குணா கவியழகனின் விடமேறிய கனவு.

சாட்சியம் இன்றி அழிக்கப்பட்ட ஒரு இனத்தின் இனப்படுகொலை யுத்தத்தின் சொல்லப்படாத அவலங்களின் பக்கங்களை வலிகள் குன்றாமல் எடுத்து வந்திருக்கும் இந்த காலத்தின் அற்புதமான போர் இலக்கியம்!

நாவலின் முன்பாகம் கதை சொல்லியின் அனுபவங்களை கோர்த்து இரத்தம் உறைய வைக்கும் சிங்கள இராணுவத்தின் சிறைச்சாலை சித்திரவதை விசாரணை கொடுமைகளை கண்ணீர் பெருகி ஓடும் வகையில் சொல்கின்றது.

கைதிகளான போராளிகளின் மன உணர்வு போராட்டங்கள் சித்திரவதை வலிகளை சொல்லு சொல்லாக சமகாலத்தில் கண் முன்னே கொண்டு வந்து வலிகளை துல்லியமாக உணரும் வகையில் துன்பம் தோய்த்து சொல்லும் திறன் மிக சிறப்பானது. தத்துவார்த்த சிந்தனைகள் பரவலாக நூலை மனதோடு இருத்தி வலித்தாலும் மூடி வைக்காமல் தொடர்ந்தும் படிக்க வைக்கின்றது.

அத்தோடு சித்திரவதைகள் தலை சுற்ற வைக்கும் விசாரணை கொடுமைகள் அவற்றுள் இருந்து தப்பி பிழைக்கும் போராட்டம் என கதையோடு இம்மியளவும் தள்ளி நிற்காமல் நாமும் காட்சிகளுள் பயணிக்கும் திகில் உணர்வை தருகின்றது. இது புனைவுக் கதையாக இருக்க முடியாது. உண்மையின் பதிவுகள் எனவே மனம் உறுதியாக நம்புகின்ற போதிலும் கதை சொல்லியின் புனைவு திறனும் அங்காங்கு தன் பார்வைகளை புகுத்தி இது புனைவு தான் என எண்ண வைக்கின்றன.

எது எவ்வாறாயினும் இது முள்ளிவாய்க்கால் இனப்படுகொலை யுத்தத்தின் பல உண்மைகளை எடுத்தியம்பும் ஒரு போர் இலக்கிய நூலாக பார்க்கப்பட முடியும். பல உண்மைகளையும் இந்த கதை சொல்லியூடாக படைப்பாளி ஆவணப் படுத்தி இருக்கின்றார் என்பதற்கு மறுப்பும் இல்லை.

காலத்தின் தேவையான பதிவு. ஒவ்வொரு தமிழனும் படிக்க வேண்டிய போர் இலக்கியம். ” விடமேறிய கனவு” தரமான சமகால போர் இலக்கியம் என்பதில் மிகை இல்லை. ஆனாலும் தத்துவார்த்த சிந்தனைகளூடாக படைப்பாளியின் பார்வைகள் மேலோங்கி இருக்கின்றது.. அவை உண்மைகளாக இருக்கலாம். ஆனால் பன்முக விளக்கங்கள் இன்னமும் எடுத்துவரப் பட்டு இருக்கலாம் சில சில இடங்களில்.

சாட்சியம் இன்றி அழிக்கப்பட்ட எம் ஈழத்து தமிழினத்தின் முள்ளிவாய்க்கால் இனப் படுகொலை யுத்தத்தின் பின் கைதான கைதிகளுக்கும் போராளிகளுக்கும் என்ன நடந்தது என்ற காத்திரமான பார்வையை குணா கவியழகனின் ” விடமேறிய கனவு” ஆவணப்படுத்தி இருக்கும் என்ற உறுதியான நம்பிக்கை நூலைப் படிப்பவர்க்குள் எழாமலும் இல்லை.

குணா கவியழகனின் விடமேறிய கனவு. சாட்சியம் இன்றி அழிக்கப்பட்ட ஒரு இனத்தின் இனப்படுகொலை யுத்தத்தின் சொல்லப்படாத அவலங்களின் பக்கங்களை வலிகள் குன்றாமல் எடுத்து வந்திருக்கும் இந்த காலத்தின் அற்புதமான போர் இலக்கியம்! நாவலின் முன்பாகம் கதை சொல்லியின் அனுபவங்களை கோர்த்து இரத்தம் உறைய வைக்கும் சிங்கள இராணுவத்தின் சிறைச்சாலை சித்திரவதை விசாரணை கொடுமைகளை கண்ணீர் பெருகி ஓடும் வகையில் சொல்கின்றது.

