே இருக்­கின்­றன.

இன்னும் நான்கு ஆண்­டு­களில் வரப் போகின்ற ஜனா­தி­பதி தேர்தல் பற்றி இப் ­போதே ஐ.தே.க.வும், ஸ்ரீலங்கா சுதந்­தி ரக் கட்­சியும், ஜே.வி.பியும் யோசிக்கத் தொடங்கி விட்­டன.

இந்­தி­யாவில் இன்னும் இரண்டு ஆண்­டு­களில் வரப் போகின்ற பாரா­ளு­மன்றத் தேர்­த­லுக்­காக பா.ஜ.க. கடந்த ஆண்­டி­லேயே வியூகம் வகுத்துச் செயற்­படத் தொடங்கி விட்­டது.

இவ்­வா­றான நிலை­மை­க­ளுடன் ஒப்­பிடும் போது, தமிழ்த் தேசியக் கூட்­ட­மை ப்பு, அடுத்த தேர்­தல்­களை எதிர்­கொள் ளும் விட­யத்தில் அப்­ப­டி­யொன்றும் தீர்க்க தரி­ச­னத்­துடன் முடி­வு­களை எடுத்­தி­ருப்­ப­தா­கவோ வியூங்­களை வகுத்­தி­ருப்­ப­தா­கவோ தெரி­ய­வில்லை.

தமிழ் மக்­களின் அர­சியல் அபி­லா­சை­களை அடை­வ­தற்­கான குறைந்­த­பட்ச நிகழ்ச்சி நிரல் ஒன்று கூட கூட்­ட­மைப்­பி டம் இல்லை. தமிழ்த் தேசியக் கூட்­ட­மைப்­புக்குள் நிறைந்­தி­ருப்­ப­தெல்லாம், உள்­ளக முரண்­பா­டு­களும், குத்­து­வெட்­டு­களும் தான்.

இந்த நெருக்­க­டியைக் கடந்து தமிழ்த் தேசியக் கூட்­ட­மைப்பு எவ்­வாறு நகரப் போகி­றது என்ற கேள்­விகள் தமிழ் அர­சியல் பரப்பில் எழுந்­தி­ருக்­கின்­றன.

ஒரு பக்­கத்தில் தமிழ்த் தேசியக் கூட்­ட­மைப்­புக்குள் இருந்து கொண்டே, அதன் தலை­மைக்கு எதி­ராக குரல்கள் எழுப்­பப்­ப­டு­கின்­றன. இன்­னொரு பக்­கத்தில் வெளியில் இருந்து கொண்டு கூட்­ட­மைப்பை உடைக்கும் முயற்­சிகள் நடக்­கின்­றன.

இவை எல்­லா­வற்­றுக்கும் அப்பால் வடக்­கிலும் கிழக்­கிலும் காலூன்­று­வ­தற்கு பேரி­ன­வாத தேசியக் கட்­சிகள் பெரும் முனைப்பில் ஈடு­பட்­டி­ருக்­கின்­றன.

மூன்று வித­மான இந்த நெருக்­க­டி­க­ளுக்கு அப்பால், தமிழ் மக்­களின் பிரச்­சி­னை­களைத் தீர்ப்­ப­தற்­கான அணு­கு­மு­றை­க­ளையும், அதற்­கான வழி­மு­றை­க­ளையும் கையாள வேண்­டிய நிலையும் கூட்­ட­மைப்­புக்கு இருக்­கி­றது.

அண்­மையில் ஜெனீவா தொடர்­பாக ஏற்­பட்ட நெருக்­க­டியை கூட்­ட­மைப்பு ஒரு­வாறு சமா­ளித்து விட்­டது. ஆனால் இது நிரந்­த­ர­மான தீர்வு அல்ல. ஜெனீவா கால­அ­வ­காசம் தொடர்­பாக தமிழ்த் தேசியக் கூட்­ட­மைப்பு நிலை­யா­ன­தொரு தீர்­மா­னத்தை எடுக்­க­வில்லை.

