மெரினாவை விட்டு கலைந்து செல்லுங்கள்’ : போலீசார் வேண்டுகோள்

சென்னை : மெரினாவிலிருந்து போராட்டக்காரர்களை கலைந்து செல்லும்படி போலீசார் வேண்டுகோள் விடுத்துள்ளனர்.

தமிழகத்தில் ஜல்லிக்கட்டை நடத்தக்கோரி கடந்த 7 நாட்களாக இளைஞர்கள் போராடி வருகின்றனர். இதற்கு பலதரப்பிலும் ஆதரவு பெருகியது. இந்நிலையில் சென்னை-மெரினாவில் 7வது நாளாக போராட்டத்தில் ஈடுபட்டுள்ள போராட்டக்காரர்களுக்கு போலீசார் வேண்டுகோள் விடுத்துள்ளனர்.
இதுகுறித்து சென்னை போலீசார் அறிவித்ததாவது: மெரினாவை விட்டு போராட்டக்காரர்கள் உடனடியாக வெளியேற வேண்டும். சட்டம் ஒழுங்கை பேணிக்காக்க அனைவரும் ஒத்துழைப்பு வழங்கினீர்கள். தமிழகத்தின் பல்வேறு பகுதிகளில் நேற்று ஜல்லிக்கட்டு நடைபெற்றது. போராட்டத்திற்கான இலக்கு எட்டப்பட்டுள்ளது. அமைதியான முறையில் போராடியது போல், அமைதியாகவே கலைந்து செல்லுங்கள். போலீசாருக்கு ஒத்துழைப்பு தந்து உடனடியாக மெரினாவை விட்டு வெளியேறுங்கள் எனத் தெரிவித்துள்ளனர். இவ்வாறு அவர்கள் வேண்டுகோள் விடுத்தனர்.

மெரினா கடற்கரையில் பதற்றம்! வலுகட்டயமாக இளைஞர்களை விரட்டும் பொலிஸ்! கடலுக்குள் குதிக்க மாணவர்கள் முயற்சி

மெரினாவில் கடந்த 8 நாட்களாக நடந்து வந்த ஜல்லிக்கட்டு போராட்டம் தற்காலிகமாக வாபஸ் பெற்றுக்கொள்வதாக போராட்டக்குழு அறிவித்துள்ளது.

போராட்டத்திற்கான குறிக்கோள் அடையப்பட்டுள்ளதால் கலைந்துசெல்லும்படி இளைஞர்களுக்கு சென்னை காவல்துறை வேண்டுகோள் விடுத்துள்ளது.

எனினும் இளைஞர்கள் கலைத்து செல்ல மறுப்பதால் அங்கிருந்து வலுகட்டயமாக பொலிஸாரினால் விரட்டப்படுதாக இந்திய ஊடகங்கள் தகவல் வெளியிட்டுள்ளன.

அங்கிருந்து கலைந்து செல்வது குறித்து தாம் ஆலோசிக்க கால அவகாசம் தேவை என போராட்டக்காரர்கள் பொலிஸாரை கேட்டுள்ளனர். அதற்கு அனுமதி மறுத்தால் அங்கிருந்து வெளியேறப் போவதில்லை என போராட்டக்காரர்கள் தெரிவித்துள்ளனர்.

அதனை மறுக்கும் பொலிஸார் உடனடியாக கலைத்து செல்லுமாறு இளைர்கள் விரட்டப்படுகின்றனர். இதன் காரணமாக அங்கு பெரும் தள்ளுமுள்ளு நிலை ஏற்பட்டுள்ளதாக இந்திய ஊடகங்கள் தகவல் வெளியிட்டுள்ளன.

இளைஞர்களின் எழுச்சி பெரும் விஸ்பரூபம் எடுத்துள்ள நிலையில், அதனை முறியடிக்கும் வகையில் அரசியல் அதிகாரம் பிரயோகிக்கப்படுவதாக பலர் குற்றம் சாட்டியுள்ளனர்.

பொலிஸாரின் அடக்கு முறை அதிகரிப்பதால் இளைஞர்கள் சிலர் கடலை நோக்கி செல்வதால் பெரும் பதற்றம் ஏற்பட்டுள்ளது. உணர்ச்சிவசப்பட்டு எந்தவொரு தவறான முடிவும் எடுக்கப்படக் கூடாது என இளைஞர்கள் அறிவுறுத்தப்பட்டுள்ளனர்.

ஜல்லிக்கட்டுக்கு எதிராக விதிக்கப்பட்ட தடையை நீக்கி, நிரந்த சட்டம் கொண்டு வரப்பட வேண்டும் என உலகம் முழுவதும் இளைஞர்கள் போராட்டம் நடத்தி வருகின்றமை குறிப்பிடத்தக்கது.

Advertisements