கைதிகளான போராளிகளின் மன உணர்வு போராட்டங்கள் சித்திரவதை வலிகளை சொல்லு சொல்லாக சமகாலத்தில் கண் முன்னே கொண்டு வந்து வலிகளை துல்லியமாக உணரும் வகையில் துன்பம் தோய்த்து சொல்லும் திறன் மிக சிறப்பானது. தத்துவார்த்த சிந்தனைகள் பரவலாக நூலை மனதோடு இருத்தி வலித்தாலும் மூடி வைக்காமல் தொடர்ந்தும் படிக்க வைக்கின்றது.

அத்தோடு சித்திரவதைகள் தலை சுற்ற வைக்கும் விசாரணை கொடுமைகள் அவற்றுள் இருந்து தப்பி பிழைக்கும் போராட்டம் என கதையோடு இம்மியளவும் தள்ளி நிற்காமல் நாமும் காட்சிகளுள் பயணிக்கும் திகில் உணர்வை தருகின்றது. இது புனைவுக் கதையாக இருக்க முடியாது. உண்மையின் பதிவுகள் எனவே மனம் உறுதியாக நம்புகின்ற போதிலும் கதை சொல்லியின் புனைவு திறனும் அங்காங்கு தன் பார்வைகளை புகுத்தி இது புனைவு தான் என எண்ண வைக்கின்றன.

எது எவ்வாறாயினும் இது முள்ளிவாய்க்கால் இனப்படுகொலை யுத்தத்தின் பல உண்மைகளை எடுத்தியம்பும் ஒரு போர் இலக்கிய நூலாக பார்க்கப்பட முடியும். பல உண்மைகளையும் இந்த கதை சொல்லியூடாக படைப்பாளி ஆவணப் படுத்தி இருக்கின்றார் என்பதற்கு மறுப்பும் இல்லை.

காலத்தின் தேவையான பதிவு. ஒவ்வொரு தமிழனும் படிக்க வேண்டிய போர் இலக்கியம். ” விடமேறிய கனவு” தரமான சமகால போர் இலக்கியம் என்பதில் மிகை இல்லை. ஆனாலும் தத்துவார்த்த சிந்தனைகளூடாக படைப்பாளியின் பார்வைகள் மேலோங்கி இருக்கின்றது.. அவை உண்மைகளாக இருக்கலாம். ஆனால் பன்முக விளக்கங்கள் இன்னமும் எடுத்துவரப் பட்டு இருக்கலாம் சில சில இடங்களில்.

சாட்சியம் இன்றி அழிக்கப்பட்ட எம் ஈழத்து தமிழினத்தின் முள்ளிவாய்க்கால் இனப் படுகொலை யுத்தத்தின் பின் கைதான கைதிகளுக்கும் போராளிகளுக்கும் என்ன நடந்தது என்ற காத்திரமான பார்வையை குணா கவியழகனின் ” விடமேறிய கனவு” ஆவணப்படுத்தி இருக்கும் என்ற உறுதியான நம்பிக்கை நூலைப் படிப்பவர்க்குள் எழாமலும் இல்லை.

**
நாவல்: போரும் துயரமும்-செல்வ புவியரசன்

நடந்த இறுதிப் போரில் சிறைபிடிக்கப்பட்ட போராளிகள் அனுபவித்த சித்திரவதைக் கொடுமைகளின் பின்னணியில் ‘விடமேறிய கனவு’ என்ற நாவலை எழுதியிருக்கிறார் குணா கவியழகன்.

ஈழத்தில் களத்தில் நின்று போராடியவர்கள் கடைசியில் இயக்கத் தலைவர் இறந்துவிட்டார் என்ற செய்திக்குக்கூடக் காது கொடுக்காமல் தங்களது உயிரைக் காத்துக்கொள்வதற்காகச் சோற்றுப் பொட்டலங்களுக்கும் தண்ணீர் பாட்டிலுக்கும் கையேந்தி நிற்கிறார்கள்.