முதலில் கால­அ­வ­காசம் வழங்­கப்­ப­டு­வதை ஆத­ரிப்­ப­தாக கூறி­யது, பின்னர் கால­அ­வ­கா­சத்தை ஆத­ரிப்­ப­தாக கூற­வில்லை என்­றது, கடை­சி­யாக ஜெனீ­வாவில் தீர்­மானம் நிறை­வே­றி­யதும், கால­அ­வ­காசம் அளிக்­கப்­பட்­டதை வர­வேற்று அறிக்கை வெளி­யிட்­டது.

தமிழ்த் தேசியக் கூட்­ட­மைப்பு எதற்­காக இவ்­வாறு குட்­டையைக் குழப்பி மீன்­பி­டிக்க முனை­கி­றது என்ற கேள்வி தமிழ் மக்­க­ளி­டத்தில் ஏற்­பட்­டி­ருக்­கி­றது.

ஜெனீவா விட­யத்தில் அர­சாங்­கமும், மேற்­கு­ல­கமும் போட்ட வரைவு ஒன்றின் கீழ்தான் எல்­லாமே நடந்­தன. ஜெனீ­வாவில் கால­அ­வ­காசம் அளிப்­பதை விட சர்­வ­தேச சமூ­கத்­துக்கு இன்­னொரு தெரிவு இருக்­க­வில்லை. இது தான் உண்மை நிலை.

அதற்­காக தமிழ்த் தேசியக் கூட்­ட­மைப்பு கால­அ­வ­காசம் வழங்­கு­வ­தற்கோ, வழங்­கப்­பட்­ட­தற்கோ ஆத­ரவு தெரி­வித்­தி­ருக்க வேண்­டுமா என்­பது தான் தமிழ் மக்­களின் கேள்வி.

ஜெனீவா தீர்­மா­னத்தை நடை­மு­றைப்­ப­டுத்­து­வ­தற்கு இலங்கை அரசு இணங்­கி­யதை வர­வேற்­றி­ருக்­கலாம். அவ்­வாறு வர­வேற்­ப­தற்கும், கால­அ­வ­காசம் வழங்­கப்­பட்­டதை வர­வேற்­ற­தற்கும் இடையில் வேறு­பா­டுகள் உள்­ளன.

ஜெனீவா விவ­கா­ரத்தில் எதையும் செய்ய முடி­யாது என்­பதைத் தெரிந்து கொண்ட தமிழ்த் தேசி­ய­வாத தரப்­புகள், அதனை தமிழ்த் தேசியக் கூட்­ட­மைப்­புக்கு எதி­ரான விட­ய­மாக திசை திருப்பி விட்­டன.

தமிழ் மக்­களின் கையறு நிலை மறைக்­கப்­பட்டு அதனை தமிழ்த் தேசியக் கூட்­ட­மைப்பின் கையா­லா­காத்­த­ன­மாக காட்­டு­வதில் சில தரப்­புகள் வெற்­றியைப் பெற்­றி­ருக்­கின்­றன.

இப்­ப­டி­யொரு நிலை ஏற்­பட்­ட­மைக்கு கூட்­ட­மைப்­புக்குள் நில­வு­கின்ற உள்­ளக முரண்­பா­டுகள் பெரிதும் வலுச் சேர்த்­தி­ருந்­தன.

தமிழ்த் தேசியக் கூட்­ட­மைப்பு அர­சாங்­கத்­துக்கு அள­வுக்கு அதி­க­மா­கவே முண்டு கொடுக்­கி­றது என்ற அதி­ருப்தி தமிழ்­மக்­க­ளிடம் ஏற்­பட்­டுள்­ளது என்றால், அதற்குக் காரணம் கூட்­ட­மைப்பின் அணு­கு­முறை தான்.

இந்த அதி­ருப்தி நிலை நீடிக்­கு­மானால், அது தமிழ் மக்­களின் கடு­மை­யான எதிர்­வி­னை­க­ளுக்கே வழி­வ­குக்கக் கூடும்.