ஐ.நா.அமைப்போ, செஞ்சிலுவைச் சங்கமோ தங்களைப் பாதுகாக்கும் என்ற நம்பிக்கையும் பொய்த்துப்போனது. எதிரிகளாக இருந்தவர்களிடமே சரணடைந்து அவர்களிடம் உயிரை இரந்து நிற்கும் நிலைக்கு ஆளாகிவிட்டனர். இரவில் விலங்கிடப்பட்டும் பகலில் சித்திரவதைகளுக்கு ஆளாகியும் மரணத்தின் முன்னால் அவர்களது வாழ்க்கை ஊசலாடுகிறது, ராணுவத்துக்கும் புலனாய்வு அமைப்பினருக்கும் இடையே பந்தாடப்படுகிறது. இயற்பெயரையும் இயக்கப் பெயரையும் மாற்றிச் சொல்லித் தப்பிக்க முயல்கிறார்கள். ஒற்றராய் இருக்கக்கூடுமோ என்று தங்களவர்களையே சந்தேகிக்கவும் செய்கிறார்கள்.

எந்த நொடியிலும் மரணம் நிகழக்கூடும் என்றறிந்த பிறகு, மனித மனம் மரணத்தைத் தடுத்துவிட, குறைந்தபட்சம் அதைத் தள்ளிப்போட்டுவிட வாய்ப்புள்ள வழிகளையெல்லாம் ஒவ்வொன்றாகச் சூழலுக்குப் பொருத்திப் பார்த்து, ஏதோவொன்றைக் கைக்கொள்ளத் துடிக்கிறது. அதே நேரத்தில், எதிர் நிற்கும் மரணம் தம்மை ஆட்கொண்டு விடுவதற் குள், வாழ்வின் இனிமையையும் துயரையும் உணர்த்திய சகல நினைவுகளையும் மீட்டெடுத்துப் பார்த்துவிடவும் விழை கிறது. விரும்பி ஏற்றுக்கொண்ட மரணம்தான் என்றபோது கலங்காது உவகை கொண்டிருந்த மனம், மரணம் நெருங்கி வரும்போது மாறிநிற்கிறது. எதை அடைவதற்காக உயிரை விலை கொடுக்கும் துணிவு பிறந்ததோ அது கனவாகவே கரைந்துவிட்டது. இப்போது எஞ்சி நிற்பது உயிர் மட்டும்தான்.

இனிமேல் அடைய வாய்ப்பே இல்லாத லட்சியத்திற்காக உயிரை விடுவது விவேகமல்ல. எனினும் இதுவரை பேணிவந்த அறத்தை உயிரின் பொருட்டு இழப்பதிலும் உடன்பாடில்லை. இவ்விரண்டு உணர்ச்சிகளுக்கும் இடையிலான போராட்டம்தான் இந்த நாவலின் மையம்.

குணா கவியழகனின் இரண்டாவது நாவல் இது. முதல் நாவலான ‘நஞ்சுண்ட காடு’, விடுதலைக்காகக் கூடுதல் விலை கொடுப்பதே தோல்விதான் என்று முன்னறிவித்தது. இரண்டாவது நாவலான ‘விடமேறிய கனவு’, போரின் முடிவு சர்வ நிச்சயமாகப் போராளிகளுக்கு முன்கூட்டியே தெரிந்துவிட்ட பிறகும் ஏன் அவர்கள் தொடர்ந்து களத்தில் நின்றார்கள் என்ற கேள்வியை எழுப்பி, பதிலைத் தேடுகிறது. இந்தப் பதில் அரசியல்ரீதியானதல்ல. மாறாக, தனிமனிதனின் ஆழ்மனதில் குமிழியிடும் நுண்ணுணர்ச்சிகளின் ஆதாரத்தைப் பற்றிய விசாரணை. அதுவே இந்நாவலைப் போர் இலக்கியம் என்பதையும் தாண்டித் தனித்துவம் கொண்ட நாவலாக வெற்றிபெறச் செய்திருக்கிறது.

ஒரே எடுப்பில் படித்து முடித்துவிடுகிற வகையில் மிகச் சரளமான நடை. எனினும் பக்கங் களைப் புரட்டிப் போக நாம் கல்நெஞ்சினராக இருந்தால் மட்டுமே முடியும். நாவல் முழுவதும் தனக்குத்தானே கீறி மருந்திட்டுக்கொள்ளும் துயருற்ற நெஞ்சத்தின் சுய எள்ளலின் கரிப்புச்சுவை இழையோடி நிற்கிறது.

விடமேறிய கனவு

குணா கவியழகன்

வெளியீடு: அகல், ராயப்பேட்டை சென்னை-14

தொலைபேசி: 98843 22398

பக்கங்கள்: 256 விலை: ரூ.240

Advertisements