கடந்த பாரா­ளு­மன்றத் தேர்­தலில் தமிழ்த் தேசிய மக்கள் முன்­ன­ணிக்­காக கடு­மை­யாக உழைத்­த­வர்கள், தேர்தல் முடி­வுகள் வெளி­யான பின்னர் சலித்துக் கொண்டு இப்­படித் தான் கூறி­னார்கள் “கூட்­ட­மைப்பு தும்­புத்­த­டியை வேட்­பா­ள­ராக நிறுத்­தி­னாலும் தமிழ் மக்கள் வீட்­டுக்குத் தான் வாக்குப் போடு­வார்கள்”.

ஆனால் தமிழ் மக்கள் அர­சி­யலின் ஆழத்தைப் புரிந்து கொள்­ளா­த­வர்­களோ, அதன் போக்­கு­களை உணர்ந்து கொள்­ளா­த­வர்­களோ அல்லர். தேவைக்­கேற்ப அவர்கள் சரி­யான முடி­வு­க­ளையே எடுத்து வந்­தி­ருக்­கி­றார்கள். தொடர்ந்தும் அவ்­வாறே முடி­வு­களை எடுப்­பார்கள்.

தமிழ்த் தேசியக் கூட்­ட­மைப்பு விட­யத்தில் தாம் தவறு செய்து விட்டோம் என்று அவர்கள் கரு­து­கின்ற ஒரு நிலையை கூட்­ட­மைப்பு ஏற்­ப­டுத்திக் கொள்­ளு­மே­யானால், அடுத்த தேர்­தலில் அவர்கள் வேட்­பா­ளர்­களின் ஒவ்­வொரு அங்­கு­லத்­தையும் ஆரா­யவே முனை­வார்கள்.

தமிழ்த் தேசியக் கூட்­ட­மைப்பு தமிழ் மக்­களின் அர­சியல் அபி­லா­சை­க­ளையும், உரி­மை­க­ளையும் வெற்றி கொள்­வ­தற்­காக உரு­வாக்­கப்­பட்ட ஒன்று என்ற கடப்­பாட்டை மறந்து போனால், தமிழ் மக்­களும் கூட்­ட­மைப்பை மறந்து போகும் நிலைக்கு வந்து விடு­வார்கள்.

தாம் தெரிவு செய்த பிர­தி­நி­திகள், தமது பிரச்சினைகளில் தம்முடன் இருக்க வேண்டும் என்று தான் மக்கள் விரும்புகிறார்கள். தமக்காக போராட வேண்டும், வாதாட வேண்டும் என்று தான் எதிர்பார்க்கிறார்கள்.

ஆனால் அண்மையில், வடக்கு, கிழக்கில் போராட்டங்கள் முன்னெடுக்கப்பட்ட போது, தமிழ்த் தேசியக் கூட்டமைப்பின் மக்கள் பிரதிநிதிகளால் அந்த இடங்களுக்கு செல்ல முடியாத நிலையும் காணப்பட்டது. இதுபோன்ற இடைவெளிகள் திட்டமிட்டு உருவாக்கும் முனைப்புள் நடந்து கொண்டிருந்தாலும் அதற்கான சந்தர்ப்பத்தை விட்டுக் கொடுக்காது செயற்படுவது தான் சாதுரியமான அரசியல்.

மக்களுக்கான அரசியல் என்பது சாணக்கியத்தை மட்டும் மட்டுப்படுத்தியது அல்ல. அதற்கும் அப்பால் அர்ப்பணிப்பு முக்கியமானது. தமிழ்த் தேசியக் கூட்டமைப்பு அத்தகைய அர்ப்பணிப்பு அரசியலை எந்தளவுக்கு முன்னெடுக்கிறது என்பதை இப்போதைய கட்டத்திலாவது சுயபரிசோதனை செய்து கொள்ள வேண்டும்.

ஏனென்றால் தமிழ்த் தேசிய அரசியலில் கூட்டமைப்பின் இருப்பு என்பது மிக முக்கியமானது.

வீரகேசரி

Up ↑